Kontent qismiga oʻtish
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦
Ilova test rejimida ishlamoqda: matnlar, jumlalar va soʻzlardagi xatoliklar tez orada tahrirchilar tomonidan tuzatiladi ✦

Rustam Abdurahmonov

ZiyoSfera, erkin ensiklopediya

Vikipediyada ismi Rustam va familiyasi Abdurahmonov boʻlgan boshqa kishilar haqida ham maqolalar mavjud.
Rustam Abdurahmonov
Tavalludi 1905-yil
Buxoro
Vafoti sanasi maʼlum emas
Toshkent
Fuqaroligi Buxoro amirligi, BXSR, Oʻzbekiston SSR
Sohasi jurnalistikajurnalist, tarjimon, adabiy tanqidchi
Ish joylari

„Ozod Buxoro“, Lenin yoʻli“, „Ilgʻor Surxon uchun“, „Kolxoz yoʻli“, „Qizil Oʻzbekiston“ gazetalari;

Oʻzbekiston kompartiyasi Markaziy Komiteti huzuridagi Partiya tarixi instituti.
Taʼlimi Oʻrta Osiyo Kommunistik universitetining jurnalistika fakulteti

Rustam Abdurahmonov (1905, Buxoro — ?, Toshkent) — jurnalist, tarjimon, adabiy tanqidchi. U matbuot sahifalarida Abdulla Qodiriy, Maqsud Shayxzoda va boshqa yozuvchilar ijodi haqida oʻzining vulgar-sotsiologik qarashlarini bayon etgan.

Dastlabki muxbirlik faoliyati

Rustam Abdurahmonov 1905-yilda Gʻijduvon tumanida dehqon oilasida tugʻilgan. 8 yoshida novvoyga shogird tushib, 9 yil novvoylik qilgan. 1922-yili Markaziy Rossiyadan Buxoroga kelgan otliq askarlardan birining oilasi bilan tanishib, ulardan oʻqish-yozishni oʻrgangan. 1925-yilda Buxorodagi ikki yillik pedagoglar tayyorlash kursini tugatgach, oʻzi tugʻilib oʻsgan qishloq maktabida oʻqituvchilik qila boshlagan. Shu voqeadan bir yil avval, 1924-yil kuzida, maktab sahnasida „bosmachi“larga qarshi yozilgan va amir amaldorlari masxara qilingan pyesani koʻrgan Rustam Abdurahmonov „Eski amaldorlar yoʻqolsin!“ degan maqola yozgan va maqola „Ozod Buxoro“ gazetasida bosilib chiqqan edi. U endi oʻqituvchilik qilish bilan birga qishloq muxbiri sifatida ham qalam tebratib, „Qizil Oʻzbekiston“, „Yosh leninchi“ gazetalari va „Mushtum“ jurnali sahifalarida „Koʻrgan“, „Chumchuq“, „Darakchi“, „Xabarchi“, „Kenjatoy“ taxalluslari bilan, „Ozod Buxoro“ gazetasining „Qarmoq“ hajviy boʻlimida esa „Mulla Tayoq“ taxallusi bilan xabar, maqola, feleton va hajviy sheʼrlarni eʼlon qiladi.

Jurnalistik faoliyati

Rustam Abdurahmonov 1927-yildan boshlab „Ozod Buxoro“da ishlay boshlaydi. 1928-yilda Oʻrta Osiyo Kommunistik universitetining jurnalistika fakultetiga oʻqishga kiradi. Oʻqishni tugatgach, 1930—1933-yillarda „Ozod Buxoro“ gazetasi oʻrniga chiqa boshlagan „Buxoro proletari“ gazetasiga muharrir etib tayinlanadi. 1933—1941-yillarda „Lenin yoʻli“, „Ilgʻor Surxon uchun“ viloyat hamda „Kolxoz yoʻli“ va „Qizil Oʻzbekiston“ respublika gazetalariga muharrirlik qiladi. Ikkinchi jahon urushi boshlanganidan soʻng armiyaga chaqirilib, 1942-yilning noyabridan Voronej frontida oʻzbek tilida chiqa boshlagan „Vatan sharafi uchun“ gazetasiga 1946-yilgacha muharrirlik qilgan, mayor darajasigacha koʻtarilgan[1].

Ilmiy-ijodiy faoliyati

Armiya safidan ozod qilingan Rustam Abdurahmonov 1946—1959-yillarda Oʻzbekiston kompartiyasi Markaziy Komiteti huzuridagi Partiya tarixi institutida katta ilmiy xodim, tarjima sektorida ilmiy mudir, maslahatchi, direktor oʻrinbosari lavozimlarida xizmat qiladi. N.V.Gogolning „Oʻlik jonlar“, L.N.Tolstoyning „Urush va tinchlik“, V.G.Belinskiyning „Gogolga xat“, B.Polevoyning „Chin inson qissasi“ asarlarini oʻzbek tiliga oʻgiradi.

Rustam Abdurahmonov adabiy tanqid bilan ham shugʻullanib, „Mafkura maydonida kurashni kuchaytiraylik“, „Uzangiga koʻtarilgan“ („Ochilgan qoʻriq“ romanining tarjimasi toʻgʻrisida) (1934), „Obid ketmon“ qissasi haqida“ (1935) kabi maqolalar yozgan. Muallif bu maqolalarida badiiy adabiyotga vulgar sotsiologizm nuqtayi nazardan yondashgan[2].

Rustam Abdurahmonov yetarli adabiy maʼlumotga ega boʻlmagani holda keyin ham adabiyot va adabiyotshunoslik masalalari (masalan, Shayxzoda va Ahmad Yassaviy ijodlari)ga aralashib, vulgar-sotsiologik qarashlarini davom ettirgan.

Manbalar

  1. ↑ Shamsutidinov R. Ikkinchi jahon urushi va front gazetalari. Toshkent: Akademnashr, 2017 — 7-bet. 
  2. ↑ Karimov N. Abdulla Qodiriy zamondoshlari. Entsiklopediya. Toshkent: Akademnashr, 2019 — 18-bet.