Ruslan Axmedxanov

Ruslan Axmedxanov

Shaxsiy maʼlumot
Toʻliq ismi	Ruslan Rinatovich Ahmedxanov
Tavallud sanasi	1974-yil 16-sentyabr (1974-09-16)
Tavallud joyi	Oʻzbekiston SSR
Ampluasi	Darvozabon
Professional faoliyati*
Yillar	Jamoa	Isht.	(Gol.)
1991	Umid (Toshkent)	7	(0)
1992	Paxtakor-79	11	(0)
1992—1993	Paxtakor	3	(0)
1993—1995	Politotdel	55	(0)
1997	MHSK	6	(0)
1998	Navbahor	6	(0)
1999—2000	Paxtakor	40	(0)
2001	Metallurg (Bekobod)	20	(0)
2002—2003	Doʻstlik	40	(0)
2004	Soʻgʻdiyona	5	(0)
2004—2005	Toʻpalang	7	(0)
2006	Lokomotiv (Toshkent)	11	(0)
Milliy terma jamoa
1992	Oʻzbekiston	2	(0)
Boshqargan klublari
2016—2019	Lokomotiv (Toshkent)
2019	Surxon
2021—2022	Neftchi
2022	Istiqlol (Dushanbe)
2022	Soʻgʻdiyona
*Professional klublardagi gollari (ichki chempionat)

Ruslan Rinatovich Ahmedxanov (1974-yil 16-sentyabrda tugʻilgan) — sovet va oʻzbek futbolchisi, Oʻzbekiston milliy terma jamoasida darvozabon pozitsiyasida oʻynagan.

Biografiya

1960-yillarda Oʻzbekiston SSR nomidan SSSR ikkinchi ligasi klublarida oʻynagan darvozabon Renat Ahmedxanovning oʻgʻli.

Kattalar darajasidagi faoliyatini SSSR chempionatining soʻnggi mavsumida ikkinchi quyi liga jamoasi — Toshkentning „Umid“ klubida boshlagan. 1992-yildan boshlab Oʻzbekiston oliy ligasi klublarida toʻp surgan. 1992-yilgi mavsum davomida Toshkentning „Paxtakor-79“ va „Paxtakor“ jamoalarida oʻynagan, soʻnggi jamoa bilan chempionlik unvonini qoʻlga kiritgan, biroq mavsumda bor-yoʻgʻi 2 ta oʻyinda maydonga tushgan. Keyingi mavsumda „Politotdel“ga oʻtgan. 1997-yilda chempionlikka erishgan Toshkentning MHSK klubi safida 6 ta oʻyin oʻtkazgan boʻlsa, keyingi yili chempionatning bronza medali sohibi boʻlgan Namanganning „Navbahor“ jamoasi safida ham 6 ta oʻyinda ishtirok etgan. 1999-yilda „Paxtakor“ga qaytib, u yerda ikki yil faoliyat olib borgan. Keyinchalik turnir jadvalining oʻrta va quyi pogʻonalarida joylashgan „Metallurg“ (Bekobod), „Doʻstlik“, „Soʻgʻdiyona“, „Toʻpalang“, „Lokomotiv“ (Toshkent) kabi klublarda oʻynagan. 2004-yilda „Toʻpalang“ bilan birinchi liganing kumush medali sohibi boʻlgan.

Oʻzbekiston oliy ligasida jami 204 ta oʻyinda maydonga tushgan.

1992-yil 23-avgustda Oʻzbekiston terma jamoasi safida Markaziy Osiyo kubogi doirasida Qirgʻizistonga qarshi kechgan oʻyinda debyut qilib, 75-daqiqada Berdaq Allaniyazov oʻrniga maydonga tushgan. 1992-yilda milliy terma jamoa safida jami ikkita oʻyin oʻtkazgan. Ikkala uchrashuvda ham ikkinchi boʻlimda maydonga tushib, gol oʻtkazib yubormagan.

Oʻzbekistonning „Lokomotiv“ (Toshkent), „Surxon“ (Termiz), „Neftchi“ (Fargʻona), „Soʻgʻdiyona“ (Jizzax) klublarida darvozabonlar murabbiyi sifatida faoliyat yuritgan. Shuningdek, 2022-yilning avgust oyidan dekabr oyiga qadar Tojikistonning „Istiqlol“ jamoasida darvozabonlar murabbiyi boʻlib ishlagan.

Havolalar

• Ruslan Axmedxanov Footballfakts saytida
• Ruslan Axmedxanov Transfermarkt saytida