Kontent qismiga oʻtish

Rudi Garcia

ZiyoSfera, erkin ensiklopediya
Rudi Garcia
Garcia (2011-yil)
Shaxsiy maʼlumot
Toʻliq ismi Rudi José Garcia[1]
Tavallud sanasi 1964-yil 20-fevral (1964-02-20) (62 yosh)
Tavallud joyi Nemours, Fransiya
Boʻyi 1.80 m
Ampluasi Yarrim himoyachi
Klub maʼlumoti
Joriy klub
 Belgiya (murabbiy)
Yoshligida aʼzo boʻlgan klublar
1970–1979 Corbeil-Essonnes
1979–1982 Viry-Châtillon
1982–1983 Lille
Professional faoliyati*
Yillar Jamoa Isht. (Gol.)
1983–1988 Lille 64 (4)
1988–1991 Caen 57 (1)
1991–1992 Martigues 15 (0)
1994–1996 Corbeil-Essonnes
Total 134+ (5+)
Boshqargan klublari
1994–1998 Corbeil-Essonnes
2001 Saint-Étienne
2002–2007 Dijon
2007–2008 Le Mans
2008–2013 Lille
2013–2016 Roma
2016–2019 Marseille
2019–2021 Lyon
2022–2023 Al Nassr
2023 Napoli
2025– Belgiya
*Professional klublardagi gollari (ichki chempionat)

Rudi José Garcia (1964-yil 20-fevralda tugʻilgan) — fransiyalik professional futbol murabbiyi va sobiq futbolchi, hozirda Belgiya milliy terma jamoasi bosh murabbiyi hisoblanadi.

Garcia professional faoliyatini „Lill“ klubida boshlagan va keyinchalik Fransiyaning boshqa bir qancha jamoalarida ham toʻp surgan. Murabbiy sifatida u „Lill“, „Roma“, „Marsel“, „Lion“, „An-Nassr“ va „Napoli“ kabi klublarga ustozlik qilgan. Garcia 2025-yilda Belgiya terma jamoasi bosh murabbiyi etib tayinlandi.

Yoshlik davri

Rudi Garcianing otasi José ispaniyalik muhojir boʻlib, „Sedan“ va „Dunkerque“ jamoalarida professional darajada futbol oʻynagan[2]. Uning bobosi va buvisi Ispaniya fuqarolar urushi paytida Andalusiyani tark etib, Ardennes mintaqasiga koʻchib ketgan[3]. Garciaga germaniyalik velosipedchi Rudi Altig sharafiga ism qoʻyilgan[4].

1992–1994-yillar oraligʻida Garcia universitetga oʻqishga kirib, Orsayda DEUG va STAPS darajalarini, shuningdek, yoshlar tayyorlash markazini boshqarish huquqini beruvchi fransuzcha malaka sertifikatlarini qoʻlga kiritgan.

Klubdagi faoliyati

José Garcia mahalliy Corbeil-Essonnes jamoasining murabbiyi boʻlganida, u oʻgʻlini jamoaga jalb qilgan va u yerda Rudi kadet darajasigacha oʻynagan. Corbeil-Essonnesda milliy kadetlar jamoasi yoʻqligi sababli, Rudi Viry-Châtillon jamoasiga qoʻshilgan. U bakalavr darajasini olganida 18 yoshda edi va Lill bilan shartnoma imzolagan. U yerda ikki yil davomida oʻrinbosarlar jamoasida va toʻrt yilni professional jamoa tarkibida oʻtkazdi.

Hujumkor yarim himoyachi sifatida oʻynagan Garcianing „Lill“ uchun birinchi goli diqqatga sazovor boʻlgan. 1984-yil dekabr oyida Lill Paris Saint-Germain bilan toʻqnash kelish uchun Parc des Princesga yoʻl olgan. Oʻyin 2:2 hisobida durang boʻlgan vaqtida Garcia gol urib, jamoasinin gParij klubi ustidan gʻalaba qozonishiga hissa qoʻshgan.

„Lill“ klubidan soʻng Garcia „Kaan“ jamoasiga qoʻshilgan. Yangi klubida unga Robert Nouzaret va Daniel Jeandupeux murabbiylik qilgan. 1991-yilda u Normandiya klubi bilan shartnoma imzolashdan koʻra, Martigga qoʻshilishni afzal koʻrdi. Bel va tizzasidagi jiddiy jarohatlar uni 1992-yilda 28 yoshida professional futbolni tark etishga majbur qildi.

Murabbiylik faoliyati

Belgiya

2025-yil 24-yanvarda Garcia Domenico Tedesco oʻrniga Belgiya milliy futbol terma jamoasining yangi bosh murabbiyi etib tayinlangan[5]. U 2026-yilgi FIFA Jahon chempionati yakunigacha moʻljallangan shartnomani imzolagan[6]. Garcia boshqaruvidagi Belgiya terma jamoasining dastlabki ikki uchrashuvi UEFA Millatlar ligasining Ukraina termasiga qarshi pley-off bosqichining oʻtish oʻyinlariga toʻgʻri keldi; uning jamoasi dastlabki oʻyinda 3:1 hisobida yutqazib, ikkinchisida 3:0 hisobida gʻalaba qozondi va umumiy 4:3 hisobi bilan gʻalabani qoʻlga kiritib, jamoasini B ligasiga tushib ketishdan saqlab qoldi[7].

Boshqaruv uslubi

Garcia oʻzining afzal koʻrgan oʻyin uslubini „toʻpga egalik qilish, hujum qilish, toʻpni qaytarib olgandan soʻng tezkor qarshi hujumga asoslangan oʻyin va eng muhimi, jamoaviy ruhga ega boʻlish“ deb taʼriflagan[8]. U texnik va taktik intizom va tashkillashtirishni qadrlaydi, ammo oʻz oʻyinchilarini oʻzlarini koʻrsatishlariga undaydi[9].

Media faoliyati

Garcia CanalSatellite uchun avval oʻyindan keyingi intervyular uchun muxbir, keyin esa studiya eksperti sifatida ishlagan.

Shaxsiy hayoti

Garcianing Karla, Eva va Lena ismli uchta qizi bor[10]. 2014-yildan beri u italiyalik sport jurnalisti Francesca Brienza bilan munosabatda. Francesca Garcianing Giallorossilar klubida murabbiy boʻlgan vaqtida AS Roma telekanalida ishlagan[10]. 2023-yil iyun oyida ular birinchi farzandini kutayotganliklarini eʼlon qilishgan[11].

2015-yil yanvar oyida Parijdagi Charlie Hebdo otishmasidan soʻng, Garcia matbuot anjumanida barcha jurnalistlarga ramziy qalamlar ulashib, shunday dedi: „Parijda sodir boʻlgan voqea erkinlikka hujum edi. Ammo qadriyatlar oʻzgarmasligi kerak, bu erkinlik abadiy davom etishi kerak“[12].

Manbalar

  1. ↑ „Rudi Garcia version espagnole“ [Rudi Garcia Spanish version] (fr) (2013-yil 7-aprel). 2019-yil 22-dekabrda asl nusxadan arxivlangan. Qaraldi: 2019-yil 22-dekabr.
  2. ↑ „Rudi García at work“ (fr). Le Bien Public (2002-yil 22-may). 2009-yil 24-fevralda asl nusxadan arxivlangan. Qaraldi: 2009-yil 4-mart.
  3. ↑ „Rudi García the right call at Roma“ by James Horncastle, ESPN FC, 15 June 2013
  4. ↑ „Marseille-Coach Garcia bastelt an seinem dritten Titel“ (de). Austria Press Agency (2018-yil 24-aprel). Qaraldi: 2019-yil 6-noyabr.
  5. ↑ „Ex-Roma manager Garcia named Belgium head coach“. BBC Sport (2025-yil 24-yanvar). Qaraldi: 2025-yil 24-fevral.
  6. ↑ „Frenchman Rudi Garcia hired as Belgium coach in his 1st national team job“. Associated Press (2025-yil 24-yanvar). Qaraldi: 2025-yil 24-fevral.
  7. ↑ „Lukaku's late double leads Belgium to 3–0 win over Ukraine to retain League A spot“. Reuters (2025-yil 23-mart). Qaraldi: 2025-yil 27-mart.
  8. ↑ „learning.coachesvoice“.
  9. ↑ „totalfootballanalysis“.
  10. ↑ 10,0 10,1 „Garcia esce allo scoperto: "Francesca fa parte della mia vita privata, e non da ieri"“ (it). Giallorossi.net (2014-yil 19-sentyabr). Qaraldi: 2023-yil 22-avgust.
  11. ↑ „Francesca Brienza incinta, in arrivo il primo figlio con Rudi Garcia (che ne ha avuti 3 con l'ex moglie)“ (it). Il Mattino (2023-yil 18-iyun). Qaraldi: 2023-yil 22-avgust.
  12. ↑ „Charlie Hebdo attack: French sporting stars pay tribute to dead“. BBC Sport (2015-yil 10-yanvar). Qaraldi: 2015-yil 11-yanvar.

Havolalar

Vikiomborda „Rudi Garcia“ mavzusi boʻyicha mediafayllar bor. 
"https://ziyosfera.uz/index.php?title=Rudi_Garcia&oldid=741309" dan olindi