Rovshan Khalilov
| Rovshan Khalilov | |
|---|---|
| Shaxsiy maʼlumotlari | |
| Tavallud sanasi |
1990-yil 8-noyabr Mingachevir Ozarbayjon |
| Boʻyi | 75 kilogram (165 lb) |
| Vazni | 5 ft 6 in (1.68 m) |
| Sport | |
| Qaysi sport | Pauerlifting va kuch atleti |
Rovshan Magsad ogly Khalilov (ozarbayjoncha: Xəlilov Rövşən Məqsəd oğlu; 1990-yil 8-noyabrda tugʻilgan) — ozarbayjonlik pauerlifter va kuch atleti, Ozarbayjonda xizmat koʻrsatgan sport ustasi, xalqaro darajadagi sport ustasi, 11 karra Ozarbayjon chempioni, 5 karra jahon va 3 karra Yevropa chempioni[1][2].
Biografiyasi
1990-yil 5-noyabrda Ozarbayjonning Mingachevir shahrida tugʻilgan. 2016-yildan buyon Favqulodda vaziyatlar vazirligining Maxsus xavfli qutqaruv xizmati xodimi hisoblanadi[3][4]. U dastlab Maxsus xavfli qutqaruv xizmatida praporshik unvoni bilan soqchi, 2018-yildan esa qutqaruvchi mutaxassis boʻlib ishlagan. 2020-yilda sport va xizmatdagi muvaffaqiyatlari hisobga olinib, unga leytenant unvoni berilgan.
1997–2008-yillarda Mingachevirdagi 1-sonli oʻrta maktabda tahsil olgan. 2008–2013-yillarda Boku Islom universitetining Sharqshunoslik fakultetida oliy maʼlumot olgan. 2013-yilda universitetni tamomlagach, harbiy xizmatga joʻnatilgan. Harbiy xizmatni kichik serjant unvoni bilan yakunlagan.
Sportdagi faoliyati
Pauerlifting
Sportga 7 yoshidan qiziqa boshlagan. Bolaligidan to oʻsmirlik davrigacha erkin kurash bilan shugʻullangan va milliy chempionatlarda ishtirok etgan. 2009-yilda sambo boʻyicha Ozarbayjon chempionatining bronza medali sovrindori boʻlgan. Talabalik yillarida u pauerliftingga qiziqib qolgan va ushbu sport turi bilan professional darajada shugʻullana boshlagan. 2010-yildan 2021-yilgacha u ketma-ket 11 marta mamlakat chempioni boʻlgan. Shuningdek, u Ozarbayjon kubogi sohibi hisoblanadi[5].
U 2017-2018 va 2019-yillarda Ozarbayjonda oʻtkazilgan Milliy yetakchi Haydar Aliyev xotirasiga bagʻishlangan pauerlifting boʻyicha xalqaro turnirlar gʻolibi boʻlgan. Shuningdek, 2015-yilda Turkiyada oʻtkazilgan „Bosfor kubogi“ musobaqasida ham gʻoliblikni qoʻlga kiritgan[6][7].
2016-yilda Gruziyada oʻtkazilgan Kavkaz chempionati gʻolibi. GPA-IPSU talqiniga koʻra Jahon superkubogi sohibi. 75 kg gacha boʻlgan vazn toifasida 2013-2017 va 2019-yillarda Yevropa chempioni, 2017-2018- (2 marta) va 2019-yillarda esa jahon chempioni boʻlgan[8][9]. 2019-yilgi pauerlifting boʻyicha 5-jahon chempionatida 75 kg gacha boʻlgan vazn toifasida ikkita oltin va bitta kumush medalni qoʻlga kiritgan. Xalilov uchta jahon rekoridini oʻrnatgan hamda umumiy natija boʻyicha oʻzining shaxsiy rekorini yangilagan[10][11].
2014–2019-yillarda mas-vrestling boʻyicha Ozarbayjon chempionatlari va kuboklarining gʻolibi hamda sovrindori boʻlgan[12][13]. 2018-yilda mas-restling boʻyicha Yevropa chempionatining bronza medali sovrindori boʻlgan. Rovshan Khalilov mas-vrestling boʻyicha murabbiylik darajasiga ega[14].
Kuch atleti
2020-yil — Ozarbayjon chempioni (eng kuchli odam kategoriyasi).
Yutuqlari
| Sana | Musobaqa | Joy | Vazn toifasi |
Medal |
| 2013 | Yevropa chempionati[15] | Baku, Ozarbayjon | 67,5 kg | 1 |
| 2017 | Haydar Aliyev xalqaro turniri | Baku, Ozarbayjon | 75 kg | 1 |
| 2017 | World Cup[16] | Sochi, Rossiya | 75 kg | 1 |
| 2017 | Jahon chempionati[17] | Dolgoprudny, Rossiya | 75 kg | 1 |
| 2018 | Haydar Aliyev xalqaro turniri[18] | Baku, Ozarbayjon | 75 kg | 1 |
| 2018 | Jahon chempionati[19] | Moscow, Rossiya | 75 kg | 1 |
| 2018 | Jahon chempionati[20] | Orlando, Florida, AQSh | 75 kg | 1 |
| 2019 | Haydar Aliyev xalqaro turniri[21] | Baku, Ozarbayjon | 75 kg | 1 |
| 2019 | Yevropa chempionati[22] | Saint Petersburg, Rossiya | 75 kg | 1 |
| 2019 | Yevropa chempionati[23] | Saint Petersburg, Rossiya | 75 kg | 1 |
| 2019 | Jahon chempionati[24] | Maskva, Rossiya | 75 kg | 1 |
| 2019 | Jahon chempionati[25] | Maskva, Rossiya | 75 kg | 1 |
Manbalar
- ↑ (ozarbayjoncha)Çempion idmançımız mükafatlandırıldı — FOTOLAR
- ↑ (ruscha)Sotrudnik MChS Azerbaydjana pokazal rekordniy rezultat na turnire „Strongmen“
- ↑ MES employee becomes winner of Azerbaijan Cup
- ↑ (ozarbayjoncha)FHN-in əməkdaşı Azərbaycan Kubokunun qalibi olub
- ↑ (ruscha)Sotrudnik MChS viigral Kubok Azerbaydjana
- ↑ (ozarbayjoncha)FHN əməkdaşı beynəlxalq turnirin qalibi olub
- ↑ (ozarbayjoncha)FHN-nin idmançısı Rövşən Xəlilov yenidən Çempion oldu (Wayback Machine saytida October 28, 2021, sanasida arxivlangan)
- ↑ 148 — IPA Men PRO RAW Division — World Records
- ↑ The European Championship was held in Sochi
- ↑ Azerbaijan wins 7 golds in 5th World Powerlifting Championship
- ↑ (ruscha)Azerbaydjanes pobil v Moskve mirovie rekordi i stal chempionom
- ↑ (ruscha)Kubok Azerbaydjana po mas-restlingu sobral sportsmenov iz semi regionov strani
- ↑ (ruscha)V Azerbaydjane v chetvertiy raz proveli chempionat po mas-restlingu
- ↑ European Mas-Wrestling Championship — 2018 Results
- ↑ European Championships 2013 Result # 444861: Khalilov Rovshan
- ↑ Final European Cup
- ↑ WPC Worlds — pl raw
- ↑ (ozarbayjoncha)FHN-nin idmançısı Rövşən Xəlilov yenidən Çempion oldu (Wayback Machine saytida October 28, 2021, sanasida arxivlangan)
- ↑ World championship (powerlifting) — PL raw
- ↑ (ruscha)Chetire azerbaydjansa stali chempionami mira v SShA (Wayback Machine saytida August 7, 2020, sanasida arxivlangan)
- ↑ (ozarbayjoncha)Pauerliftinq üzrə dördqat dünya çempionu Zaur Cəfərov növbəti qələbəsini qazanıb
- ↑ European Championship WRPF/WEPF 2019 Result # 1142614: Khalilov Rovshan
- ↑ European Championship WRPF/WEPF 2019 Result # 1142506: Khalilov Rovshan
- ↑ WRPF World Championships Result # 1227674: Khalilov Rovshan
- ↑ WRPF World Championships Result # 1227283: Khalilov Rovshan