Rofi ibn Abi Layl
Rofi ibn Abi Layl ibn Ulayyan al-Kalbiy (arabcha: رافع بن أبي ليلى بن عليان الكلبي) (fl. 1028–1038) (taxallusi (faxriy unvoni) Izz ad-Davla (arabcha: عزالدولة) nomi bilan ham tanilgan) – XI asr oʻrtalarida Suriyadagi Kalb qabilasining amiri[1].
Hayoti
Rofi amakisi Sinan ibn Ulayyan vafotidan soʻng, 1028-yilda Kalb amirligi lavozimi boʻldi. Sinan Kalbni Fotimiylar xalifaligiga qarshi ittifoqqa kiritgan edi; bu ittifoqda yana ikki badaviy qabila ittifoqi – Hassan ibn Mufarrij boshchiligidagi Tay hamda Solih ibn Mirdos boshchiligidagi Kilab ishtirok etgan. Ammo Rofi davrida Kalb fotimiylar tomoniga oʻtdi[2]. Bu Rofi xalifa az-Zohirga (h. 1021–1036) sodiqligini eʼlon qilib, buning evaziga Sinanning iqtosi (mulklari)ni boshqarish huquqini olganidan keyin sodir boʻldi[3]. Fotimiylar Anushtakin ad-Dizboriyni Tay va Kilabga qarshi yuborgan paytda Rofi va Kalb qabliasi Tiberiya koʻli yaqinidagi hal qiluvchi al-Uxuvona jangida u bilan kurashdilar. Jangda Solih halok boʻlganidan keyin Rofi uning va oʻgʻlining jasadlarini aniqladi, ularning boshlarini kesib, Anushtakinga yubordi[4]. Rofi boshchiligidagi Kalb keyinroq Solihning vorisi Shibl ad-Davla Nasrga qarshi Anushtakinning 1038-yildagi yurishida ham ishtirok etdi. Bu yurish Nasrning oʻldirilishi va fotimiylarning Halabni qayta egallashi bilan yakunlandi[5].
Manbalar
- ↑ Swayd 2006, s. 85.
- ↑ Gil 1997, s. 396.
- ↑ Lev 2003, s. 52.
- ↑ Gil 1997, ss. 396–397.
- ↑ Cappel 1994, s. 126, note 32.
Adabiyotlar
- Abu-Izzeddin, Nejla M.. The Druzes: A New Study of Their History, Faith, and Society. Leiden and Boston: E. J. Brill, 1993. ISBN 90-04-09705-8.
- Gil, Moshe. A History of Palestine, 634–1099. Cambridge: Cambridge University Press, 1997. ISBN 0-521-59984-9.
- Cappel, Andrew J. „The Byzantine Response to the 'Arab (10th–11th Centuries)“, . Presence of Byzantium: Studies Presented to Milton V. Anastos in Honor of His Eighty-fifth Birthday. Amsterdam: Adolf M. Hakkert, 1994 — 113–-bet. ISBN 90-256-0619-9.
- Lev, Yaacov „Turks in the Political and Military Life of Eleventh-Century Egypt and Syria“, . The Influence of Human Mobility in Muslim Societies. Kegan Paul, 2003. ISBN 0710308027.
- Swayd, Sami. The A to Z of the Druzes. Scarecrow Press, 2006 — 85-bet. ISBN 9780810868366.