Ridnym
| „Ridnym“ | ||||
|---|---|---|---|---|
| Leléka singli | ||||
| Chiqarilgan sanasi | 2026-yil 16-yanvar | |||
| Qoʻshiq muallif(lar)i |
| |||
| Leléka singllari xronologiyasi | ||||
| ||||
„Ridnym“ (ukraincha: „Rіdnim“, soʻzma-soʻz: „azizlarga“) — ukrainalik xonanda va qoʻshiqnavis Viktoria Leléka tomonidan Leléka taxallusi ostida ijro etilgan qoʻshiq. Musiqa mualliflari Lelékaning oʻzi, Adama Cefalu, Jakob Hegner va Yaroslav Dzhus boʻlib, unga Hegner prodyuserlik qilgan. Qoʻshiq 2026-yil 16-yanvarda chiqarilgan va Eurovision qo'shiq tanlovi 2026da Ukraina nomidan qatnashgan. U finalda toʻqqizinchi oʻrinni egalladi.
Tarixi va kompozitsiyasi
„Ridnym“ qoʻshigʻi Viktoria Leléka, Adama Cefalu, Jakob Hegner va Yaroslav Dzhus tomonidan yozilgan[1].
Eurovision qoʻshiq tanlovi 2026
Vidbir 2026
Vidbir 2026 — Ukraina vakilini aniqlab berish uchun oʻtkazilgan Vidbir milliy saralashining oʻninchi mavsumi hisoblanadi. Tanlovning final bosqichi 2026-yil 7-fevral kuni Kyiv shahrida boʻlib oʻtdi[2]. Milliy finalda ishtirok etadigan qoʻshiqlarni va Ukrainaning Eurovision qoʻshiq tanlovidagi vakilini aniqlash jarayoni uch bosqichda amalga oshirildi. Birinchi bosqichda ijrochilar va qoʻshiq mualliflari onlayn ariza shakli orqali tanlovda ishtirok etish uchun oʻz nomzodlarini taqdim etdi[3]. 2025-yil 24-noyabr kuni 15 nafar ishtirokchidan iborat uzun roʻyxat eʼlon qilindi.[4]. Ikkinchi bosqichda asosiy roʻyxatdagi ijrochilar tinglovdan oʻtkazildi va ulardan saralab olingan toʻqqizta ishtirokchi 2025-yil 3-dekabrda eʼlon qilindi.[5]. Qoʻshimcha ravishda, yana bir ishtirokchi Diia mobil ilovasi orqali oʻtkazilgan onlayn saralash natijalariga koʻra tanlab olindi[6]. Uchinchi bosqich final boʻlib, u 2026-yil 7-fevralda boʻlib oʻtdi. Unda Ukrainaning Vena shahridagi tanlovda vakillik qilish huquqi uchun kurashgan oʻnta ijrochi ishtirok etdi. Yakuniy natijalar jamoatchilik (Diia ilovasi orqali) hamda besh aʼzodan iborat hakamlar hayʼati (oldingi mavsumdagilardan kattaroq tarkib) ovozlarining 50/50 tamoyiliga tayanib aniqlandi. Bunda har bir hakam oʻz ballarini shakllantirish jarayonida chiqishlarning turlicha jihatlarini alohida baholab bordi[2][7]. Dastlabki saralash bosqichidan oʻtgan Leléka 2025-yil 3-dekabr kuni „Ridnym“ qoʻshigʻi bilan tanlovning 10 nafar finalchisi qatoridan joy oldi[8][9][5]. Jamoatchilik va hakamlar hayʼatining umumiy ovoz berish natijalariga koʻra, u 20 ball jamgʻargan holda gʻoliblikni qoʻlga kiritdi hamda Vena shahridagi Eurovision sahnasida Ukraina sharafini himoya qiladigan boʻldi[10][11].
Eurovisionda
2026-yilgi Eurovision qoʻshiq tanlovi Avstriyaning Vena shahridagi „Wiener Stadthalle“ arenasida boʻlib oʻtdi. Tanlov 12 va 14-may kunlari oʻtkazilgan ikkita yarim final hamda 16-may kuni boʻlib oʻtgan final bosqichidan iborat edi[12].
Manbalar
- ↑ „Leléka - Ridnym“ (2026-yil 16-yanvar). Qaraldi: 2026-yil 9-fevral.
- ↑ 2,0 2,1 „Vidbir 2026 Final on February 7“.
- ↑ Conte, Davide „🇺🇦 Ukraine: Submission Window for Vidbir 2026 Opens“ (en-GB). Eurovoix (2025-yil 3-sentyabr). Qaraldi: 2026-yil 16-yanvar.
- ↑ „Суспільне оголосило лонглист Нацвідбору-2026“ (uk). eurovision.ua (2025-yil 24-noyabr). Qaraldi: 2026-yil 16-yanvar.
- ↑ 5,0 5,1 „Ukraine: 9 finalists for Vidbir 2026 revealed“ (en-US). Suspilne Ukraine (2025-yil 3-dekabr). Qaraldi: 2026-yil 16-yanvar.
- ↑ „Songs of Vidbir 2026 longlist revealed“ (en-US). Suspilne Ukraine (2026-yil 8-yanvar). Qaraldi: 2026-yil 16-yanvar.
- ↑ „Суспільне оголосило склад журі Нацвідбору на "Євробачення-2026" збільшивши кількість експертів до п'яти осіб“ [Suspilne has announced the composition of the jury of the National Selection for Eurovision-2026, increasing the number of experts to five people] (uk). Suspilne Kultura (2026-yil 30-yanvar). Qaraldi: 2026-yil 30-yanvar.
- ↑ Лісова, Юстина „«Суспільне» оголосило лонгліст Нацвідбору на «Євробачення-2026»: серед заявок Jerry Heil, Monokate та Khayat“ (uk). Hromadske (2025-yil 24-noyabr). 2025-yil 26-noyabrda asl nusxadan arxivlangan. Qaraldi: 2025-yil 26-noyabr.
- ↑ Чеботар, Тетяна „Суспільне оголосило фіналістів Нацвідбору: хто побореться за право представити Україну на "Євробаченні-2026"“ (uk). apostrophe.ua (2025-yil 3-dekabr). 2025-yil 3-dekabrda asl nusxadan arxivlangan. Qaraldi: 2025-yil 3-dekabr.
- ↑ Громлюк, Ілона. „LELEKA поїде на Євробачення від України“ (uk). BBC News Україна (2026-yil 7-fevral). 2026-yil 28-aprelda asl nusxadan arxivlangan. Qaraldi: 2026-yil 8-fevral.
- ↑ Granger, Anthony „Ukraine: Vidbir 2026 Public Vote Breakdown Released“. Eurovoix News (2025-yil 8-fevral).
- ↑ „Vienna announced as host city for Eurovision Song Contest 2026“ (2025-yil 20-avgust). Qaraldi: 2026-yil 29-yanvar.