Kontent qismiga oʻtish

Richard Clarida

ZiyoSfera, erkin ensiklopediya

Richard Harris Clarida (1957-yil 18-mayda tugʻilgan) — amerikalik iqtisodchi, 2018-yildan 2022-yilgacha Federal zaxira raisining 21-oʻrinbosari boʻlib ishlagan. Richard Harris Clarida 2022-yil 14-yanvarda oʻz lavozimidan isteʼfo berdi va 2022-yil bahor semestri uchun Kolumbiya universitetida dars berish maqsadida davlat xizmatidan taʼtilga chiqdi. U Kolumbiya universitetida Iqtisodiyot va Xalqaro aloqalar boʻyicha C.Lowell Harriss professori hisoblanadi. Shuningdek, u 2006-yildan 2018-yil sentyabrigacha va 2022-yil oktyabrdan hozirgi kungacha PIMCO uchun global strategik maslahatchi sifatida faoliyat yuritadi. U oʻzining dinamik stoxastik umumiy muvozanat nazariyasi va xalqaro pul iqtisodiyoti sohasidagi hissalari bilan mashhur. U ilgari iqtisodiy siyosat boʻyicha AQSh moliya vazirligining yordamchi kotibi sifatida faoliyat yuritgan va moliyaviy medal bilan taqdirlangan. U shuningdek, COVID-19 pandemiyasi davrida inflyatsiya oʻtkinchi boʻlgan degan nazariyaniilgari surgan[1].

Taʼlimi

Clarida Illinoys Ueslian Universitetidan iqtisodiyot boʻyicha bakalavr darajasini „Bronze Tablet“ sharafi bilan olgan va magistr hamda falsafa doktori darajalarini Harvard universitetida qoʻlga kiritgan. 2018-yil oktyabrda u Illinoys universitetining Gumanitar va tabiiy fanlar kolleji tomonidan bitiruvchilar yutuqlari mukofoti bilan taqdirlangan.

Akademik faoliyati va ilmiy tadqiqotlari

1988-yildan buyon Clarida Kolumbiya universitetida iqtisodiyot va xalqaro munosabatlar dasturlarida dars berib kelmoqda, u shu universitetda C.Lowell Harriss iqtisodiyot professori unvoniga ega. 1997-yildan 2001-yilgacha Clarida Kolumbiya universiteti iqtisodiyot boʻlimi raisi lavozimida ishlagan. Faoliyatining boshida u Yale universitetidagi Cowles jamgʻarmasi aʼzosi boʻlgan.

Clarida tadqiqotlari dinamik stoxastik umumiy muvozanatni modellashtirishga qaratilgan. Bu zamonaviy makroiqtisodiyot va optimal pul-kredit siyosatida, ayniqsa, vaqt qatorlari tahlili orqali katta taʼsirga ega boʻlgan amaliy umumiy muvozanat nazariyasining bir tarmogʻidir. Uning Jordi Galí va Mark Gertler bilan olib borgan tadqiqotlari shuni koʻrsatadiki, bugungi kunda koʻplab davlatlarda pul-kredit siyosati kelajakni hisobga oluvchi Taylor qoidasiga oʻxshash tarzda yuritilmoqda. Ammo 1970-yillardagi siyosatchilar bunday kelajakka yoʻnaltirilgan Taylor qoidasiga amal qila olmagan[2].

Clarida pul-kredit siyosati, valyuta kurslari, foiz stavkalari va xalqaro kapital oqimlari boʻyicha yetakchi ilmiy jurnallarda koʻplab tez-tez iqtibos keltiriladigan maqolalarni nashr etgan. U tez-tez dunyoning yetakchi markaziy banklari, jumladan Federal zaxira, Markaziy bank, Angliya banki va Yaponiya bankiga oʻz tadqiqotlarini taqdim etish uchun taklif etiladi. U 2008-yilgi moliyaviy inqiroz natijasida yuzaga kelgan past inflyatsiya davrining pul-kredit siyosati oqibatlari haqida yozgan[3].

Boshqa professional yutuqlar

Richard Claridaa AQSh Moliya vazirligida iqtisodiy siyosat boʻyicha yordamchi kotib lavozimida faoliyat yuritgan. Ushbu lavozim juda mas’uliyatli boʻlib, unga tayinlanishdan oldin nomzod AQSH Senati tomonidan rasmiy tarzda koʻrib chiqilib, tasdiqlanishi shart hisoblanadi. Bu lavozimda Richard Clarida AQSh Moliya vazirligining ikki nafar kotibi — Paul O‘Neill va John W.Snow uchun bosh iqtisodiy maslahatchi sifatida faoliyat yuritgan. U ularga iqtisodiy siyosatga oid muhim masalalar boʻyicha maslahat bergan, jumladan AQSh va jahon iqtisodiyoti istiqbollari, xalqaro kapital oqimlari, korporativ boshqaruv hamda AQSh davlat qarzining muddat tuzilishi kabi muhim yoʻnalishlar bilan shugʻullangan. 2003-yil may oyida John W.Snow Richard Claridani uning fidokorona va yuqori darajadagi xizmatlarini eʼtirof etib, „Treasury Medal“ bilan taqdirlagan.

Richard Clarida bir qator nufuzli moliyaviy tashkilotlarda maslahatchi sifatida faoliyat yuritgan. Jumladan, u Credit Suisse First Boston tarkibidagi Global Foreign Exchange Group hamda Grossman Asset Management bilan hamkorlik qilib, moliyaviy va iqtisodiy masalalar boʻyicha maslahatlar bergan. 2006-yildan 2018-yilgacha u PIMCO kompaniyasida Global strategik maslahatchi boʻlib ishlagan, 2015-yilda esa ushbu kompaniyada boshqaruvchi direktor lavozimiga tayinlangan. Clarida 2022-yil oktyabr oyida PIMCO kompaniyasiga boshqaruvchi direktor va global iqtisodiy maslahatchi sifatida qaytdi. U Tashqi aloqalar kengashi aʼzosi. Clarida NBER (Iqtisodiy tadqiqotlar milliy byurosi)ning G7 joriy hisob balansidagi nomutanosibliklar boʻyicha loyihasiga direktorlik qilgan hamda „G7 Current Account Imbalances: Sustainability and Adjustment“ asarining muharriri boʻlgan[4][5].

2024-yil mart oyida Amerika moliya muzeyi Claridani Whitehead Award for Distinguished Public Service and Financial Leadership mukofoti bilan taqdirladi. Taqdirlashda muzey uning davlat sektoridagi samarali faoliyati hamda iqtisodiy siyosat va moliya sohasidagi yetakchiligini alohida eʼtirof etdi[6].

Federal zaxira

Clarida 2018-yilda Federal zaxira raisi oʻrinbosari sifatida qasamyod qildi.

2018-yil 24-aprelda Clarida AQSh Prezidenti Donald Trump tomonidan Federal zaxira raisi oʻrinbosari lavozimiga Stanley Fischerning oʻrniga nomzod qilib koʻrsatildi[7]. 2018-yil 28-avgustda AQSh Senati Claridani Federal zaxira raisi oʻrinbosari lavozimiga 69–26 ovoz natijasi bilan tasdiqladi. Shundan soʻng u 2018-yil 17-sentabrda rasman oʻz lavozimiga kirishib, AQSh pul-kredit siyosatini belgilash jarayonida faol ishtirok eta boshladi[8].

Shaxsiy hayot

Clarida Illinoys shtatining Herrin shahrida oʻsgan[9]. 1989-yilda u Polly Morgan Barry bilan turmush qurgan[10]. 2016-yilda u oʻzining „Time No Changes“ nomli 13 trekdan iborat albomini chiqardi. Ushbu albomda u nafaqat ijrochi sifatida, balki qoʻshiqlarning musiqasi va matnlarini hamda vokal ijrosini ham oʻzi yaratgan[11].

Manbalar

  1. ↑ [needs cite]
  2. ↑ Clarida, Richard; Gali, Jordi; Gertler, Mark (1999). "The science of monetary policy: a New-Keynesian perspective". Journal of Economic Literature 37 (4): 1661–707. doi:10.1257/jel.37.4.1661. http://repositori.upf.edu/bitstream/10230/360/1/356.pdf. 
  3. ↑ Clarida, Richard „What Has – and Has Not – Been Learned about Monetary Policy in a Low Inflation Environment? A Review of the 2000s“. Federal Reserve Bank of Boston (2010-yil oktyabr).
  4. ↑ „Richard H. Clarida“. National Bureau of Economic Research. Qaraldi: 2022-yil 11-yanvar.
  5. ↑ „Richard Clarida“. Bloomberg. 2012-yil 14-martda asl nusxadan arxivlangan.
  6. ↑ „Museum of American Finance to Honor Richard H. Clarida, Howard Marks, Charles M. Royce and Tina Byles Williams at 2024 Gala“. Museum of American Finance. Qaraldi: 2024-yil 8-mart.
  7. ↑ „Seven Nominations Sent to the Senate Today“. whitehouse.gov (2018-yil 24-aprel). Qaraldi: 2018-yil 29-aprel.
  8. ↑ Federal Reserve System (2018-yil 17-sentyabr). „Richard H. Clarida sworn in as Vice Chairman and member of the Board of Governors“. Press-reliz.
  9. ↑ Peterson, Doug „A new tune in economics“. University of Illinois (2018-yil 8-oktyabr). Qaraldi: 2018-yil 16-noyabr.
  10. ↑ „Richard Clarida And Polly Barry Wed in Westport“ (1989-yil 18-iyun). Qaraldi: 2019-yil 31-mart.
  11. ↑ Timiraos, Nick „Parsing the Lyrics at the Fed“ (2018-yil 14-dekabr). Qaraldi: 2019-yil 31-mart. 
"https://ziyosfera.uz/index.php?title=Richard_Clarida&oldid=733745" dan olindi