Kontent qismiga oʻtish

Rebecca Meyers

ZiyoSfera, erkin ensiklopediya
Rebecca Meyers

Meyers 2021-yil iyul oyida Merilend shtati parlamentiga tashrifi chog‘ida
Shaxsiy maʼlumotlari
Taxallusi/Laqabi Becca
Tavallud sanasi 1994-yil 20-noyabr (1994-11-20) (31 yosh)
Baltimore, Maryland, AQSh
Veb-sayti Meyers on teamusa.org
Sport
Mamlakat  USA
Qaysi sport para suzish
Klubi Nationʼs Capital Swim Club

Rebecca Meyers (1994-yil 20-noyabrda tugʻilgan)[1] – amerikalik para suzuvchi[2]. 2016-yilgi Yozgi Paralimpiya oʻyinlarida uchta oltin va bitta kumush medalni qoʻlga kiritgan. Shuningdek, 2012-yilgi Paralimpiya terma jamoasi aʼzosi sifatida Londonda bitta kumush va bitta bronza medaliga ega chiqqan[3]. 2009-yilda Tayvanda boʻlib oʻtgan Yozgi Karlar oʻyinlarida ham ishtirok etgan, bu uning ushbu musobaqalardagi yagona ishtiroki hisoblanadi[4][5]. 2009-yilgi musobaqada 4×200 metrga erkin usulda estafeta suzish bahslarida bronza medalni qoʻlga kiritgan[6].

Hayoti

Meyers Usher sindromiga ega va tugʻilganidan beri kar[7]. Yoshligidan eshitishga yordam beruvchi elektron moslama koxlear implantidan foydalanadi[8]. U, shuningdek, retinitis pigmentoza (RP) deb ataladigan kasallik sababli koʻrish qobiliyatini ham yoʻqotmoqda. Unga harakatlanishda yordam beradigan Birdie ismli koʻzi ojizlar uchun moʻljallangan it hamrohlik qiladi[9].

2015 va 2017-yillarda Meyers „Nogironligi boʻlgan eng yaxshi ayol sportchi“ nominatsiyasi boʻyicha ESPY mukofoti bilan taqdirlangan[10]. U 2016-yilgi Yozgi Paralimpiya oʻyinlarida rekord natija qayd etgan va oltin medalga sazovor boʻlgan[11].

Meyers Baltimorda ulgʻayib, Notre Dame tayyorlov maktabida oʻqigan va keyinchalik Pensilvaniya shtatining Lancaster shahridagi Franklin va Marshall kollejini tamomlagan. U yerda tarix fakultetida oʻqigan va nogironlik masalalarini chuqurroq oʻrganishga alohida eʼtibor qaratgan. Meyers oʻn bir yil davomida Loyola Blakefield Aquatics suzish klubida shugʻullangan. 2012-yilda Michael Phelps mashq qilgan North Baltimore Aquatic Club safiga qoʻshilgan. Keyinchalik Maryland shtatining Bethesda shahridagi Nationʼs Capital Swim Clubga oʻtgan va u yerda Katie Ledeckyning murabbiyi Bruce Gemmell qoʻl ostida mashq qilgan[12]. Meyers S13 va S12 toifalarida bir nechta jahon rekordlarini oʻrnatgan.

2021-yil iyun oyida AQSh Tokioda boʻlib oʻtadigan pandemiya sabab kechiktirilgan 2020-yilgi Yozgi Paralimpiya oʻyinlariga boruvchi 34 nafar paralimpiyachi nomini eʼlon qildi. Ayollar jamoasi tarkibidan Meyers, Jessica Long, McKenzie Coan, Elizabeth Marks va Mallory Weggemannlar oʻrin olgan[13]. 2021-yil 20-iyulda sportchining shaxsiy yordamchi olish boʻyicha soʻrovi COVID-19 pandemiyasi oqibatida xodimlar soni cheklangani sababli rad etilgach, Paralimpiadada ishtirok etishdan voz kechgan[14].

Xalqaro musobaqalar

2019

  • 1 ta oltin medal: 400 metrga erkin usul;
  • 1 ta kumush medal: 200 metrga kompleks usul;
  • 2 ta bronza medal: 100 metrga erkin va 100 metrga batterflay usul;
  • 2 ta jahon rekordi: 400 metrga erkin uslub va 200 metrga kompleks usul;
  • 5 ta Amerika rekordi: 400 metrga erkin uslubda, 200 metrga kompleks usulda, 100 metrga erkin uslubda, 50 metrga erkin va 100 metrga brass usulida suzish[15].


2017

  • 1 ta oltin medal: 400 metrga erkin usul;
  • 2 ta kumush medal: 100 metrga batterflay va 100 metrga erkin uslub;
  • 1 bronza medal: 100 metrga brass usulida suzish[16].

2015

  • 2 ta oltin medal: 200 metr kompleks suzish va 400 metr erkin usulda suzish;
  • 1 ta kumush medal: 100 metr batterflay usulida suzish;
  • S13 toifasida 2 ta jahon rekordi: 200 metrga kompleks suzish va 400 metr erkin usulda suzish[17][18].

2014

  • 4 ta oltin medal: 100 metrga batterflay, 100 metrga erkin usul, 400 metrga erkin usul va 200 metr kompleks suzish;
  • 2 ta kumush medal: 100 metrga brass usuli va 50 metr erkin usulda suzish;
  • S13 toifasida 2 ta jahon rekordi: 200 metrga kompleks suzish va 400 metr erkin usulda suzish[19][20].

2013

  • 2 ta oltin medal: 200 metrga kompleks suzish va 400 metrga erkin usulda suzish;
  • 2 ta kumush medal: 100 metrga batterflay va 100 metrga erkin usulda suzish[21].

2011

  • 4 ta oltin medal: 200 metrga erkin usul, 400 metrga erkin usulda, 800 metrga erkin usul va 4×200 metrga erkin usul estafeta;
  • Jahon rekordi: 4×200 metr erkin usul estafeta;
  • 800 metrga erkin usulda suzish boʻyicha karlar oʻrtasidagi jahon chempionati[22][23].

2009

  • 1 ta bronza medal: 4×200 metr erkin usul estafeta;
  • Amerika rekordi: 4×200 metr erkin usul estafeta[24].

Manbalar

  1. ↑ „Rebecca Meyers“. 2016-yil 15-sentyabrda asl nusxadan arxivlangan. Qaraldi: 2016-yil 13-sentyabr.
  2. ↑ „(Video Interview) Rebecca Meyers Uses Paralympic Trials Victories as Indicator for Rio“ (2016-yil 2-iyul). 2016-yil 24-sentyabrda asl nusxadan arxivlangan. Qaraldi: 2016-yil 13-sentyabr.
  3. ↑ „Rebecca Meyers“. Team USA. 2019-yil 11-iyulda asl nusxadan arxivlangan. Qaraldi: 2019-yil 27-avgust.
  4. ↑ „London's hometown heroes: Rebecca Meyers“. Team USA. 2014-yil 6-yanvarda asl nusxadan arxivlangan. Qaraldi: 2018-yil 26-yanvar.
  5. ↑ „Rebecca Meyers | Deaflympics“ (en). www.deaflympics.com. 2017-yil 11-iyulda asl nusxadan arxivlangan. Qaraldi: 2018-yil 26-yanvar.
  6. ↑ „4×200m freestyle relay | 2009 Summer Deaflympics“ (en). www.deaflympics.com. 2018-yil 26-yanvarda asl nusxadan arxivlangan. Qaraldi: 2018-yil 26-yanvar.
  7. ↑ Sun. „Timonium para-swimmer Becca Meyers has can-do mantra, 'enormous' heart -- and an ESPY nomination“ (2015-yil 14-iyul). 2016-yil 20-sentyabrda asl nusxadan arxivlangan. Qaraldi: 2016-yil 13-sentyabr.
  8. ↑ „Athlete Bio“. 2016-yil 10-noyabrda asl nusxadan arxivlangan. Qaraldi: 2016-yil 9-noyabr.
  9. ↑ „Archived copy“. 2016-yil 3-iyulda asl nusxadan arxivlangan. Qaraldi: 2016-yil 9-noyabr.
  10. ↑ Principe. „Meet the local swimmer who won an ESPY award!“ (2016-yil 19-fevral). 2016-yil 13-sentyabrda asl nusxadan arxivlangan. Qaraldi: 2016-yil 13-sentyabr.
  11. ↑ „Baltimore's Meyers sets world record to win Paralympic gold“ (2016-yil 9-sentyabr). 2016-yil 13-sentyabrda asl nusxadan arxivlangan. Qaraldi: 2016-yil 13-sentyabr.
  12. ↑ „3-Time Paralympic Gold Medalist Becca Meyers Joining Nation's Capital Swim Club“ (2019-yil iyun).
  13. ↑ „United States name 34 swimmers on Tokyo 2020 Paralympic team“. www.insidethegames.biz (2021-yil 22-iyun). Qaraldi: 2021-yil 28-iyun.
  14. ↑ Gibson. „Deaf-blind swimmer Becca Meyers is denied personal care assistant, withdraws from Tokyo Paralympics“. ESPN.com (2021-yil 20-iyul). Qaraldi: 2021-yil 20-iyul.
  15. ↑ „London 2019 - Schedule and Results“.
  16. ↑ „Mexico City 2017 - Swimming Live Results“. International Paralympic Committee. 2018-yil 22-martda asl nusxadan arxivlangan. Qaraldi: 2018-yil 21-mart.
  17. ↑ „Archived copy“. 2016-yil 9-mayda asl nusxadan arxivlangan. Qaraldi: 2016-yil 8-noyabr.
  18. ↑ „Glasgow 2015 Schedule & Results - IPC Swimming“. 2016-yil 9-noyabrda asl nusxadan arxivlangan. Qaraldi: 2016-yil 8-noyabr.
  19. ↑ „Para Pan Pacs: Day 5 Records and Final Wrap-Up“. SwimSwam (2014-yil 12-avgust). 2016-yil 9-noyabrda asl nusxadan arxivlangan. Qaraldi: 2016-yil 8-noyabr.
  20. ↑ „Results“. Team USA. 2019-yil 11-iyulda asl nusxadan arxivlangan. Qaraldi: 2020-yil 14-yanvar.
  21. ↑ „Live Results - 2013 IPC Swimming World Championships Montreal“. 2016-yil 11-oktyabrda asl nusxadan arxivlangan. Qaraldi: 2016-yil 8-noyabr.
  22. ↑ „Archived copy“. 2012-yil 4-oktyabrda asl nusxadan arxivlangan. Qaraldi: 2016-yil 9-noyabr.
  23. ↑ „Archived copy“. 2012-yil 4-oktyabrda asl nusxadan arxivlangan. Qaraldi: 2016-yil 9-noyabr.
  24. ↑ „Athletes | Deaflympics“. 2016-yil 10-noyabrda asl nusxadan arxivlangan. Qaraldi: 2016-yil 9-noyabr. 
"https://ziyosfera.uz/index.php?title=Rebecca_Meyers&oldid=730581" dan olindi