Raxshona Ahmedova
Raxshona Ahmedova Tursunaliyevna
- Vikipediyada ismi Raxshona va familiyasi Ahmedova boʻlgan boshqa kishilar haqida ham maqolalar mavjud.
(1987-yil 11-aprel; Oʻzbekiston) — yozuvchi va tarjimon. Faoliyatini jurnalist sifatida “Turkiston-press” nodavlat axborot agentligida (2007–2008 va 2009–2010 yillar) boshlagan. Keyinchalik “Jahon adabiyoti” jurnalida (2015 – 2019) yetakchi muharrir, “Yangi asr avlodi” nashryotida (2023 – 2025) muharrir sifatida faoliyat yuritgan. Janubiy Koreya Respublikasining Pusan chet tillar universitetida talaba almashinuv dasturi asosida tahsil olgan. Oʻzbekiston Yozuvchilar uyushmasi tomonidan oʻtkazilgan “Suv – bebaho ne’mat” tanlovida (2018) “Orzu va dengiz” hikoyasi bilan gʻolib boʻlgan.] “Orzu va dengiz” (2020), “Soyabon ostida” (2021), Tushunarsiz sevgi izhori (2024), Sevgim mening, sevgilim mening” (2024) hikoya va qissalar toʻplami hamda “Tongotar” (2025) romani muallifi.
| Raxshona Ahmedova Tursunaliyevna | |
| Tavalludi | 11-aprel 1987-yil (38 yosh)
Fargʻona |
| Fuqaroligi | Oʻzbekiston |
| Taʼlimi | Bakalavriat: Oʻzbekiston davlat jahon tillari universiteti
Magistratura: Alisher Navoiy nomidagi Toshkent davlat oʻzbek tili va adabiyoti universiteti |
| Kasbi | yozuvchi, tarjimon |
| Faoliyat yillari | 2007-yildan hozirgacha |
| Kitoblari | "Orzu va Dengiz" "Soyabon ostida" "Tushunarsiz sevgi izhori" "Tongotar" |
| Tarjima qilgan asarlari | Shin Kyong Suk (Onamni Asra) |
| Millati | oʻzbek |
| Dini | islom |
| Bolalari | 2 ta |
“Raxshonaning asarlarida Ayol obrazi va uning inja, nozik tuyg‘ulari realistik uslubda romantik kayfiyat bilan tasvirlanadi. Adiba barcha asarlarida “Ayolga e’tiborli bo‘ling! Ayolga mehr bering! Ayolni seving!” degan badiiy tezisni ilgari suradi. Bu faqat yozuvchining Ayol kishi bo‘lib yaralgani bilan bog‘liq emas. Yosh muallif erkak obrazini yaratadimi, ayol obrazini yaratadimi, ularning kechinmalari, yuragining tub-tubidagi ichki dardini teran anglab, shaxsiy qalb prizmasidan o‘tkazib yozadi” deydi filologiya fanlari doktori Marhabo Qoʻchqorova.
Bolalik va yoshlik yillari
Raxshona Ahmedova 1987-yil 11-aprelda Fargʻonada tavallud topgan. Bolaligi Qayqubod qishlogʻida oʻtgan. Oʻzbekiston tumanidagi 4-umumiy oʻrta ta’lim maktabida tahsil olgan. Maktab davrida she’riy mashqlari “Tong yulduzi”, “Turkiston”, “Milliy tiklanish” gazetalarida chop etilgan.
Raxshona Ahmedova maktabni bitirgach, Oʻzbekiston davlat jahon tillari universitetida (2010) bakalavriat bosqichini tamomlagan. Talabalik davrlari rus, koreys va yapon tilidan qilgan tarjimalari “Toshkent oqshomi”, “Ma’rifat” gazetalarida nashr etilgan.
Faoliyati
Raxshona Ahmedova professional faoliyatini 2007-yilda Turkiston-press nodavlat axborot agentligida boshlaydi. Turli yillar muxbir (2007–2008), sharhlovchi (2009–2010) lavozimlarida faoliyat koʻrsatadi. Keyinroq Davlat mulkini boshqarish davlat qoʻmitasida (2010–2012) bosh mutaxassis-matbuot kotibi lavozimida faoliyat yuritadi.Raxshona Ahmedova 2015 yildan boshlab, faoliyatini adabiyot sohasida davom ettiradi. “Jahon adabiyoti” jurnalida (2015–2019) yetakchi muharrir, “Yangi asr avlodi” nashryotida (2023–2025) muharrir sifatida faoliyat koʻrsatadi. Uning she’r va hikoyalari koʻplab tillarga tarjima qilingan va turli tillarda nashr etilgan “Istiqlol umidlari” (2001), “Baxt qo‘ng‘irog‘i” (2019), “Orzu va dengiz” (2022), “Cheshme” (2022), “Красное яблоко” (2023), “Shisem” (2023) kabi almanaxlarga kiritilgan.
Raxshona Ahmedovaning “Orzu va dengiz” hikoyasi O‘zbekiston Yozuvchilar uyushmasi tomonidan o‘tkazilgan "Suv – bebaho ne’mat" tanlovida (2018) birinchi o‘rinni egallagan. Yozuvchining “Orzu va dengiz” (2020), “Soyabon ostida” (2021), “Tushunarsiz sevgi izhori” (2024), “Sevgim mening, sevgilim mening” (2024) nomli hikoya va qissalar kitoblari nashr etilgan. 2025-yilda “Tongotar” nomli ilk romani nashrdan chiqdi.
Raxshona Ahmedova O‘zbekiston Yozuvchilar uyushmasi a’zosi.
Manbalar
- Ўзбек насри/Рахшона Аҳмедова (1987) [https://ziyouz.uz/ozbek-nasri/raxshona-ahmedova/] — ziyouz.uz
- Setor chalayotgan ayol – “Soyabon ostida” kitobiga taqriz [https://oyina.uz/uz/article/3004] Oyina.uz (05-sentabr 2024-yil).
- Har bir inson oʻqishi kerak boʻlgan kitoblar [[sayt ishlamaydi]#x20;Afisha.uz https://www.afisha.uz/uz/znaniya/2025/04/10/bukblogerlar] Afisha.uz (10-aprel 2025-yil).
- Yosh adibaning yangi asarlari taqdimoti [https://uza.uz/oz/posts/yosh-adibaning-yangi-asarlari-taqdimoti_749514?utm_source=chatgpt.com] UzA.uz (15-avgust 2025-yil).
- “Soyabon ostida”gi iztiroblar tahlili [https://uza.uz/oz/posts/yosh-adibaning-yangi-asarlari-taqdimoti_749514?utm_source=chatgpt.com] UzA.uz (15-avgust 2025-yil).