Ravshanbek Siddiqov
- Ziyosferada ismi Ravshanbek va familiyasi Siddiqov boʻlgan boshqa kishilar haqida ham maqolalar mavjud.
| Ravshanbek Inomjonovich Siddiqov | |
|---|---|
 | |
| Tavalludi |
1952-yil 7-aprel Qoʻrgʻontepa tumani, Andijon viloyati, Oʻzbekiston SSR |
| Fuqaroligi |
 Oʻzbekiston |
| Kasbi | agronom |
| Sohasi | qishloq xoʻjaligi |
| Taʼlimi | Andijon paxtachilik instituti |
| Ilmiy darajasi | qishloq xoʻjaligi fanlari doktori |
| Ilmiy unvoni | professor |
| Mukofotlari |
 Andoza:Oʻzbekiston mustaqilligiga 25 yil |
Ravshanbek Inomjonovich Siddiqov (1952-yil 7-aprel, Qoʻrgʻontepa tumani, Andijon viloyati, Oʻzbekiston SSR) — oʻzbekistonlik agronom olim, qishloq xoʻjaligi fanlari doktori (2008), professor (2022).
Biografiyasi
Ravshanbek Siddiqov Andijon viloyati, Qoʻrgʻontepa tumani 1952-yil 7-aprelda tugʻilgan[1]. 1975-yilda Andijon paxtachilik institutini tamomlagan. Mutaxasisligi olim agronom. 1968—1985-yillarda Qo‘rg‘ontepa tumani „Frunze“ nomli sovxoz ishchisi, 2-brigada boshlig‘i, jismoniy tarbiya bo‘yicha yo‘riqchi, fuqarolar mudofaasi boshlig‘i, Butunittifoq leninchi kommunistik yoshlar soyuzi tuman qoʻmitasi mas’ul kotibi, muhandis-irrigator, direktor o‘rinbosari, bosh agronom, partiya qo‘mitasi kotibi, 1985—1986-yillarda Qo‘rg‘ontepa tumani „Dzerjinskiy“ nomli sovxoz partiya qo‘mitasi kotibi, 1987—1988 yillarda sovxoz direktori, 1988—1988-yillarda Andijon viloyati partiya qo‘mitasi tashkiliy ishlar bo‘limi yo‘riqchisi, 1988—1992-yillarda Qo‘rg‘ontepa tumani „Dzerjinskiy“ nomli sovxoz direktori, 1992—1994-yillarda Qo‘rg‘ontepa tumani „Sharof Rashidov“ nomli davlat xo‘jaligi direktori, 1994—1996-yillarda Andijon viloyati „Xo‘jaobod“ dehqonchilik sanoati uyushmasi bosh boshqaruvchisi, 1996—1999-yillarda Qo‘rg‘ontepa tumani hokimi, 1999—2002-yillarda Andijon viloyati „Xo‘jaobod mevalari“ agrofirmasi bosh direktori, 2002—2014-yillarda Sug‘oriladigan yerlarda g‘alla va dukkakli ekinlar ilmiy-tadqiqot instituti direktori lavozimida faoliyat yuritgan. 2014-yildan Don va dukkakli ekinlar ilmiy-tadqiqot instituti direktori[1][2].
Ilmiy faoliyati
Ravshanbek Siddiqov 1996-yilda qishloq xo‘jaligi fanlari nomzodi, 2008-yilda qishloq xo‘jaligi fanlari doktori ilmiy darajasini, 2012-yildan Rossiya fanlar akademiyasining akademigi, 2022-yilda professor ilmiy unvonini olgan. Olim tomonidan 35 dan ortiq boshoqli don ekinlarining yangi navlari yaratilgan. Ravshanbek Siddiqov 2 ta monografiya, 200 dan ortiq ilmiy maqolalar muallifi[1].
Mukofotlari
- „Oʻzbekiston Respublikasi mustaqilligining 25 yil“ esdalik nishoni (2016);
- „O‘zbekiston Respublikasi qishloq xo‘jaligi fidoyisi“ ko‘krak nishoni (2020);
- „Do‘stlik“ ordeni (2021)[3][4].
Manbalar
- ↑ 1,0 1,1 1,2 Oʻzbekistonning taniqli olimlari ensiklopediyasi, 1-tom (oʻzbekcha), Toshkent: Science and Innovation, 2022 — 342-bet.
- ↑ „Дон ва дуккакли экинлар илмий-тадқиқот институти“. 2023-yil 25-iyulda asl nusxadan arxivlangan. Qaraldi: 2023-yil 25-iyul.
- ↑ „Ўзбекистон Республикаси мустақиллигининг ўттиз йиллиги муносабати билан давлат хизматчилари ҳамда ишлаб чиқариш ва ижтимоий-иқтисодий соҳалар ходимларидан бир гуруҳини мукофотлаш тўғрисида“ (2021-yil 25-avgust).
- ↑ „Ўзбекистон Республикаси мустақиллигининг ўттиз йиллиги муносабати билан давлат хизматчилари ҳамда ишлаб чиқариш ва ижтимоий-иқтисодий соҳалар ходимларидан бир гуруҳини мукофотлаш тўғрисида“ (2021-yil 25-avgust). 2023-yil 25-iyulda asl nusxadan arxivlangan. Qaraldi: 2023-yil 25-iyul.