Ravshan Jomonov
- Vikipediyada ismi Ravshan va familiyasi Jomonov boʻlgan boshqa kishilar haqida ham maqolalar mavjud.
| Ravshan Oripovich Jomonov | |
|---|---|
 | |
| Tavalludi |
1960-yil 1-mart Narpay tumani, Samarqand viloyati, Oʻzbekiston SSR |
| Fuqaroligi |
 Oʻzbekiston |
| Kasbi | filolog |
| Sohasi | filologiya, tilshunoslik, lugʻatshunoslik |
| Taʼlimi | Toshkent davlat universiteti |
| Ilmiy darajasi | filologiya fanlari nomzodi |
| Ilmiy unvoni | professor |
Ravshan Oripovich Jomonov (1960-yil 1-mart, Narpay tumani, Samarqand viloyati, Oʻzbekiston SSR) — oʻzbekistonlik olim, filologiya fanlari nomzodi (1991), professor.
Biografiyasi
Ravshan Jomonov 1960-yil 1-mart Narpay tumanidagi Bolgʻali qishlogʻida tugʻilgan[1]. 1978—1984-yillarda Toshkent davlat universiteti roman-german filologiyasi fakultetida tahsil olgan. 1984—1991-yillarda O‘zbekiston Fanlar akademiyasining Til va adabiyot instituti xodimi, 1991—2012-yillarda Toshkent davlat madaniyat instituti katta o‘qituvchisi, dotsent, „O‘zbek va xorijiy filologiya“ kafedrasi mudiri hamda 1992—2008-yillarda mazkur institutning ilmiy kengashi kotibi, 2012—2015-yillarda O‘zbekiston davlat sanʼat va madaniyat instituti „Tillar va adabiyot“ kafedrasi mudiri, dotsenti vazifasida ishlagan. Shuningdek, 1994—2005-yillarda „О‘zbekiston“ telekanalida „Alifbo saboqlari“ kо‘rsatuvining boshlovchisi boʻlgan. 2015-yildan O‘zbekiston davlat xoreografiya akademiyasi „O‘zbek tili va adabiyoti“ kafedrasi professori[1].
Oilasi
Oilali, 2 nafar farzandi bor.
Ilmiy faoliyati
Ravshan Jomonov 1991-yilda ruscha: „Принципы отбора диалектизмов и их подача в толковом словаре узбекского языка“ mavzusida nomzodlik dissertatsiyasini himoya qilib, filologiya fanlari nomzodi ilmiy darajasini olgan. 1996-yilda o‘zbek tili va adabiyoti ixtisosligi bo‘yicha dotsent ilmiy unvoni berilgan[1]. 200 dan ortiq ilmiy maqolalar va „О‘zlashgan sо‘zlar imlo lug‘ati“ (1998), „Yangi о‘zbek alifbosi va imlo qoidalari“ (2003), „Ona tili — davlat tili“ (2004), „ Sо‘z va mas’uliyat“ (2010), „X mi H? (qisqacha imlo lugʻati)“ (2010), „О‘zbek tilida sо‘z о‘zlashtirish va imlo muammolari“ (2013), „X va H harfli sо‘zlar imlo lug‘ati“ (2015), „Uch ne’mat sohibi“ (2018), „О‘zbekcha-fransuzcha, fransuzcha-о‘zbekcha anatomik terminlar lug‘ati“ (2020), „О‘zbek raqs terminlarining izohli lug‘ati“ (2021) kitoblari muallifi[1].