Rauf Nabiyev
| Rauf Nabiyev | |
|---|---|
Nabiyev Abduraufbek Abdurazzoq o‘g‘li | |
 | |
|
Mansab davri 2025-yil dekabrdan – hozirgacha | |
| Prezident | Shavkat Mirziyoyev |
| Vazir | Ozodbek Nazarbekov |
| Shaxsiy maʼlumotlari | |
| Tavalludi |
1992-yil 6-oktyabr Toshkent |
| Kasbi | rejissyor, klipmeyker |
| Mukofotlari |
 |
Rauf Nabiyev (asl ismi — Nabiyev Abduraufbek Abdurazzoq o‘g‘li; 1992-yil 6-oktabr, Toshkent) — o‘zbekistonlik rejissyor va klipmeyker. O‘zbekiston Respublikasi madaniyat vazirining raqamli texnologiyalar va sun’iy intellekt texnologiyalarini rivojlantirish masalalari bo‘yicha maslahatchisi.[1] 2025-yilda „Shuhrat“ medali bilan taqdirlangan.[2]
Ijodiy faoliyati
Nabiyev musiqiy videolar rejissyori va klipmeyker sifatida faoliyat yuritgan. U Ozodbek Nazarbekov, Jahongir Otajonov, Ulug‘bek Rahmatullayev[3], Gulsanam Mamazoitova, Sardor Rahimxon, Tohir Sodiqov, Ozoda Nursaidova va „Ummon“ guruhi kabi san’atkorlar bilan ishlagan.[4]
U „Ummon“ guruhining „Jonim, yur“, Jahongir Otajonovning „Qaddi baland“ va Ulug‘bek Rahmatullayevning „Dilam“ qo‘shiqlariga ishlangan musiqiy videolarga rejissyorlik qilgan.[5]
Sun’iy intellekt bilan bog‘liq ishlari
2025-yilda Nabiyev futbol bo‘yicha O‘zbekiston milliy terma jamoasining Jahon chempionatiga yo‘llanma olishi munosabati bilan sun’iy intellekt yordamida video tayyorlagan.[6] Shu yili u Ozodbek Nazarbekov ijrosidagi „Uyg‘on, o‘g‘lim“ musiqiy videoklipining g‘oya muallifi va rejissyori bo‘lgan. Ushbu videoklip ham sun’iy intellekt texnologiyalari yordamida tayyorlangan.[7] 2026-yilda u Xiva tarixi va sivilizatsiyasiga bag‘ishlangan „Arda“ hujjatli filmini tayyorlash jarayonida ishtirok etgan. Film sun’iy intellekt yordamida yaratilgan tasvirlardan foydalangan holda ikki oy davomida tayyorlangan.[8]
Madaniyat vazirligidagi faoliyati
2025-yil dekabrda Nabiyev O‘zbekiston Respublikasi madaniyat vazirining sun’iy intellektni rivojlantirish masalalari bo‘yicha maslahatchisi etib tayinlangan.[9] 2026-yilda u madaniyat vazirining raqamli texnologiyalar va sun’iy intellekt texnologiyalarini rivojlantirish masalalari bo‘yicha maslahatchisi lavozimida faoliyatini davom ettirgan.[10]
Mukofotlari
Manbalar
- ↑ „Madaniyat vazirligining navbatdagi Hay’at yig‘ilishi bo‘lib o‘tdi“.
- ↑ „O‘zbekiston Respublikasi mustaqilligining o‘ttiz to‘rt yilligi munosabati bilan fan, ta’lim, sog‘liqni saqlash, sport, adabiyot, madaniyat va san’at sohalari hamda ommaviy axborot vositalari xodimlaridan bir guruhini mukofotlash to‘g‘risida“.
- ↑ „Bittagina klip uchun butun boshli mashinaning puli. O‘zbekistonlik xonandalar 3-4 daqiqalik video uchun qancha xarajat qiladi?“.
- ↑ „Rejissyor Abduraufbek Nabiyev „Shuhrat“ medali bilan taqdirlandi“.
- ↑ „O‘zbekistonlik xonandalar 3–4 daqiqalik video uchun qancha xarajat qiladi?“.
- ↑ Ahmad Muhammadov.. „Rauf Nabiyev O‘zbekiston milliy futbol terma jamoasiga bag‘ishlab kino taqdim qildi“.
- ↑ „Ozodbek Nazarbekovning „Uyg‘on o‘g‘lim“ nomli yangi musiqiy videoklipi namoyish etildi“.
- ↑ „Madaniyat vazirligida matbuot anjumani o‘tkazildi“.
- ↑ „Vazirlikda Bosh prokuratura tomonidan o‘tkazilgan o‘rganish yakunlari hamda kelgusidagi ustuvor vazifalar muhokama etildi“.
- ↑ „Madaniyat vazirligi xodimlari sun’iy intellekt texnologiyalari bo‘yicha o‘qitilmoqda“.
- ↑ „Prezident fan, ta’lim, sog‘liqni saqlash, madaniyat kabi soha vakillaridan bir guruhini taqdirladi“.
Havolalar
- Rauf Nabiyev IMDbda (ingl.)