Rasul Nosirov
 | Bu maqola oʻzbek tilining imlo qoidalariga muvofiq yozilmagan. Qarang: VP:ORFO. |
| Rasul Nosirov | |
|---|---|
| Shaxsiy maʼlumotlari | |
| Tavalludi |
1896-yil Qoʻqon shahri |
| Vafoti | 1938-yil |
Rasul Nosirov (1902—1938) — davlat va jamoat arbobi. Rasul Nosirov 1902-yil Qoʻqon shahrida tug'ilgan. Samarqanddagi markaziy partiya maktabini tamomlab, partiya va sovet idoralarida mehnat qiladi. 1935-yil Qoʻqonda ishchi fakulteti direktori, „Yangi Fargʻona“ gazetasi muharriri sifatida faoliyat olib boradi. Soʻng Fargʻona shahar qoʻmitasi madaniyat boshqarmasi mudiri sifatida ish olib boradi. 1937-yil 13-oktyabr kuni Rasul Nosirov qamoqqa olinadi. 1937-yil avgustda konferensiyada oʻqituvchi Mansurovning yonini olgan, millatchi, sovet siyosatiga qarshi S.Mirzajonovning odami degan ayblar taqaladi. Hatto 15-oktabr kuni jismoniy kuch ishlatish yoʻli bilan OʻzSSR IIXK Apresyan nomiga aybdorligi eʼtirof etilgan ariza yozdiriladi[1]. 1937-yil 20-oktyabr kuni soʻroqda R.Nosirov oʻzining 1937-yil iyunda S.Mirzajonov tomonidan aksilinqilobiy tashkilotiga tortirganligini majburan tan oladi. Shundan keyingina Rasul Nosirov aksinqilobiy targʻibotda ayblanib, OʻzSSR Jinoyat kodeksining 66-moddasi 1-bandi bilan aybdor deb qaror chiqariladi. 1937-yil 23-oktyabr kuni allaqachon qamoqqa olingan R.Nosirovni qamoqqa olishga order beriladi. 1937-yil 2-noyabr kuni Sobir Mirzajonov bilan yuzlashtirish „muvaffaqiyatli“ oʻtkaziladi. 1937-yil dekabrda oʻz ishini koʻrsatishda R.Nosirov boshqa qoʻshimcha yoʻq, roziman, ishni yopinglar deb imzo chekadi. 1937-yil 16-dekabrda Apresyan tomonidan imzolanadi, unga hech bir dalillar koʻrsatmagani holda OʻzSSR JKning 58, 64, 63, 67-moddalarini qoʻllaydilar. 1938-yil 4-oktyabr kuni Oliy sud qarori bilan unga oliy jazo tayinlanadi va shu kunning oʻzidayoq otib tashlanadi. 1958-yil 12-aprel SSSR Oliy sudi Harbiy kollegiyasi qarori bilan Rasul Nosirov oqlanadi[2].