Raqamli taʼlimni rivojlantirish markazi
| Qisqartma | RTRM |
|---|---|
| Turi | Davlat idorasi |
| Maqomi | Vazirlik huzuridagi davlat idorasi |
| Ishga tushgan sanasi | 2023-yil |
| Joylashuvi | Toshkent, Mirzo Ulugʻbek tumani, I.Moʻminov koʻchasi, 4/1 |
| Direktor | Azamat Eshankulov |
| Til(lar)i | Oʻzbek |
| Vebsayti | edu.digital.uz |
Raqamli taʼlimni rivojlantirish markazi – 2023-yil 23-noyabrda „Raqamli texnologiyalar vazirligi“ huzuridagi taʼlim loyihalarini tashkil etish, rivojlantirish hamda muvofiqlashtirish vazifalarini bajradigan davlat muassasasi sifatida tashkil topgan[1]. Raqamli taʼlimni rivojlantirish markazi raqamli taʼlimni rivojlantirish boʻyicha loyiha va dasturlarni amalga oshirish, davlat organlari hamda tashkilotlari xodimlari[2] hamda aholining, shu jumladan, yoshlar[3], ayollar va nogironligi boʻlgan shaxslarni raqamli texnologiyalar boʻyicha „hayot davomida taʼlim olish“[4] tamoyili asosida oʻqitish tizimini ishlab chiqish va „Oʻzbekiston-2030“ strategiyasida IT xizmatlar va dasturiy mahsulotlar eksporti hajmini $5 mlrdga[5] yetkazish maqsadi doirasida mutaxassislarni tayyorlaydi[6]. Markaz „Muhammad al-Xorazmiy vorislari“[7] loyihasi doirasida Xorazm viloyati va Qoraqalpogʻiston Respublikasida, shuningdek, boshqa hududlarda ham oʻquvchi-yoshlarni dasturlash va xorijiy tillarga oʻqitish tizimini yoʻlga qoʻyadi. Shuningdek, Oʻzbekiston Respublikasi Prezidentining PQ–178-son qarori bilan joriy etilgan „IT-shaharcha“[8] loyihasining[9] faoliyatini samarali tashkil etish va rivojlantirish ishlarini amalga oshiradi. Raqamli taʼlimni rivojlantirish markazi „IT-isteʼdod“ loyihasi doirasida yoshlarni Xalqaro IT-sertifikat olishga ketgan xarajatlarini qaytarish va „IT talents“ dasturi doirasida esa IT-xizmatlar eksporti yoʻnalishi boʻyicha malakali mutaxassislarni tayyorlagan xususiy IT taʼlim markazlariga subsidiya ajratish boʻyicha ishlarni muvofiqlashtiradi[10].
Raqamli taʼlimni rivojlantirish markazining vazifalari
- „Bir million o‘zbek dasturchilari“ loyihasi doirasida yoshlarni dasturlashga bepul oʻqitadi[11].
- „IT-isteʼdod“[12] loyihasi doirasida yoshlarga Xalqaro IT-sertifikat olgani uchun oʻqish va sertifikat xarajatlarini qoplash jarayonlarini muvofiqlashtiradi[13].
- IT-xizmatlar eksporti yoʻnalishi boʻyicha malakali mutaxassislarni tayyorlash faoliyatini qoʻllab-quvvatlash „IT talents“[14] dasturi doirasida nodavlat taʼlim tashkilotlariga bir martalik subsidiya ajratish boʻyicha davlat xizmatlarini koʻrsatadi.
Manbalar
- ↑ „Raqamli texnologiyalar vazirligi veb-sayti“. Qaraldi: 2025-yil 14-oktyabr.
- ↑ „O‘zbekiston raqamli texnologiyalar vaziri o‘rinbosari Microsoft bilan AT-ta’limni rivojlantirish masalalarini muhokama qildi“. UzDaily.uz.
- ↑ „O‘zbekistonda IT sohasini o‘rganmoqchi bo‘lgan yoshlar uchun qanday imkoniyat va imtiyozlar mavjud?“. Uz24.uz.
- ↑ „ICTWEEK Uzbekistan 2025da Sun’iy Intellektni o‘rganish bo‘yicha kurslar va Huawei ICT Competition 2025-2026 boshlandi“. Xabar.uz.
- ↑ „Prezident IT sohasiga 100 yillik qulaylik yaratishga qaratilgan takliflar bilan tanishdi“. Spot.Uz.
- ↑ „“Yangi ishlanmalar allaqachon koʻrina boshlagan” – Toshloq tumanida ochilgan “IT-shaharcha”ga sayohat“. Vaqt.uz.[sayt ishlamaydi]
- ↑ „Internetdagi Oʻzbekiston qonun hujjatlari maʼlumotlari milliy bazasi.“.
- ↑ „Internetdagi Oʻzbekiston qonun hujjatlari maʼlumotlari milliy bazasi.“.
- ↑ „Robototexnika, 3D va frilans: Farg‘onadagi “IT-shaharcha” yoshlarga nima beradi?“. Darakchi.uz. 2025-yil 24-sentyabrda asl nusxadan arxivlangan. Qaraldi: 2025-yil 14-oktyabr.
- ↑ „Internetdagi Oʻzbekiston qonun hujjatlari maʼlumotlari milliy bazasi.“. Qaraldi: 2025-yil 14-oktyabr.
- ↑ „IT ta’lim rivoji qulaylik va imkoniyatlarga yo‘l ochadi“. Qaraldi: 2025-yil 14-oktyabr.
- ↑ „Sirdaryodan “Yuventus”gacha bo‘lgan yo‘l - o‘zbekistonlik yoshlar raqamli dunyoda“. Kun.uz.
- ↑ „Internetdagi Oʻzbekiston qonun hujjatlari maʼlumotlari milliy bazasi.“. Qaraldi: 2025-yil 14-oktyabr.
- ↑ „Internetdagi Oʻzbekiston qonun hujjatlari maʼlumotlari milliy bazasi.“. Qaraldi: 2025-yil 14-oktyabr.