Ramil Usubov
| Ramil Usubov | |
|---|---|
 | |
| Tavalludi |
1948-yil 22-dekabr |
| Fuqaroligi |
 Ozarbayjon |
| Taʼlimi | SSSR IIV akademiyasi |
| Kasbi | Ichki ishlar xodimi |
| Partiyasi | KPSS, Yeni Azərbaycan partiyasi |
Ramil İdris oğlu Usubov (talaffuzi: Ramil Idris oʻgʻli Usubov; 1948-yil 22-dekabr, Xoʻjali, Əsgəran tumani, Togʻli Qorabogʻ muxtor viloyati, Ozarbayjon SSR, SSSR) — ozarbayjonlik davlat va siyosat arbobi, Ozarbayjon Respublikasi prezidenti huzuridagi Xavfsizlik kengashi kotibi, Ozarbayjon Ichki ishlar vaziri (1994—2019). General-polkovnik.
Tarjimayi holi
Ramil Usubov 1948-yil 22-dekabrda Xoʻjalida tugʻilgan. 1973-yilda N. Rizayev nomidagi Boku oʻrta maxsus militsiya maktabini, 1980-yilda SSSR Ichki ishlar vazirligi akademiyasining sirtqi boʻlimini tamomlagan[1][2]. Militsiya maktabini tugatgandan soʻng Stepanakert shahar ichki ishlar boʻlimida jinoyat qidiruv inspektori boʻlib ishlagan[2], 1975-yilda Shusha tumani IIB jinoyat qidiruv boʻlimi boshligʻi, 1980—1984-yillarda Togʻli Qorabogʻ muxtor viloyati ichki ishlar boshqarmasi boshligʻining oʻrinbosari boʻlib ishlagan[1]. 1984—1987-yillarda Usubov Ali-Bayramli shahar ichki ishlar boʻlimi boshligʻi boʻlib ishlagan va 1987-yilda Naxichevan ASSR ichki ishlar vaziri etib tayinlangan[1][2]. 1989—1993-yillarda Ramil Usubov Ozarbayjon Ichki ishlar vazirligining jinoyat qidiruv boʻlimi boshligʻi, Viza va roʻyxatga olish boʻlimi boshligʻi hamda kadrlar boshqarmasi boʻlimi boshligʻi lavozimlarida ishlagan. 1993-yil 11-avgustda Ramil Usubov Naxichevan Avtonom Respublikasi ichki ishlar vaziri etib tayinlangan[1]. 1994-yil 29-aprelda Ramil Usubov Ozarbayjon ichki ishlar vaziri lavozimiga tayinlanadi. Oʻsha yilning 3-mayida Ozarbayjon prezidentining 144-sonli farmoni bilan Usubovga general-mayor, 1995-yil 26-dekabrdagi 418-sonli farmoni bilan general-leytenant, 2002-yil 15-yanvardagi 637-sonli farmoni bilan general-polkovnik unvoni berilgan[1]. 2019-yil 20-iyunda Ozarbayjon Respublikasi prezidentining farmoyishi bilan Ozarbayjon Ichki ishlar vaziri lavozimidan ozod etilgan[3]. Ozarbayjon Respublikasi prezidentining 2019-yil 20-iyundagi farmoni bilan Ramil Usubov Ozarbayjon Prezidenti huzuridagi Xavfsizlik kengashi kotibi etib tayinlanadi[4].
Mukofotlari
Ramil Usubov „Ozarbayjon bayrogʻi“ ordeni (1998-yil 24-dekabr)[5], „Sharaf“ ordeni (2023-yil 25-dekabr)[6], „Shuhrat“ ordeni (2018-yil 22-dekabr)[7], I darajali „Vatanga xizmatlari uchun“ ordeni (2018-yil 29-iyun)[8], „Polsha Respublikasi oldidagi xizmatlari uchun“ ordeni ofitseri (Polsha, 2009-yil)[9], Dogʻiston Respublikasining faxriy yorligʻi (Dogʻiston Respublikasi, Rossiya, 2001-yil 5-yanvar)[10], „Jangovar hamdoʻstlik uchun“ medali (2007, Rossiya Ichki ishlar vazirligi)[11] bilan taqdirlangan.
Manbalar
- ↑ 1,0 1,1 1,2 1,3 1,4 „Усубов Рамиль Идрис оглы“ (ruscha). kavkaz-news. 2022-yil 16-oktyabrda asl nusxadan arxivlangan. Qaraldi: 2026-yil 14-aprel.
- ↑ 2,0 2,1 2,2 „УСУБОВ Рамиль Идрис оглы - БД "Лабиринт"“ (ruscha). База данных "Лабиринт. 2026-yil 14-aprelda asl nusxadan arxivlangan. Qaraldi: 2026-yil 14-aprel.
- ↑ „Рамиль Усубов освобожден от должности министра внутренних дел Азербайджана“ (ruscha). Информационное Агентство Репорт. 2026-yil 14-aprelda asl nusxadan arxivlangan. Qaraldi: 2026-yil 14-aprel.
- ↑ „Рамиль Усубов назначен секретарем Совета безопасности при президенте“ (ruscha). Информационное Агентство Репорт. 2026-yil 14-aprelda asl nusxadan arxivlangan. Qaraldi: 2026-yil 14-aprel.
- ↑ „Azərbaycan Respublikası Daxili İşlər Nazirliyinin bir qrup əməkdaşının təltif edilməsi haqqında“. 2026-yil 14-aprelda asl nusxadan arxivlangan. Qaraldi: 2026-yil 14-aprel.
- ↑ „Распоряжение Президента Азербайджанской Республики О награждении Р.И.Усубова орденом «Шараф»“. 2026-yil 14-aprelda asl nusxadan arxivlangan. Qaraldi: 2026-yil 14-aprel.
- ↑ Распоряжение Президента Азербайджанской Республики О награждении Р.И.Усубова орденом «Шохрат»
- ↑ „Распоряжение Президента Азербайджанской Республики О награждении сотрудников Министерства внутренних дел Азербайджанской Республики“. 2026-yil 14-aprelda asl nusxadan arxivlangan. Qaraldi: 2026-yil 14-aprel.
- ↑ „Президент Польши наградил азербайджанских министров“. 2026-yil 14-aprelda asl nusxadan arxivlangan. Qaraldi: 2026-yil 14-aprel.
- ↑ „Указ Государственного Совета Республики Дагестан от 05.01.2001 № 2“. 2026-yil 14-aprelda asl nusxadan arxivlangan. Qaraldi: 2026-yil 14-aprel.
- ↑ ВИЗИТ ГЛАВЫ МВД АЗЕРБАЙДЖАНА Р.УСУБОВА В МОСКВУ