Kontent qismiga oʻtish

Ralf Mackenbach

ZiyoSfera, erkin ensiklopediya
Ralf Mackenbach
Mackenbach 2022-yilda
Mackenbach 2022-yilda
Umumiy maʼlumot
Tavalludi 1995-yil 4-oktyabr (1995-10-04) (30 yosh)
Eyndxoven, Niderlandiya
Kasbi qoʻshiqchi,
plazma fizigi,
raqqos
Faoliyat yillari 2005–hozirgacha

Ralf Johannes Josephus Mackenbach[1] (1995-yil 4-oktyabrda tugʻilgan) — niderlandiyalik plazma fizigi, sanʼatkor va sobiq bolalar qoʻshiqchisidir. U „Click Clack“ qoʻshigʻi bilan „Yoshlar oʻrtasidagi Eurovision — 2009“ qoʻshiq tanlovida gʻolib chiqqani bilan mashhur[2]. Mackenbach tanlov tarixidagi Niderlandiyadan chiqqan ilk va hozirgacha yagona gʻolib hisoblanadi.

Yoshlik yillari

Mackenbach Eyndxoven shahrida tugʻilgan hamda Shimoliy Brabant provinsiyasining Best shahrida voyaga yetgan[1][3]. U bolalik davrida Tarzan va Sohibjamol va maxluq myuzikllarida rol ijro etgan[4]. Mackenbach Amsterdamdagi „Lucia Marthas“ raqs akademiyasida tahsil olgan hamda Eyndxovendagi „Centrum voor de Kunsten Eindhoven“ sanʼat markazida aktyorlik yoʻnalishida oʻqigan[5].

Karyerasi

Musiqiy karyerasi

Mackenbach Minsk shahrida oʻtkazilgan „Yoshlar oʻrtasidagi Eurovision — 2010“ qoʻshiq tanlovida

2009-yilda, oʻn uch yoshida, Mackenbach „Click Clack“ qoʻshigʻi bilan „Junior Songfestival“ tanlovining 2009-yilgi mavsumida gʻolib chiqqan[6]. Shu tariqa u Niderlandiya vakili sifatida „Yoshlar oʻrtasidagi Eurovision — 2009“ qoʻshiq tanlovida ishtirok etgan hamda 121 ball bilan gʻalabani qoʻlga kiritgan. „Click Clack“ qoʻshigʻi Niderlandiyaning Single Top 100 hit-paradida yettinchi oʻringacha koʻtarilgan[7]. Keyinchalik u 2010, 2012 va 2022-yillardagi tanlovlarda tanaffus dasturi ishtirokchisi sifatida sahnaga chiqqan[8].

Mackenbachning „Ralf“ nomli ilk albomi Niderlandiya albomlar chartining kuchli oʻntaligidan joy olgan hamda Flandriya albomlar chartida 59-oʻrinda debyut qilgan.[9]. 2011-yil mart oyida albom 25 mingdan ortiq nusxada sotilib, oltin sertifikatga ega boʻlgan[10].

2011 va 2012-yillarda Mackenbach „Sterren dansen op het ijs“ hamda „Sterren springen op zaterdag“ shoularida qatnashgan. U, shuningdek, 2011-yilda „My Name Is… niderland“ isteʼdodlar shousida hakam sifatida faoliyat yuritgan. 2019-yilda esa „All Together Now“ loyihasining niderlandcha talqinida hakam sifatida koʻrinish bergan[11].

Ilmiy faoliyati

Mackenbach oʻrta maktabni VWO diplomi bilan tamomlagach, Eyndxoven texnologiya universitetida tahsil olgan. U 2019-yilda yadro sintezi yoʻnalishi boʻyicha magistrlik darajasini yakunlagan hamda „Numerical Modelling of Mode Penetration in Cylindrical Geometries Using M3D-C1“ nomli dissertatsiyani yozgan[12].

Mackenbach Eyndxoven texnologiya universitetidagi tahsilini davom ettirib, 2023-yil noyabr oyida „Available Energy: A compass for navigating the nonlinear landscape of fusion plasma turbulence“ nomli dissertatsiyasi bilan doktorlik darajasini imtiyozli ravishda qoʻlga kiritgan. U 2024-yildan buyon École Polytechnique Fédérale de Lausanne (EPFL) universitetida postdoktorant tadqiqotchi sifatida faoliyat yuritmoqda[13].

Diskografiyasi

Albomlar

  • Ralf (2010)
  • Moving On (2011)
  • Seventeen (2012)

Manbalar

  1. ↑ 1,0 1,1 Mackenbach, R. J. J. (2023). Available Energy: A compass for navigating the nonlinear landscape of fusion plasma turbulence (PDF) (PhD thesis). Eindhoven University of Technology. Qaraldi: 10 January 2026.
  2. ↑ „Netherlands first, Russia second at Junior Eurovision“. Kyiv Post (2009-yil 23-noyabr). Qaraldi: 2011-yil 10-may.
  3. ↑ „Ralf Mackenbach“ (nl-NL). ITB Entertainment Group. Qaraldi: 2026-yil 10-yanvar.
  4. ↑ „Ralf Mackenbach“. Theaterencyclopedie. Qaraldi: 2020-yil 16-sentyabr.
  5. ↑ Brandt, Monique „Nederland wint Junior Eurovisie Songfestival“. Het Parool (2009-yil 21-noyabr). Qaraldi: 2020-yil 16-sentyabr.
  6. ↑ Findhammer-Schut, Martine „Zo gaat het nu met Ralf Mackenback, die in 2009 Junior Eurovisiesongfestival won“. 2021-yil 22-avgustda asl nusxadan arxivlangan. Qaraldi: 2020-yil 16-sentyabr.
  7. ↑ „Ralf - Click Clack“. DutchCharts.nl. Qaraldi: 2020-yil 16-sentyabr.
  8. ↑ „Junior Eurovision 2022: 11 Champions will perform in Yerevan!“ (en). junioreurovision.tv (2022-yil 2-dekabr). Qaraldi: 2022-yil 11-dekabr.
  9. ↑ „Ralf - Ralf“. DutchCharts.nl. Qaraldi: 2020-yil 16-sentyabr.
  10. ↑ „Debuutalbum Ralf is Goud“. Shownieuws (2011-yil 20-mart). Qaraldi: 2020-yil 16-sentyabr.[sayt ishlamaydi]
  11. ↑ Heerkens, Robin „Ken je 'm nog? Junior Songfestival-winnaar Ralf Mackenbach is nu… ingenieur!“. Veronica Superguide. Qaraldi: 2020-yil 16-sentyabr.
  12. ↑ Mackenbach, R.J.J. „Numerical modelling of mode penetration in cylindrical geometries using M3D-C1“. TU/e. Qaraldi: 2020-yil 16-sentyabr.
  13. ↑ Barth, Nadia „"I am a strong believer in the collaborative nature of research"“ (en). EPFL (2024-yil 9-oktyabr). Qaraldi: 2026-yil 10-yanvar. 
"https://ziyosfera.uz/index.php?title=Ralf_Mackenbach&oldid=727760" dan olindi