Rajo
Rajo رَاجُو | |
|---|---|
| Shaharcha | |
| Mamlakat | Suriya |
| Muhofaza | Halab |
| Okrug | Afrin okrugi |
| Nohiya | Rajo |
| Aholisi (2004) |
4 000 |
| Vaqt mintaqasi | UTCEET +2; +3 |
Rajo (arabcha: رَاجُو; kurdcha: Reco) yoki Raju – Suriya shimoli-gʻarbida, Halab muhofazasi]]ning Afrin nohiyasida joylashgan shaharcha. Rajo xuddi shu nomdagi nohiyaning maʼmuriy markazi boʻlib, nohiyada 65 ga yaqin qishloq va fermer xoʻjaliklari mavjud. Umumiy 21 955 (2004-yil maʼlumoti) nafar aholiga ega nohiyada Rajoning ulushi 4 000 nafarni tashkil qiladi.
Rajo Kurd togʻi gʻarbidagi Baylan platosida joylashgan qadimiy aholi punkti hisoblanadi. Rajo nomi Shayx(k)an nomli qadimiy kurd oilasidan kelib chiqqan. Rajo 1912-yilda Bagʻdod temir yoʻli bilan bogʻlangan.
Suriya fuqarolar urushi
2016-yil 7-sentyabr kuni mahalliy vaqt bilan soat 18:00 atrofida Turkiya armiyasi Rajo shahridan 7 km gʻarbiy-janubi-gʻarbda joylashgan Sorkê qishlogʻini gaubitsalar, minomyot snaryadlari va tanklar bilan oʻqqa tuta boshladi. Mazkur hujumda olti nafar kurd YPG jangchilari halok boʻldi[1][2].
2018-yil 3-fevralda Turkiya harbiy aralashuvi jarayonida Bulbul va Rajo hududlarida Turkiya qoʻllab-quvvatlaydigan Suriya milliy armiyasi va Suriya Demokratik kuchlari tarkibidagi Xalq mudofaasi boʻlinmalari (YPG) oʻrtasida qurolli toʻqnashuvlar yuz berdi[3]. 3-mart kuni Turkiya rahbarligidagi kuchlar Afrinning gʻarbiy qismida kurdlarning asosiy tayanch nuqtalaridan biriga aylangan Rajoni qoʻlga kiritdi. Shahar uch tomondan qamal qilinib, hech qanday qarshiliksiz quladi[4][5]. 2021-yil iyun oyida Hatay viloyati hokimi Mustafo Kamol Otaturk Birinchi jahon urushi vaqtida yashagan uyda Otaturk muzeyini barpo etish rejalarini eʼlon qildi[6].
Turkiya kuchlari Rajoga hujum qilganidan keyin hudud keng koʻlamli vayrongarchilik va ogʻir qashshoqlik girdobiga tushib qoldi. Shunga koʻra, 2022-yilda qish mavsumi mintaqadagi ichki migrantlar uchun ocharchilik xavfini tugʻdirdi[7].
Manbalar
- ↑ „Turkish shelling kills six members of Kurdish force in Syria-Observatory“. Reuters (2016-yil 8-sentyabr). 2018-yil 25-noyabrda asl nusxadan arxivlangan.
- ↑ „6 martyred in the occupying Turkish army's attacks“. Hawar News Agency (2016-yil 7-sentyabr).
- ↑ „Syrian War Daily“. Syrian War Daily (2018-yil 3-fevral).
- ↑ „Breaking: Turkey-led forces seize major Kurdish stronghold in west Afrin, prepare to storm another“. Al-Masdar News (2018-yil 3-mart). 2020-yil 1-yanvarda asl nusxadan arxivlangan. Qaraldi: 2025-yil 26-mart.
- ↑ „Early morning preparations before assault on Rajo, sieged from 3 sides town has fallen without significant resistance“ (2018-yil 3-mart).
- ↑ „Atatürk's base in Syria's Afrin to turn into museum - Turkey News“ (en). Hürriyet Daily News. Qaraldi: 2021-yil 13-iyul.
- ↑ Mohammed Tawfeeq, Eyad Kurdi, Gul Tuysuz and Sahar Akbarzai. „Three children killed as temperatures plummet in Syria, Lebanon and Jordan“. CNN (2022-yil 20-yanvar).