Rachael Watson
| Rachael Watson | |
|---|---|
 Rachael Watsonning 2016-yilgi Paralimpiya oʻyinlari terma jamoasi aʼzosi sifatidagi portreti | |
| Shaxsiy maʼlumotlari | |
| Jinsi | ayol |
| Fuqaroligi |
 Avstraliya |
| Tavallud sanasi | 1992-yil 30-yanvar |
| Sport | |
| Qaysi sport | para suzish |
| Klubi | Chandler Swimming Club |
Rachael Elizabeth Watson (1992-yil 30-yanvarda tugʻilgan) – avstraliyalik para suzuvchi. 2016-yilgi Rio Paralimpiya oʻyinlarida Avstraliya sharafini himoya qilgan va ayollar oʻrtasida S4 toifasida 50 metrga erkin uslubda suzish boʻyicha oltin medalni qoʻlga kiritgan[1]. Shuningdek, 2020-yilgi Tokio Paralimpiadasida ham xuddi shu natijani qayd etgan[2]. 2024-yilgi Parij Paralimpiya oʻyinlarida esa ikkita bronza medaliga sazovor boʻlgan.
Shaxsiy hayoti
Watson 1992-yil 30-yanvarda tugʻilgan. Uch egizaklardan biri, yengil serebral falajga chalingan boʻlsa-da, mustaqil holda yashash va yurishga qodir boʻlgan. 20 yoshlari boshida Watson Guillain Barre sindromiga chalingan, bu esa ogʻir mushak zaifligi va periferik asab tizimining shikastlanishiga olib kelgan. Natijada toʻrt aʼzosi falajlanib, nogironlar aravachasidan foydalanishga majbur boʻlgan[3]. Keyinchalik unga surunkali yalligʻlanishli demiyelinizatsion polinevropatiya tashxisi qoʻyilgan[4].
Suzish
Watson Guillian Barre sindromidan keyingi reabilitatsiya jarayonining bir qismi sifatida suzish bilan shugʻullanishni boshlagan[3]. Musobaqalarning aksariyati koʻp toifa (MC) formatida oʻtkaziladi, bunda har bir sportchi oʻz toifasida oʻrnatilgan jahon rekordi koʻrsatkichlari asosida suzadi va eng yuqori ball toʻplagan suzuvchi amalda gʻolib boʻladi. Watson miopiya kasalligiga chalingan boʻlib, hovuz oxiridagi natijalar qayd etiladigan tabloni koʻra olmaydi, shu sababli oʻzining nechanchi oʻrinni egallaginini maʼlum qilishmaguncha qayd etgan koʻrsatkichlarini bilmaydi. Watsondagi degenerativ nevrologik kasallik tufayli sportchi S3 toifasida bahs olib boruvchi suzuvchilar tasnifiga kiritilgan[5].
2016-yilgi Rio Paralimpiadasida Watson ayollar oʻrtasida 50 metrga erkin usulda suzish bahslarida (S4) oltin medalni qoʻlga kiritdi va 40.13 soniya natija bilan Paralimpiada rekordini oʻrnatdi. Shu tariqa, Watson S5 yoki undan past toifada bahs olib boruvchi ilk avstraliyalik suzuvchiga aylandi[6].
Watson 2017-yilgi Jahon chempionatida ishtirok etish huquqini qoʻlga kiritgan, biroq musobaqa boshlanishidan atigi 2 hafta oldin Meksikada yuz bergan kuchli zilzila tufayli oʻyinlar bekor qilingan.
2018-yilda sportchi Gold Coastda oʻtkazilgan 2018-yilgi Hamdoʻstlik oʻyinlariga volontyor sifatida saralangan. U musobaqada qatnasha olmagan, chunki uning suzish toifasi ushbu musobaqa dasturiga kiritilmagan.
Kechiktirilgan 2020-yilgi Tokio Paralimpiadasida Watson ayollar oʻrtasida 50 metrga erkin usulda suzish bahslarida (S4) oltin medalni qoʻlga kiritdi va 39.36 soniya natija bilan Paralimpiada rekordini oʻrnatdi[7].
2022-yilda sportchi Birmingemda oʻtkazilgan 2022-yilgi Hamdoʻstlik oʻyinlari uchun ham koʻngilli sifatida tanlab olingan. U yana musobaqada qatnasha olmagan, chunki bu safar ham uning suzish toifasi musobaqa dasturga kiritilmagan edi.
2024-yilgi Parij Paralimpiadasida Watson Avstraliya terma jamoasi hisobiga suzish boʻyicha 500-medalni yozib qoʻydi va 50 metrga erkin usulda suzish boʻyicha ketma-ket uchta Paralimpiya oʻyinlarida medalni qoʻlga kiritgan ilk Olimpiya yoki Paralimpiya sportchisiga aylandi. Shuningdek, Watson 1960-yildan buyon Paralimpiada tarixida S3 toifasida 100 metrga erkin usulda suzish yoʻnalishida ilk bor medalni qoʻlga kiritgan Avstraliya vakiliga aylangan[3].
Mukofotlari
- 2016 – Avstraliya sport instituti tomonidan „Yil kashfiyoti“ mukofoti[8].
- 2017 – Avstraliya ordeni[9].
- 2021 – Queensland universitetining „Blu“ mukofoti (sport sohasida erishgan yutuqlari uchun).
- 2022 – Queensland universiteti tomonidan „Yil sportchi ayoli“ mukofoti[10].
Manbalar
- ↑ „Australian Paralympic Swimming Team announced“. Australian Paralympic Committee News, 1 August 2016 (2016-yil avgust). 2016-yil 29-avgustda asl nusxadan arxivlangan. Qaraldi: 2016-yil 1-avgust.
- ↑ „Paralympics Australia Names Powerful Para-Swimming Team For Tokyo“. Paralympics Australia (2021-yil 16-iyun). Qaraldi: 2021-yil 17-iyun.
- ↑ 3,0 3,1 3,2 „Rachael Watson“. Australian Paralympic Committee (2016-yil 31-iyul). 2016-yil 29-avgustda asl nusxadan arxivlangan. Qaraldi: 2016-yil 2-avgust.
- ↑ „For Paralympian Rachael Watson, plasma donations are liquid gold“. Australian Red Cross Lifeblood (2024-yil 1-sentyabr). Qaraldi: 2024-yil 2-sentyabr.
- ↑ „Watson Goes The Distance For Bronze | Paralympics Australia“ (en-AU). www.paralympic.org.au (2024-yil 3-sentyabr). Qaraldi: 2024-yil 28-sentyabr.
- ↑ „Rachael Watson“. Rio Paralympics Official site. 2016-yil 23-sentyabrda asl nusxadan arxivlangan. Qaraldi: 2016-yil 18-sentyabr.
- ↑ „Rahael Watson“. Tokyo 2020 Paralympics. Tokyo Organising Committee of the Olympic and Paralympic Games. 2021-yil 8-oktyabrda asl nusxadan arxivlangan. Qaraldi: 2021-yil 8-oktyabr.
- ↑ „SWIMMING AUSTRALIA GALA DINNER 2016“. Swimming Australia. 2017-yil 16-martda asl nusxadan arxivlangan. Qaraldi: 2016-yil 6-noyabr.
- ↑ „Medal (OAM) of the Order of Australia in the General Division“. www.gg.gov.au. 2017-yil 29-yanvarda asl nusxadan arxivlangan. Qaraldi: 2017-yil 26-yanvar.
- ↑ „Rachael Watson“ (en). alumni.uq.edu.au (2022-yil 20-sentyabr). Qaraldi: 2024-yil 15-iyun.