Rabitabank
 Rabitabank logotipi | |
| Turi | Ochiq aksiyadorlik jamiyati |
|---|---|
| Tarmogʻi | Bank sektori |
| Qachon asos solingan | 30-iyun 1993 |
| Joylashuvi | Boku, Füzuli ko‘chasi 71 |
| Rahbariyat |
Kuzatuv kengashi raisi: Zakir Nuriyev Boshqaruv raisi: Aydın Hüseynov |
| Mahsulot(lar)i | Kartmane, Rabita Mobile, RabitaBot, Rabita Junior, Rabita Invest |
| Budjeti | 128 000 000 AZN (2024) |
| Daromadi | 19 182 660 AZN (2024) |
| Ishchilar soni | 1200 dan ortiq |
| Mijozlar soni | 400 000 dan ortiq |
| Aʼzolari | Ozarbayjon banklar assotsiatsiyasi |
| Vebsayti | rabitabank.com |
Rabitabank — Ozarbayjonda faoliyat yurituvchi tijorat banki. 1993-yil 30-iyun kuni tashkil etilgan. Bank Ozarbayjon Respublikasining markaziy banki tomonidan berilgan litsenziya asosida faoliyat yuritadi.[1]
Tarixi
Rabitabank 1993-yilda Ozarbayjon Markaziy bankining 136-sonli litsenziyasi asosida ish boshlagan. Bank savdo, ishlab chiqarish, qurilish, qishloq xo‘jaligi, transport, aloqa kabi sohalarda faoliyat yurituvchi tashkilotlar hamda jismoniy shaxslarga moliyaviy xizmatlar ko‘rsatadi.
Bank 29 ta filial, 75 ta bankomat (ATM) va 1 ta bo‘limdan iborat tarmoq orqali mamlakatning 16 hududida — Sumqayit, Quba, Qusar, Xaçmaz, Lənkəran, Gəncə, Şəmkir, Şirvan, Şəki, Naxçıvan, Şamaxı, Kürdəmir, Ağsu, Masallı va Ağcabədi shaharlarida xizmat ko‘rsatadi.[2]
1994-yilda Rabitabank Boku banklararo valyuta birjasiga va Ozarbayjon banklar assotsiatsiyasiga a’zo bo‘lgan. Shu yili birinchi filial — Yasamal filiali ish boshlagan. Bank SWIFT, Visa International va Europa International to‘lov tizimlariga a’zo hisoblanadi.[3]
Rabitabank Western Union, Zolotaya Korona, Contact kabi xalqaro pul o‘tkazmalari tizimlarining ham a’zosi. 2019-yilda bank rebrending o‘tkazib, logotip va korporativ uslubini yangilagan.[4]
Bank mahsulotlari
Kartmane
Debet, kredit va premium kartalarni o‘z ichiga oluvchi "Kartmane" orqali Ozarbayjon va dunyoning istalgan nuqtasida tez to‘lovlar amalga oshirish mumkin. Kartmane kartalari keng hamkorlar tarmog‘iga ega bo‘lib, karta orqali pul o‘tkazmalar va bankomatlardan naqdlashtirish bepul amalga oshiriladi.
Rabita Mobile
Mobil ilova 700 dan ortiq turli to‘lovlarni smartfon orqali bajarish imkonini beradi. Ilovada karta-kartaga o‘tkazma, “Hesabı bölmə” (hisobni bo‘lish), “Send to friend”, “MoneySend”, “ƏDV geri al”, avtoturargoh to‘lovlari kabi funksiyalar mavjud.
RabitaBot
Bu Ozarbayjonda “Messenger” va “Telegram” orqali moliyaviy operatsiyalarni bajaruvchi birinchi chat-botdir. Foydalanuvchilar Telegram orqali tezkor to‘lovlar, kommunal xizmat to‘lovlari, karta va kredit buyurtmasini bajarishlari mumkin.
Rabita Junior
7–17 yoshli bolalarga moliya boshqaruvini o‘rgatuvchi o‘yin tarzidagi ilova. Ota-onalar xarajat limitlarini belgilaydi, bolalar esa topshiriqlarni bajarib keshbek va mukofotlar olishadi.
Rabita Invest
Sodda interfeysga ega ilova 2000 dan ortiq investitsiya vositalariga sarmoya kiritish imkonini beradi. Grafiklar TradingView platformasi orqali taqdim etiladi va ilg‘or analitik vositalar yordamida bozorni tahlil qilish imkonini beradi.
Tarmoq
Rabitabank 29 ta filial, 75 ta bankomat va 1 ta bo‘lim bilan mamlakat bo‘ylab xizmat ko‘rsatadi. Bank 400 mingdan ortiq mijozga xizmat qiladi va davlatning ijtimoiy dasturlarida ham faol ishtirok etadi.
Rahbariyat
Kuzatuv kengashi
- Zakir Nuriyev — Kuzatuv kengashi raisi.[5]
- Rauf Əliyev — a’zo.
- Rəşad Abasov — a’zo.
- Zaur Baxşəliyev — a’zo.
- Rəhman Əliyev — a’zo.
Boshqaruv kengashi
- Aydın Hüseynov — Boshqaruv raisi.[6]
- Orhan Gültekin — rais o‘rinbosari.
- Samir Rzayev — bosh direktor.
- Ramil Nəsibov — bosh texnologiya direktori.
- Natiq Novruzov — bosh risk boshqaruvchisi.
Mukofotlar
- “Business Time” jurnali tomonidan o‘tkazilgan “Azeri Business Award” tanlovida “Kartmane” — “Yilning bank mahsuloti” sifatida tan olingan.
- “Visa Global Challenge” xalqaro tanlovida Rabitabank 17 ta jamoa orasida 1-o‘rinni egallagan.
- Kiyev xalqaro reklama festivalida “Naqd pulsiz to‘lovlar” plakat seriyasi dizayn va brending yo‘nalishlarida ikki oltin mukofot olgan.
- Osiyo taraqqiyot banki tomonidan tashkil etilgan “Trade and Supply Chain Awards 2024” tanlovida Rabitabank “Ozarbayjondagi yetakchi hamkor bank” nominatsiyasi g‘olibi bo‘lgan.
Manbalar
- ↑ „Republic of Azerbaijan Central Bank“. 2023-yil 10-avgustda asl nusxadan arxivlangan. Qaraldi: 2023-yil 9-avgust.
- ↑ Open Joint-stock company Rabitabank (Wayback Machine saytida 2023-08-10 sanasida arxivlangan) (Inglizcha)
- ↑ „Bank haqida“. 2023-yil 11-avgustda asl nusxadan arxivlangan. Qaraldi: 2023-yil 9-avgust.
- ↑ „Rabitabank 90 kam ta’minlangan oilaga oziq-ovqat yordami ko‘rsatdi“. 2023-yil 10-avgustda asl nusxadan arxivlangan. Qaraldi: 2023-yil 9-avgust.
- ↑ „Zakir Nuriyev“. 2023-yil 11-martda asl nusxadan arxivlangan. Qaraldi: 2023-yil 11-mart.
- ↑ „Ijtimoiy ma’lumot“. Qaraldi: 2023-yil 9-avgust.