Raʼno Yarasheva
- Vikipediyada ismi Raʼno va familiyasi Yarasheva boʻlgan boshqa kishilar haqida ham maqolalar mavjud.
| Raʼno Yarasheva | |
|---|---|
| Tavalludi |
Raʼno Yarasheva Sayfullayevna 1961-yil 15-fevral |
| Fuqaroligi |
 SSSR →  Oʻzbekiston |
| Kasbi | Teatr va kino aktrisasi |
| Faoliyat yillari | 1984-yildan — hozirgacha |
| Mukofotlari |
  |
Yarasheva Raʼno Sayfullayevna (1961-yil 15-fevral, Kattaqoʻrgʻon, Samarqand, Oʻzbekiston SSR) — oʻzbek teatr va kino aktrisasi, Oʻzbekiston xalq artisti, Qoraqalpogʻiston respublikasida xizmat koʻrsatgan artist[1].
Hayoti
Oʻz faoliyatini dastlab, teatr sahnasida pardozchi vazifasida boshlagan. Ikki nafar farzandning onasi. Turmush oʻrtogʻi vafot etgan. Komedik, tragedik va dramatik rollari bilan oʻzbek xalqiga yaxshi tanish. Aktrisa oilada 4 oʻgʻildan soʻng 5-farzand boʻlgan. Yoshligidan teatrda rol oʻynashni orzu qilgan ushbu isteʼdod egasi 23-yoshida Toshkent teatr va rassomchilik oliygohiga oʻqishga kiradi. Oʻqishni tamomlagach, dastavval, Oʻzbek milliy akademik drama teatrida pardozchi-grimyor sifatida oʻz faoliyatini boshlaydi. Bir necha yil oʻtib u, ushbu teatrda „Yorqinoy“ nomli spektaklda oʻzining ilk rolini ijro etadi. Ra’no Yarasheva Milliy teatrda sahnalashtirilgan "Yorqinoy”da Yorqinoy, "Hayot eshik orti”da Tabassum, "Jinoyat ustida ushlansin”da Manzura, "Kuloyim”da Anna, "Enaga”da Ayol, "Baxti qaro kelin yoki...”da Kelin, "Jodugar kanizak”da Kanizak, "Mehrobdan chayon”da Nozik, "Qalliq oʻyin”da Hamrogul, "Sohibqiron Temur” Vazirning qizi, "Chimildiq” Ulanchi yanga, "Boshi qotgan oshiqlar” Parishonxotir kelin, "Ufq” Qishloq ayoli, "Shayton va farishta” Oʻgʻiloy, "Omonat dunyo” Xotin-qizlar qoʻmitasi raisi, "Ayolgʻu” Ona, "Qirmizi olma” Sovchi ona, "Yoz tuni gʻaroyibotlari” Ippometa, "Neksiya” Norbuvi, "Bevalar” Ra’no, "Uvaysiy” Nodirabegim, "Andishali kelinchak” Toʻychiniso, "Antiqa qudalar” Yapon ayoli kabi takrorlanmas rollari mazmunan chuqurligi, ijro mahoratining mukammalligi, mantiqiy talqini bilan e’tiborga loyiqdir. Ra’no Yarasheva bir qator kinofilmlarda va telefilmlarda ham yorqin obrazlar yaratdi. "Chimildiq” Yanga, "Vijdon” Ona kabi rang-barang xarakterli rollar ijro etib, san’atkor sifatida elga tanildi. Bugungi kungacha aktrisa 50dan oshiq film va spektakllarda ishtirok etgan. Oʻzining aktrisalik faoliyati orqali 1999-yilda xizmat koʻrsatgan artist unvoni bilan taqdirlanadi. 2022-yilda Qoraqalpogʻiston respublikasida xizmat koʻrsatgan artist unvoni berilgan. Hozirgi kunda, ijodkor, oʻz faoliyatini O'zbek milliy akademik drama teatrida davom ettirmoqda. 2026- yil 28- may kuni Oʻzbekiston xalq artisti unvoni bilan taqdirlangan
Faoliyati
Oʻz faoliyati 23-yoshida — 1984-yilda boshlagan aktrisa hozirda 20 dan ortiq turli xil janrlardagi sahna koʻrinishlari va kinofilmlarda rol ijro etgan. Oʻzbek xalqi uni asosan taʼsirchan aktrisa sifatida bilishadi[2]. Shuningdek, Raʼno Yarasheva aktrisalikdan tashqari sheʼr yozish bilan ham mashgʻul boʻlgan. „Samarqand sogʻinchi“ (1996 y.), „Seni tashlab ketolmayman“ (1998 y.), „Hajr“ (2000 y.) sheʼriy toʻplamlari, „Ilohiy ishq qissasi“ nasriy asarlari chop etilgan. Raʼno Yarasheva O‘zbekiston yozuvchilari uyushmasi aʼzosi hisoblanadi[3]. 2026-yil 28-mayda Oʻzbekiston Respublikasi xalq artisti faxriy unvoni bilan taqdirlangan[4].
| Yil | Nomi | Obraz | Izoh |
|---|---|---|---|
| Feride | |||
| 2007 | Vijdon | Poʻlatboyning rafiqasi | |
| Qorakoʻz | |||
| Mening akam boʻydoq | |||
| Endi dadam boʻydoq | |||
| Oʻzimdan oʻzimgacha | |||
| Sevgi farishtasi 2 | |||
| Ichkuyov | |||
| Telba | |||
| Shabnam | |||
| Kuzda gullagan daraxt | |||
| Poyma poy | |||
| Oqpadar | |||
| Ayriliq |
Manbalar
- ↑ „Rano Yarasheva haqida“. Savol-javob.com. Qaraldi: 25-may 2022-yil.
- ↑ „Ra’no Yarasheva birinchi turmushidan ajrashishi sababi, erining qasami sabab qizalog‘i o‘lgani haqida gapirib berdi“. Daryo.uz. Qaraldi: 25-may 2022-yil.
- ↑ „Ra'no Yarasheva haqida“. Kitobxon.com. Qaraldi: 25-may 2022-yil.
- ↑ „O‘zbekiston Respublikasi Prezidentining 2026-yil 28-maydagi „Madaniyat, san’at va adabiyot sohalari xodimlaridan bir guruhini mukofotlash to‘g‘risida“gi farmoni“. president.uz (2026-yil 28-may). 2026-yil 28-mayda asl nusxadan arxivlangan. Qaraldi: 2026-yil 28-may.
Havolalar
- Raʼno Yarasheva rol ijro etgan kinofilmlar roʻyxati[sayt ishlamaydi]