Raʼno Turdiboyeva
- Vikipediyada ismi Raʼno va familiyasi Turdiboyeva boʻlgan boshqa kishilar haqida ham maqolalar mavjud.
| Raʼno Turdiboyeva |
|---|
Raʼno Eshovna Turdiboyeva (1970-yil 8-sentabrda Samarqand viloyati, Kattaqoʻrgʻon shahri) — oʻzbek huqushunosi, davlat arbobi. 2023-yildan Oʻzbekiston Respublikasi Kambagʻallikni qisqartirish va bandlik vazirining oʻrinbosari[1]. Yuridik fanlari nomzodi, dotsent.
Tarjimai holi
Turdiboyeva Raʼno 1970-yili Samarqand viloyati Kattaqoʻrgʻon shahrida tugʻilgan. Millati oʻzbek, maʼlumoti oliy. 1994-yil Nizomiy nomli Toshkent davlat pedagogika universitetini tamomlagan. Ixtisosligi — tarix, inson va jamiyat, davlat va huquq.
Mehnat faoliyatini 1988-yilda Kattaqoʻrgʻon shahridagi 15-umumiy oʻrta taʼlim maktabi katta yetakchisi lavozimidan boshlagan. 1996—2007-yillarda Toshkent davlat agrar universiteti falsafa va huquq kafedrasi assistenti, katta oʻqituvchisi, xuqushunoslik kafedrasi dotsenti, 2020—2022-yillarda Toshkent davlat agrar universiteti prorektori lavozimlarida ishlagan[2]. 2022—2023-yillarda Oila va xotin-qizlar davlat qoʻmitasi raisining oʻrinbosari[3]. 2023-yildan Oʻzbekiston Respublikasi Kambagʻallikni qisqartirish va bandlik vazirining oʻrinbosari lavozimida faoliyat yuritmoqda[4].
Qayd etish lozim. Raʼno Turdiboyeva 2021-yilda Liberal-demokratik partiyasidan (OʻzLiDeP) prezidentlikka nomzod qilib koʻrsatilgan Shavkat Mirziyoyevning ishonchli vakili boʻlgan[5].
Manbalar
- ↑ „Vazirlik rahbariyati“ (mehnat.uz).
- ↑ „Ikkita yangi prorektor, maslahatchi va agrar universitetidagi boshqa kadrlar o‘zgarishi“ (agro.uz).[sayt ishlamaydi]
- ↑ „Oila va xotin-qizlar qo‘mitasi rahbariga o‘rinbosarlar tayinlandi“ (wcu.uz).[sayt ishlamaydi]
- ↑ „Kambag‘allikni qisqartirish va bandlik vazirligi rahbariyatida tayinlovlar amalga oshirildi“ (kun.uz).
- ↑ „ХДП депутати Шавкат Мирзиёевнинг ишончли вакили бўлди“ (gazeta.uz).