Qurfays
Qurfays قرفيص | |
|---|---|
| Qishloq | |
| Mamlakat | Suriya |
| Muhofaza | Latakiya |
| Okrug | Jableh okrugi |
| Kichik tuman | al-Qutaibiliyah |
| Aholisi (2004) |
799[1] |
| Vaqt mintaqasi | UTCEET +2; +3 |
Qurfays (arabcha: قرفيص, shuningdek Qurfeis yoki Korfeis) Suriya shimoli-gʻarbidagi qishloq. Maʼmuriy jihatdan Latakiya muhofazasining Jableh okrugi tarkibiga kiradi. Latakiya janubida joylashgan. Gʻarbda Arab al-Mulk, shimoli-gʻarbda Jableh, shimoli-sharqda al-Aqiba va al-Qutaibiliya, janubi-sharqda Sarabion va Dveir Baabda bilan chegaradosh. Suriya Markaziy Statistika Byurosi (CBS) maʼlumotlariga koʻra, 2004-yil aholini roʻyxatga olishda Qurfays aholisi 799 kishini tashkil qilgan[1]. Aholisi alaviylar iborat boʻlib, qishloq yirik Duoba oilasining markazlaridan biri hisoblanadi. Harbiy razvedka xizmatining sobiq rahbarlaridan biri Ali Duoba ushbu qishloqdan boʻlgan[2].
Qurfays munitsipaliteti 1979-yilda qishloqning mahalliy boshqaruvi, shuningdek yaqin atrofdagi al-Barazin, az-Zahra, Bishnana va Mahvartani boshqarish maqsadida tashkil etilgan. 2008-yilda Abdulla Ehson mer boʻlgan davrda munitsipalitet aholisi 7000 nafarga yaqinni tashkil etgan[3].
Tarixi
Qurfays 13-asrda Gospitalyerlar ordenining Margat qalʼasi tarkibidagi kichik qalʼa boʻlib, Korveis deb nomlangan[4]. 1271-yilda Mamluk sultoni Baybars Suriyaning qirgʻoqboʻyi togʻ tizmasidagi salibchilarni magʻlub etgach, gospitalyerlarni boshqa qalʼalar qatori Qurfaysni ham koʻchirishga majbur qildi[5]. Biroq, salibchilar bu yerni tark etishdan avval Qurfays va yaqin atrofdagi Baldani vayron qilishdi[5][6]. Mamluklar sultoni Qalavun va Antioxiyadagi salibchilar hukmdori Bohemond IV oʻrtasida 1281-yilda tuzilgan shartnoma bilan rasman Mamluklarga topshirilgan koʻplab qalʼalar orasida Qurfays ham bor edi[7].
Manbalar
- ↑ 1,0 1,1 General Census of Population and Housing 2004. Syria Central Bureau of Statistics (CBS). Latakia Governorate. (arabcha)
- ↑ Batatu, 1992, p. 240.
- ↑ Khatib, Sharaf.Municipality Qrfais and Wide Range of Services and Suffering from Lack of Central Lines for Sanitation. Unity Foundation for Press, Printing and Publishing. 2008-09-14.
- ↑ Riley-Smith, 2012, p. 91.
- ↑ 5,0 5,1 Riley-Smith, 2012, p. 211.
- ↑ Bronstein, 2005, p. 44.
- ↑ Holt, 1995, p. 63.
Adabiyotlar
- Batatu, Hanna. Syria's Peasantry, the Descendants of Its Lesser Rural Notables, and Their Politics. Princeton University Press, 1999. ISBN 0691002541.
- Bronstein, Judith. The Hospitallers And The Holy Land: Financing The Latin East, 1187-1274. Boydell Press, 2005. ISBN 1843831317.
- Holt, Peter Malcolm. Early Mamluk Diplomacy, 1260-1290: Treaties of Baybars and Qalāwūn with Christian Rulers. BRILL, 1995 — 149–150-bet. ISBN 9004102469.
- Riley-Smith, Jonathan. The Knights Hospitaller in the Levant, C.1070-1309. Palgrave Macmillan, 2012. ISBN 978-0230290839.