Kitee hayvonot bogʻi Finlandiyaning Kitee shahrida joylashgan boʻlib, mamlakatdagi kattaligi boʻyicha toʻrtinchi hayvonot bogʻi hisoblanadi.[1] U 1996-yilda ochilgan va bu yerda 50 dan ortiq hayvon turi saqlanadi.[1] Bogʻda ayiqlar va silovsinlar kabi Finlandiya faunasiga mansub hayvonlar bilan bir qatorda ekzotik hayvonlar ham bor.[2] Finlandiyada qoʻtoslar faqat shu yerda saqlanadi.[1] Hayvonot bogʻidagi hayvonlar orasida oddiy gadyuka, oq tulki, boʻrsiq, ayiq, qur, tovuqlar, shinshillalar, burunduqlar, oddiy bedana, boyoʻgʻli, emu, tulki, gʻozlar, qumsichqonlar, echkilar, kulrang kaklik, dengiz choʻchqachalari, olaxurjunlar, silovsin, yovvoyi oʻrdak, norka, soqov oqqush, qarchigʻay, Norvegiya lemmingi, tuyaqush, tovuslar, choʻchqalar, qora sassiqkoʻzan, poni, quyonlar, yenotsimon it, shimol bugʻusi, qoʻylar, oyoqsiz kaltakesak, kurkalar, oqdumli bugʻu, yovvoyi choʻchqa, rosomaxa va karqur bor.[2]

Manbalar

  1. ↑ 1,0 1,1 1,2 „Kitee Zoo“. kiteezoo.fi. Kitee Zoo. 2011-yil 15-yanvarda asl nusxadan arxivlangan. Qaraldi: 2010-yil 28-dekabr.
  2. ↑ 2,0 2,1 „Kitee Zoo – Animals in zoopark“. kiteezoo.fi. Kitee Zoo. 2011-yil 19-yanvarda asl nusxadan arxivlangan. Qaraldi: 2010-yil 28-dekabr.