Qodir Ibragimov

Qodir Ibragimov

Shaxsiy maʼlumot
Toʻliq ismi	Qodir Ismailovich Ibragimov
Tavallud sanasi	1966-yil 28-may (1966-05-28)
Tavallud joyi	Nukus, Oʻzbekiston SSR
Boʻyi	168 cm (5 ft 6 in)
Ampluasi	Himoyachi
Vazni	67 kg
Professional faoliyati*
Yillar	Jamoa	Isht.	(Gol.)
1982—1985	Aral	38	(2)
1983	→  Paxtakor	0	(0)
1985	Dinamo Samarqand	1	(0)
1985—1986	Sohibkor	48	(14)
1987—1988	Meliorator Qiziloʻrda	36	(8)
1988	Yoshlik Jizzax	3	(0)
1989	Meliorator Qiziloʻrda	30	(5)
1990	Qaysar	29	(6)
1991	Navroʻz Andijon	3	(0)
1991—1993	Aral	73	(18)
1993—1996	SKIF-Odarbasi	126	(8)
1997—2000	Jiger	55	(8)
2000	Ordabasi	4	(0)
2000—2001	Nasha Kampaniya Astana	3	(1)
Milliy terma jamoa
1992	Oʻzbekiston	2	(0)
*Professional klublardagi gollari (ichki chempionat)

Qodir Ibragimov (ruscha: Кадир Исмаилович Ибрагимов; 1966-yil 28-mayda Nukusda tugʻilgan) — oʻzbekistonlik sobiq professional futbolchi. Faoliyati davomida asosan himoyachi ampulasida oʻynagan. U 1980-yillar boshidan 2000-yillarning boshigacha Oʻzbekiston va Qozogʻistonning turli klublari safida toʻp surgan. Ibragimov 1992-yilda Oʻzbekiston milliy futbol terma jamoasi safida ikkita norasmiy xalqaro uchrashuvda ishtirok etgan.

Klublardagi karyerasi

Qodir Ibragimov professional futbolchilik faoliyatini Nukusning „Amudaryo“ (hozirgi „Aral samali“) futbol klubida boshlagan. U 1983-yilgi mavsumda jamoa safida sobiq Ittifoq ikkinchi ligasi musobaqalarida debyut qilgan. Ushbu mavsumning birinchi yarmini „Paxtakor FM“ klubida ijarada oʻtkazgan futbolchi yana jamoa safiga qaytgan. U 1984 va 1985-yilgi mavsumlarda ham jamoaning asosiy futbolchilaridan biri boʻlgan.

1986-yilda Ibragimov „Sohibkor Xalqobod“ klubiga oʻtgan. Mazkur mavsumda u 35 ta rasmiy uchrashuvda maydonga tushib, 7 ta gol muallifi boʻlgan. Keyingi uch mavsumni Qozogʻistonning „Meliorator Qiziloʻrda“da jamoasi safida oʻtkazgan. 1987–1989-yillar davomida u klub safida muntazam oʻyin amaliyotiga ega boʻlib, jami 66 ta uchrashuvda maydonga tushgan va 13 ta gol muallifi boʻlgan.

1990-yilda Ibragimov „Qaysar“ klubi bilan shartnom imzolagan. Ushbu mavsumda u 29 ta oʻyinda maydonga tushib, 6 ta gol urgan. 1991-yil boshida qisqa muddat „Navroʻz Andijon“ safida oʻynagan boʻlsa, oʻsha yilning oʻzida yana Nukusga qaytib, „Aral Nukus“ klubi tarkibiga qoʻshilgan. 1992-yilgi Oʻzbekiston oliy ligasi mavsumida Aral safida 28 ta uchrashuv oʻtkazib, 4 ta gol urgan.

1993-yildan boshlab faoliyatini yana Qozogʻistonda davom ettirgan. U „SKIF-Odarbasi“ klubida 1993–1996-yillar oraligʻidagi toʻrt mavsumda 126 ta rasmiy uchrashuvda maydonga tushgan. 1997–2000-yillarda „Jiger“ jamoasi sharafini himoya qilib, Qozogʻiston Premyer-ligasida toʻp surgan. Faoliyatining soʻnggi yillarida „Nasha Kampaniya Astana“ va „Qarabastau Qaskeleñ“ klublarida oʻynagan hamda 2002-yilda professional faoliyatini yakunlagan.

Terma jamoadagi karyerasi

Ibragimov 1992-yilda Oʻzbekiston futbol terma jamoasiga jalb etilgan. U 17-iyun kuni Tojikistonga qarshi va 28-iyun kuni Turkmanistonga qarshi oʻrtoqlik uchrashuvlarida maydonga tushgan. Mazkur bahslar FIFA tomonidan rasmiy xalqaro oʻyin sifatida tan olinmagan boʻlsa-da, Oʻzbekiston milliy jamoasining ilk uchrashuvlari qatoriga kiritilgan.

Shaxsiy hayoti

Qodir Ibragimovning akasi Sodiq Ibragimov ham futbolchi sifatida faoliyat yuritgan. Qodir faoliyatini yakunlaganidan soʻng 11 yil davomida futbol hakami sifatida ham ish olib borgan. Keyinchalik Qoraqalpogʻistondagi bir necha oliygoh va futbol maktablarida murabbiylik qilgan.

Havolalar

• Qodir Ibragimov Footballfakts saytida