Qodi Abdulvahhob
Abdulvahhob ibn Ali ibn Nasr at-Tagʻlibiy al-Bagʻdodiy al-Malikiy | |
|---|---|
| Unvoni | Qodi Abdulvahhob |
| Shaxsiy maʼlumotlar | |
| Tavalludi |
milodiy 973 (hijriy 362) Bagʻdod, Iroq |
| Vafoti |
milodiy 1031 (hijriy 422) Qohira, Misr |
| Dini | Islom |
| Era | Abbosiylar davri |
| Hudud | Iroq va Misr |
| Yurisprudensiya | Molikiylik |
| Asosiy qiziqish(lar)i | Fiqh |
| Mashhur ish(lar)i | at-Talqin |
Qodi Abdulvahhob ibn Ali ibn Nasr ibn Ahmad ibn Husayn ibn Horun ibn Molik ibn Tavk at-Tagʻlibiy (arabcha: القاضي عبدالوهّاب) (milodiy 973–1035), Qodi Abdulvahhob nomi bilan ham tanilgan, Molikiylik mazhabiga mansub mashhur huquqshunoslardan biri. Qozikalon Abdulvahhob, shuningdek, arab adabiyoti va sheʼriyati borasidagi chuqur bilimlari bilan ham esda qolgan. Abbosiylar davrida Siirt va Badrada qozilik qilgan[1]. Ayniqsa, „at-Talqin“ nomli asari bilan tanilgan. Bu asar molikiylik fiqhiga oid asar boʻlib, hozirgi kungacha oʻrganib kelinadi.
Hayoti
Abdulvahhob 973-yilda (hijriy 362) Bagʻdodda tugʻilgan. Oʻsha davrda Abbosiylar nomigagina hokimiyat tepasida boʻlib, siyosiy va harbiy sahnada, asosan, shialik mazhabi vakillari sanalmish Buvayhiylar sulolasi hukmronlik qilardi. Shunga qaramay, Abdulvahhob Bagʻdoddagi eng mashhur molikiylik mazhabi olimlaridan taʼlim olgan. Xususan, iroqlik huquqshunoslar al-Abhariy va Ibn al-Jallob, shuningdek, ash’ariylik mutakallimi al-Boqilloniydan saboq olgan. Hayotining soʻnggi yillarida Abdulvahhob Bagʻdodda qashshoqlikda yashagan va oxir-oqibat tugʻilgan shahrini tark etgan. Rivoyat qilinishicha, u shahardan ketayotgan kuni bir guruh nufuzli davlat amaldorlari uni kuzatishga chiqqan.