Qoʻyliqota mahallasi

Qoʻyliqota mahallasi (A.Solijonov 1-berk koʻchasi, 9) – Oʻzbekiston Respublikasi Toshkent shahar Mirobod tumanidagi mahalla. Tumanning Barotxoʻja, Yashnobod tumanining Katta Qoʻyliq, Bektemir tumanining Nurafshon mahallasi, Sergeli tumanining Eshonbuloq mahallalari bilan chegaradosh. 1951-yil mahallaga „Qoʻyliqota“ nomi berilgan. Aholisi 1 ming kishidan ortiq, asosan, oʻzbeklar, shuningdek, 10 ga yaqin millat vakillari yashaydi. Mahalla hududida 3 ta koʻcha, Qoʻyliqota jome masjidi va qabriston, „Joʻraota“ doʻkoni va boshqalar mavjud.