Qiziloyoq
Qiziloyoq — balchiqchilar kenja turkumiga mansub qush. Yevropa va Osiyoda tarqalgan. Gʻarbiy Yevropa, Janubiy Osiyo va Afrikada qishlaydi. Tanasi 30 sm cha, ogʻirligi 120 g cha. Usti qungʻir, qora xolli, dumining tagi va qorni oq, oyogʻi qizgʻish. Botqoqlikdagi oʻtlar orasiga uya quradi. 4 ta tuxum qoʻyadi. Tuxumini 22—24 kun ikkala jins navbatlashib bosadi. Hasharotlar, qisqichbaqalar, chuvalchanglar, mollyuskalar, baʼzan urugʻ va mevalar bilan oziqlanadi.
 | Ushbu maqola chaladir. Siz uni boyitib, ZiyoSferaga yordam berishingiz mumkin. Bu andozani aniqrogʻiga almashtirish kerak. |
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |