Kontent qismiga oʻtish

Qiyin davrlar uchun toʻgʻri iqtisodiyot

ZiyoSfera, erkin ensiklopediya
Qiyin davrlar uchun toʻgʻri iqtisodiyot
Fayl:Good Economics for Hard Times (Banerjee and Duflo book).png
Birinchi nashr muqovasi (Buyuk Britaniya/Hindiston)
Asl nomi Good Economics for Hard Times: Better Answers to Our Biggest Problems[1]
Muallif(lar) Abhijit V. Banerjee
Esther Duflo
Mamlakat AQSh
Til inglizcha
Janr(lar)i Iqtisodiyot
Nashr etilgan sanasi 12-noyabr 2019
Nashriyot PublicAffairs[2]
Sahifalar soni 432 bet
ISBN 978-1-61039-950-0

Qiyin davrlar uchun toʻgʻri iqtisodiyot (inglizcha: Good Economics for Hard Times; toʻliq nomi: Good Economics for Hard Times: Better Answers to Our Biggest Problems) — Massachusets texnologiya instituti iqtisodiyot professorlari Abhijit V. Banerjee va Esther Duflo tomonidan yozilgan, 2019-yilda nashr etilgan nobadiiy kitob. Asar 2019-yil 129-noyabrda AQSHda PublicAffairs, Hindistonda Juggernaut Books va Buyuk Britaniyada Allen Lane nashriyotlari tomonidan chop etilgan. Kitob iqtisodiy tadqiqotlardagi soʻnggi ishlanmalarga tayanib, zamonaviy iqtisodiyotlar va butun dunyo jamiyatlari duch kelayotgan dolzarb muammolarga yechimlar taklif qiladi[3]. Ushbu muammolar qatoriga quyidagilar kiradi: iqtisodiy oʻsishning sekinlashishi, immigratsiya, daromadlar notengligi, iqlim oʻzgarishi, globallashuv, texnologik ishsizlik. Bu mualliflarning 2011-yilda nashr etilgan „Poor Economics: A Radical Rethinking of the Way to Fight Global Poverty“ kitobidan keyingi ikkinchi hammualliflikda yozilgan asari, shuningdek, 2015-yilda oila qurganlaridan keyingi birinchi kitobidir. Asar Abhijit V. Banerjee va Esther Dufloning (Harvard universiteti professori Michael Kremer bilan birgalikda) Iqtisodiyot boʻyicha Nobel mukofoti bilan taqdirlanganidan bir oy oʻtib nashr etilgan[4][5].

Qisqacha mazmuni

Banerjee va Duflo iqtisodiy tadqiqotlardagi soʻnggi yangiliklarga tayanib, zamonaviy iqtisodiyotlar va butun dunyo jamiyatlari duch kelayotgan dolzarb muammolarga yechimlar taklif qiladilar. Bu muammolar qatoriga iqtisodiy oʻsishning sekinlashishi, immigratsiya, daromadlar notengligi, iqtisodiy oʻzgarishlar, globallashuv va texnologik ishsizlik kiradi. Kitobda muhojirlar ish haqini pasaytiradi va mahalliy ishchilarning ishini tortib oladi degan qarashga qarshi dalillar keltiriladi. Shuningdek, mualliflar qashshoqlikda yashayotgan insonlar koʻpincha ularga nisbatan bildiriladigan stereotiplardan farqli oʻlaroq, moliyaviy masalalarda ancha oqilona qarorlar qabul qilishini taʼkidlaydilar[6].

Nashr etilishi va targʻiboti

2019-yil oktyabr oyida Banerjee kitobni targʻib qilish maqsadida Hindistonga safar qildi va mamlakat poytaxti Nyu-Dehli hamda oʻzi tugʻilib oʻsgan Kalkutta shahrida nutq soʻzladi[7][8]. Safar davomida u Bosh vazir Narendra Modi bilan uning Nyu-Dehlidagi rasmiy qarorgohi — 7, Lok Kalyan Margda uchrashdi[9]. Duflo esa 2019-yil 5-noyabr kuni London iqtisodiyot maktabidada kitob haqida maʼruza qildi[10].

Taqrizlar

Publishers Weekly nashri kitobni yuqori baholab, shunday yozdi: „Banerjee va Dufloning argumentlari oʻziga xos hamda yangi fikrlarga ochiq boʻlib, keltirilgan dalillar juda aniq taqdim etilgan. Zamonaviy iqtisodiy masalalar boʻyicha yangicha qarashlarni qidirayotgan siyosatchilar va oddiy kitobxonlar ushbu maʼrifiy kitobdan zavq oladilar“[6].

Kirkus Reviews ham ijobiy taqriz berib, asarni quyidagicha taʼrifladi: "Baʼzi oʻrinlarda haddan tashqari ilmiy boʻlib tuyulsa-da, umuman olganda, ushbu „gʻamgin fan“ dunyoni qanday qilib gʻamini kamaytirishi mumkinligi haqida yaxshi asoslar keltirilgan"[11].

The Guardian nashri uchun yozgan taqrizida gretsiyalik iqtisodchi va siyosatchi Yanis Varoufakis kitobni maqtadi. U asarni „soxta faktlarning uslubiy tahlili“ hamda „iqtisodiyotni asossiz tanqid qilishning eng xavfli shakllariga qarshi ajoyib dori“ deb atadi[12].

Nicholas Kristofning yozishicha, Banerjee va Duflo ushbu kuchli asari orqali „boylar uchun yuqori soliqlar belgilanishiga qarshi boʻlgan anʼanaviy argumentlarni parchalab tashlaganlar“[13].

Kitob William Easterly, Thomas Piketty, Emmanuel Saez, Robert Solow, Daron Acemoglu, Pinelopi Goldberg va Raghuram Rajan kabi taniqli iqtisodchilar, shuningdek, huquqshunos olim Cass Sunstein tomonidan ham eʼtirof etilgan[14].

Nashr tarixi

Manbalar

  1. ↑ „Good Economics, Bad Economics“. Booktopia. Qaraldi: 21-oktabr 2019.
  2. ↑ „Good Economics for Hard Times“. PublicAffairs (2019-yil 5-mart). Qaraldi: 21-oktabr 2019.
  3. ↑ 3,0 3,1 Banerjee, Abhijit V.; Duflo, Esther. Good Economics for Hard Times: Better Answers to Our Biggest Problems by Abhijit V. Banerjee by Esther Duflo. PublicAffairs, 5 March 2019. ISBN 978-1-61039-950-0. Qaraldi: 2019-yil 21-oktyabr. 
  4. ↑ Smialek, Jeanna „Nobel Economics Prize Goes to Pioneers in Reducing Poverty“. The New York Times (2019-yil 14-oktyabr). Qaraldi: 2019-yil 21-oktyabr.
  5. ↑ Lynch, Russell „Poverty-busting woman wins economics Nobel for only the second time in 50 years“. The Daily Telegraph (2019-yil 14-oktyabr). Qaraldi: 2019-yil 21-oktyabr.
  6. ↑ 6,0 6,1 „Nonfiction Book Review: Good Economics for Hard Times by Abhijit V. Banerjee and Esther Duflo“. Publishers Weekly (2019-yil 17-oktyabr). Qaraldi: 2019-yil 21-oktyabr.
  7. ↑ Banerjee, Tamaghna „Abhijit Banerjee to launch his book in Delhi this weekend“. The Times of India (2019-yil 16-oktyabr). Qaraldi: 2019-yil 22-oktyabr.
  8. ↑ „Tax cuts for the rich is necessary for growth is a mantra that needs to be questioned: Nobel laureate Abhijit Banerjee“. The Economic Times (2019-yil 21-oktyabr). Qaraldi: 2019-yil 22-oktyabr.
  9. ↑ Raghavan, T.C.A. Sharad „Modi has an 'excellent' meeting with Nobel laureate Abhijit Banerjee“. The Hindu (2019-yil 22-oktyabr). Qaraldi: 2019-yil 22-oktyabr.
  10. ↑ „Good Economics for Hard Times“. LSE. Qaraldi: 2019-yil 22-oktyabr.
  11. ↑ „Good Economics for Hard Times by Abhijit V. Banerjee & Esther Duflo“. Kirkus Reviews (2019-yil 29-avgust). Qaraldi: 2019-yil 21-oktyabr.
  12. ↑ Varoufakis, Yanis „Good Economics for Hard Times by Abhijit V Banerjee and Esther Duflo review – methodical deconstruction of fake facts“. The Guardian (2019-yil 11-noyabr). Qaraldi: 2019-yil 11-noyabr.
  13. ↑ Kristof, Nicholas „Opinion | Should We Soak the Rich? You Bet!“. The New York Times (2019-yil 12-oktyabr). Qaraldi: 2019-yil 22-oktyabr.
  14. ↑ Easterly, William. „'Good Economics for Hard Times' Review: Sticky Markets, Tricky Solutions“. The Wall Street Journal (2019-yil 17-noyabr). Qaraldi: 2023-yil 13-aprel. „"Good Economics for Hard Times lives up to its authors' reputations, giving a masterly tour of the current evidence on critical policy questions facing less-than-perfect markets in both developed and developing countries, from migration to trade to postindustrial blight."“.
  15. ↑ „Good Economics for Hard Times“. Juggernaut Books. 2019-yil 22-oktyabrda asl nusxadan arxivlangan. Qaraldi: 2019-yil 22-oktyabr.
  16. ↑ „Good Economics for Hard Times“. Penguin Books UK. Qaraldi: 2019-yil 22-oktyabr. 
"https://ziyosfera.uz/index.php?title=Qiyin_davrlar_uchun_toʻgʻri_iqtisodiyot&oldid=720126" dan olindi