Kontent qismiga oʻtish

Qirol Abdulloh masjidi

Koordinatalari: 24°42′41″N 46°40′28″E / 24.7113°N 46.6744°E / 24.7113; 46.6744
ZiyoSfera, erkin ensiklopediya
Masjid
Qirol Abdulloh masjidi
arabcha: مسجد الملك عبدالله‎‎
Mamlakat  Saudiya Arabistoni
Shahar Ar-Riyod
Joylashuvi Qirollik markazi, Al-Oliya
Koordinatalar 24°42′41″N 46°40′28″E / 24.7113°N 46.6744°E / 24.7113; 46.6744
Meʼmoriy uslub Islom arxitekturasi
Asoschi Al-Volid ibn Tolol as-Saud
Binokorlik 2003-yil 13-oktyabr—2004-yil
Bino maydoni 110 m2 (1,200 kv ft) (ichki maydoni)
Gumbazlar soni 1
Gumbazlar soni 1
Balandligi 183 m (600 ft)

Qirol Abdulloh masjidi (arabcha: مسجد الملك عبدالله‎‎), ilgari shahzoda Abdulloh masjidi deb nomlangan, rasmiy ravishda Qirol Abdulloh bin Abdulaziz as-Saud masjidi (arabcha: مسجد الملك عبدالله بن عبدالعزيز آل سعود‎‎) Saudiya Arabistonining ar-Riyod shahri, al-Oliya tumanidagi islomiy (sunniy) masjid boʻlib, Qirollik markazining 77-qavatida joylashgan[1].

Bino yer sathidan 183 metr (600 ft) baland boʻlib, dunyodagi eng baland masjid sifatida Guinnesning rekordlar kitobiga kiritilgan[2][3][4][5]. Masjid 2003-yilda ochilgan, maydoni 110 square metre (1,200 kv ft). U qirol Abdulloh ibn Abdulaziz as-Saud nomi bilan atalgan va uning qurilishi, asosan, shahzoda al-Volid ibn Tolol tomonidan moliyalashtirilgan.

Umumiy maʼlumot

2003-yilda Qirollik markazining 77-qavatida shahzoda al-Volid ibn Tolol koʻmagida Spazio restorani tashkil etilgan.

Restoranga kelgan mijozlar soni ortib borayotgani sababli maʼmuriyat masjid qurdirishga majbur boʻlgan. 2003-yilning oktyabr oyida valiahd shahzoda Abdulloh ibn Abdulaziz restoranga qoʻshimcha sifatida Shahzoda Abdulloh masjidini tashkil qilgan[6]. Masjid qurilishi shahzoda al-Volid bin Tolol tomonidan moliyalashtirilgan[7]. 2005-yilda u yangi monarx sifatida taxtga oʻtirgach, masjid nomi Qirol Abdulloh masjidi deya oʻzgartirilgan.

2010-yilda Dubaydagi Burj Xalifaning ochilish marosimidan soʻng, BBC va boshqa ommaviy axborot vositalari Burj Xalifa osmonoʻpar binosining 158 yoki 154-qavatida masjid borligi haqida xabar bergan va bu masjid dunyodagi eng baland (yer sathidan 600 metr (2,000 ft) balandlikda) masjidga aylangan[8][9][10]. Biroq Burj Xalifa osmonoʻpar binosida masjid borligi haqidagi daʼvolar Emaar Properties tomonidan rad etilgan va Qirol Abdulloh masjidi eng baland masjid sifatida oʻz unvonini saqlab qolgan[11].

Manbalar

  1. ↑ الدمام. „برج المملكة في وسط الرياض“ (Arabic). alyaum (2006-yil 25-iyun). Qaraldi: 2024-yil 28-iyun.
  2. ↑ „5 must-visit mosques in Saudi Arabia, an architectural wonderland“. The Times of India. Qaraldi: 2024-yil 28-iyun.
  3. ↑ Forbes, Bertie Charles. Forbes (en). Forbes Incorporated, 2006. 
  4. ↑ Guinness World Records 2014 (en). Guinness World Records, 2013-09-12. ISBN 978-1-908843-56-2. 
  5. ↑ MEED. (en). Economic East Economic Digest, Limited, 2006. 
  6. ↑ „World's Highest Mosque in Riyadh“ (en). Arab News (2004-yil 5-noyabr). Qaraldi: 2024-yil 28-iyun.
  7. ↑ „برج“ (ar). archive.aawsat.com. Qaraldi: 2024-yil 28-iyun.
  8. ↑ „Burj Khalifa: The world's tallest building“ (en-GB). BBC News (2010-yil 4-yanvar). Qaraldi: 2024-yil 28-iyun.
  9. ↑ السويفي. „"برج خليفة" يضم أعلى مسجد في العالم“ (ar). www.emaratalyoum.com (2019-yil 12-mart). Qaraldi: 2024-yil 28-iyun.
  10. ↑ للأخبار. „برج خليفة.. شاهق يصافح الفضاء ويلثم الغيوم“ (ar-AR). مركز الاتحاد للأخبار (2010-yil 10-yanvar). Qaraldi: 2024-yil 28-iyun.
  11. ↑ Simpson. „Mosque in Burj Khalifa an urban myth“ (en). The National (2011-yil 13-noyabr). Qaraldi: 2024-yil 28-iyun. 
"https://ziyosfera.uz/index.php?title=Qirol_Abdulloh_masjidi&oldid=719784" dan olindi