Qazarman aeroporti
| Qazarman aeroporti Казарман аэропорту | |||
|---|---|---|---|
| IATA kodi: yoʻq (КЗМ) – ICAO kodi: UAFB | |||
| Qisqacha bayon | |||
| Aeroport turi | Fuqarolik | ||
| Operator | Kyrgyzstan Airports[1] | ||
| Xizmat doirasi | Qazarman | ||
| Joylashuvi | Qazarman, Jalolobod viloyati, Qirgʻiziston | ||
| Dengiz sathidan balandligi | 4,289 ft / 1,307 m | ||
| Koordinatalari | 41°24′37″N 074°02′39″E / 41.41028°N 74.04417°E | ||
| Xarita | |||
|
| |||
| Uchish/qoʻnish yoʻlaklari | |||
| Uzunligi | Yuzasi | ||
| ft | m | ||
| 11/29 | 6,036 | 1,840 | Asfalt |
| Manba:[2] | |||
Qazarman aeroporti (qirgʻizcha: Казарман аэропорту) (IATA: yoʻq (КЗМ), ICAO: UAFZ) — Qirgʻizistonning Jalolobod viloyati Toʻgʻiz-Toʻra tumani maʼmuriy markazi Qazarman qishlogʻiga xizmat koʻrsatuvchi aeroport. Aeroportning ruscha IATA kodi КЗМ[3].
Togʻli hududda joylashgan aeroport Qazarman qishlogʻining shimoli-sharqiy chekkasida, Norin shahridan 240 km masofada joylashgan. Aerodrom dengiz sathidan 1274 metr balandlikda oʻrnashgan.
Faoliyati
Qazarman aeroporti oʻz faoliyatini 1940-yillarda, oltin qazib olinadigan ushbu qishloq chekkasidagi qoʻnish yoʻlagi sifatida boshlagan. Hozirgi uchish-qoʻnish yoʻlagi va terminali 1985-yilda qurilgan. Bu 3C toifasidagi mintaqaviy aeroportdir. Uchish-qoʻnish yoʻlagining yuk koʻtarish chegarasi 22 tonnani tashkil etadi; aeroportda asboblar yordamida qoʻnish tizimlari mavjud emas va faqat kunduzgi vaqtda ishlaydi.
Qazarman aeroportida bojxona va chegara nazorati punktlari yoʻq, shuning uchun u faqat Qirgʻiziston ichidagi parvozlarga xizmat koʻrsatadi. 2000-yilgacha aeroport Jalolobod, Norin, Bishkek va Oʻsh shaharlari bilan yil davomida muntazam aloqaga ega boʻlgan.
Qazarman aeroporti 2008-yil 16-iyunda, Bishkekdan Qazarman va ortga muntazam reyslar yoʻlga qoʻyilgach, havo kemalarini qabul qilish faoliyatini qayta boshladi. Soʻnggi oʻn yil davomida aviaqatnov hajmi yetarli boʻlmagani sababli aeroport hech qanday samolyot qabul qilmagan edi. Parvozlar Kyrgyzstan Airlines tomonidan haftasiga bir marta amalga oshirilgan[4].
2013-yil 24-aprelda Jalolobod, Oʻsh va Bishkek shaharlariga parvozlar qayta tiklandi.
2018-yilda terminal binosida taʼmirlash ishlari olib borildi[5]. Terminalning oʻtkazish qobiliyati soatiga 40–50 yoʻlovchini tashkil etadi[6].
Qazarman aeroportida 2022-yildan buyon rekonstruksiya ishlari olib borilmoqda; xususan, aerodromning asfalt-beton qoplamasi, uchish-qoʻnish yoʻlagi, taksi yoʻlaklari va samolyot toʻxtash joylarida taʼmirlash hamda tiklash ishlari bajarilmoqda[7].
2025-yil avgust oyida Jalolobod viloyatidagi Qazarman aeroporti 20 yildan ortiq vaqt davomida ishlamay turganidan soʻng oʻz faoliyatini qayta boshladi. Airports of Kyrgyzstan davlat kompaniyasi tomonidan keng koʻlamli rekonstruksiya ishlari amalga oshirildi, jumladan, uchish-qoʻnish yoʻlagi, taksi yoʻlaklari, samolyot toʻxtash joylari va terminal binosi taʼmirlandi[8].
Uchish-qoʻnish yoʻlagi
Aerodrom Yak-40, An-24, An-26, An-2, An-28 kabi havo kemalari va undan kichikroq toifadagi samolyotlarni, shuningdek, barcha turdagi vertolyotlarni hech qanday cheklovlarsiz qabul qilishga moʻljallangan. Faqat kunduzgi vaqtda faoliyat yuritadi. Sunʼiy uchish-qoʻnish yoʻlagining oʻlchami 1840 x 35 metrni tashkil etib, uning qoplamasi asfalt-betondan iborat.
Aviakompaniyalar va yoʻnalishlar
| Aviakompaniya | Manzillar |
|---|---|
| Asman Airlines | Bishkek |
Baxtsiz hodisalar va falokatlar
1983-yil 29-iyunda Aeroflotga qarashli Yak-40 (CCCP-87808) samolyoti kuchli shamol siljishiga duch kelishi oqibatida halokatga uchradi[9].
Manbalar
- ↑ [1]
- ↑ „Аэропорт "Баткен"“. CivilAviation.kg (2012-yil 28-oktyabr). Qaraldi: 2012-yil 28-oktyabr.
- ↑ „Коды городов всех стран мира“. G-avia.ru (2009-yil 8-avgust). 2018-yil 8-noyabrda asl nusxadan arxivlangan. Qaraldi: 2012-yil 13-oktyabr.
- ↑ „Аэропорт "Казарман" с 16 июня начал принимать воздушные суда в связи с открытием внутреннего рейса Бишкек - Казарман - Бишкек // АвиаПорт.Новости“.
- ↑ „Скоро в Нарын можно будет летать. Идет реконструкция аэропорта (фото)“ (2023-yil 11-mart).
- ↑ „ОАО «МАМ» проводит ремонт в аэропорту «Казарман» - Международный аэропорт «Манас»“.
- ↑ „Скоро в Нарын можно будет летать. Идет реконструкция аэропорта (фото)“ (2023-yil 11-mart).
- ↑ Аэропорт «Казарман» возобновил работу после 20-летнего перерыва
- ↑ „ASN Aircraft accident Yakovlev 40 CCCP-87808 Kazarman“. ASN (2012-yil 28-oktyabr). Qaraldi: 2012-yil 28-oktyabr.
Havolalar
- Kazarman Airport page on the Airports of Kyrgyzstan official website (inglizcha, Kyrgyz va ruscha)
- Civil airports of the Kyrgyz Republic
- UAFZ pilot info for Kazarman Airport[sayt ishlamaydi]
| Qirgʻizistonga oid uşbu maqola çaladir. Siz uni boyitib, ZiyoSferaga yordam berişingiz mumkin. |