Qatartol,Baxmal

Qatortol
Qishloq
Mamlakat	Oʻzbekiston
Viloyat	Jizzax viloyati
Tuman	Baxmal tumani

Qatortol — Jizzax viloyati Baxmal tumanidagi qishloq aholi punkti. U Mustaqillik mahalla fuqarolar yigʻini hududida joylashgan.

Etimologiyasi

Qishloq nomi ikki soʻzdan tashkil topgan: qator va tol. Qator soʻzi birin-ketin yoki yonma-yon joylashgan degan maʼnoni bildiradi. Tol esa suvni yaxshi ko‘radigan, ingichka bargli, uzun tanali daraxt bo‘lib, ko‘pincha soy va daryo bo‘ylarida o‘sadi.

Qishloq hududidan sersuv soy oqib oʻtadi. Oʻtmishda ushbu soy bo‘yida birin-ketin bir necha tegirmonlar qurilgan. Natijada suv qirgʻoqlarni yuvib, soy kengayib ketgan. Mahalliy aholi buni oldini olish maqsadida soy qirgʻoqlariga qator qilib tol daraxtlarini ekkan.

Keyinchalik shu tabiiy belgi asosida hudud Qatortol deb atalgan va bu nom qishloq hamda qishloq qabristoniga ham berilgan.