Qalb

Qalb (arabcha: قلب‎‎ – yurak, dil; oʻrtalik, markaz; lashkarning oʻrtasi) islomda inson shaxsiyatining markazi hisoblanadi. Qur’onda „qalb“ soʻzi 132 marta zikr qilingan. Qurʼon va hadislariga koʻra, qalb inson hayotida markaziy oʻrin egallaydi, yaxshilik va yomonlik, toʻgʻri va notoʻgʻri ishlarning manbai sifatida xizmat qiladi. Islomda Alloh insonning amallaridan koʻra koʻproq uning qalbidagi niyatlariga eʼtibor beradi.