Qabilalar

Vedalar va epik (xalq dostonlari) davri tasavvurlariga koʻra podsho va podsho sulolalarining paydo boʻlishi Xudolarning irodasiga bogʻliq boʻlgan. Eng koʻp tarqalgan rivoyatlarga koʻra, Gang daryosi vodiysida epik davrdagi eng katta sulolalar Quyosh va Oy nomi bilan atalib, ularning asoschilari Quyosh va Oy xudolarning avlodlari edi. Quyosh sulolasi „Ramayana“ dostonining qahramoni Rama bilan, Oy sulolosi esa Kauravi urugʻi bilan bogliq boʻlgan. Bu urugʻning avlodi „Rigveda“da nomi zikr qilingan podsho Bxarata edi. Taxminlarga koʻra, bxaratalar „Rigveda“davrida Sarasvati (Hind daryosi irmogʻi) va Yamuna daryosi orasida yashaganlar. Bxarata nomi juda katta shon-shuhratga ega edi. Bu dongdor podsho sharafiga qadimda butun shimoliy Hindiston „Bxaratvarsha“- „Podsho Bxarat avlodlari mamlakati“ deb atalgan (hozir Hindiston Respublikasi rasman Bxarat deb nomlanadi).