Polkovnikka birov maktub bitmas
| Polkovnikka birov maktub bitmas | |
|---|---|
El coronel no tiene quien le escriba | |
|
Fayl:Polkovnikka birov maktub bitmas.jpg Asarning oʻzbek tilidagi nashri muqovasi | |
| Asosiy maʼlumotlar | |
| Janr | Qissa |
| Muallif | Gabriel García Márquez |
| Orginal tili | Ispan tili |
| Yozilgan sana | 1956—1957-yillar |
| Nashriyot | Aguirre Editor, Medellin |
Ushbu maqola asar haqida. Qoʻshiq haqida ushbu maqolaga qarang
„Polkovnikka birov maktub bitmas“ (ispancha: El coronel no tiene quien le escriba) – kolumbiyalik yozuvchi Gabriel García Márquez tomonidan yozilgan qissa. Márquez ushbu qissani oʻzining eng yaxshi asari deb bilgan hamda „Yolgʻizlikning yuz yili“ romanini yozishdan asosiy maqsadi odamlarni „Polkovnikka hech kim xat yozmaydi“ kitobini oʻqishga undash boʻlganini aytib oʻtgan[1].
Ushbu qissa 1956—1957-yillarda, muallif Parijdagi Hotel des Trois Collegesda istiqomat qilgan paytda yozilgan[2]. Asar dastlab 1958-yilda Mito Revista Bimestral de Cultura jurnalining IV jildidagi 19-sonida (1958-yil may—iyun) chop etilgan boʻlib, keyinchalik 1961-yilda alohida kitob shaklida nashr qilingan[3].
Syujeti
Qissada ming kunlik urushda qatnashgan, qashshoqlashib qolgan isteʼfodagi polkovnik haqidagi soʻz boradi. U oʻn besh yil avval vaʼda qilingan pensiyasini olishga hamon umid qilayotgan edi. Polkovnik astma kasalligi bilan ogʻrigan xotini bilan harbiy qonun joriy etilgan kichik bir qishloqda yashaydi. Voqealar rivoji polkovnikning koʻp yillardan beri birinchi marta tabiiy sabablarga koʻra vafot etgan shahar musiqachisining dafn marosimiga borish uchun tayyorgarlik koʻrishi bilan boshlanadi. Asar voqealari Kolumbiyada, „La Violencia“ deb nomlangan davrda kechadi. Bu yillarda mamlakatda harbiy holat oʻrnatilgan va matbuot erkinligi cheklangan edi.
Adaptatsiyalari
1999-yilda ushbu qissa asosida badiiy film suratga olingan. Arturo Ripstein tomonidan sahnalashtirilgan filmda polkovnik rolini Fernando Luján ijro etgan. 1993-yilda esa „Only Death Comes for Sure“ nomli badiiy film ekranlarga chiqqan. Filmga Marina Surtsamiya rejissyorlik qilgan.
Oʻzbek tilidagi nashri
„Polkovnikka birov maktub bitmas“ qissasi tarjimon Sharifjon Ahmad tomonidan ispan tilidan oʻzbek tiliga oʻgirilgan hamda 2025-yilda Arxetip nashriyoti tomonidan nashr qilingan.
Manbalar
- ↑ "Yo creo que es mi mejor libro, sin lugar a dudas. Además, y esto no es una boutade, tuve que escribir Cien años de soledad para que leyeran El coronel no tiene quien le escriba." in Rentería Mantilla, Alfonso, ed. García Márquez habla de García Márquez. Bogotá: Rentería Editores, 1979.
- ↑ Martin, Gerald (2008) : Gabriel García Márquez: A Life, Penguin. ISBN 978-0143171829
- ↑ „Garcia Marquez - Timeline“. Themodernword.com. 2012-yil 21-martda asl nusxadan arxivlangan. Qaraldi: 2012-yil 1-may.