Polina Bogusevich
Polina Bogusevich | |
|---|---|
 Bogusevich „Yoshlar oʻrtasidagi Eurovision — 2017“ qoʻshiq tanlovida. | |
| Umumiy maʼlumot | |
| Tavalludi |
Polina Sergeyevna Bogusevich 2003-yil 4-iyul Moskva, Rossiya |
| Janrlar | Pop |
| Faoliyat yillari | 2012–hozirgacha |
| Hamkorligi | Dima Bilan |
Polina Sergeyevna Bogusevich (ruscha: Полина Сергеевна Богусевич; 2003-yil 4-iyulda tugʻilgan) — Nanamé taxallusi bilan ham tanilgan rossiyalik qoʻshiqchi. U Rossiya vakili sifatida „Wings“ qoʻshigʻi bilan „Yoshlar oʻrtasidagi Eurovision — 2017“ qoʻshiq tanlovida ishtirok etgan hamda gʻoliblikni qoʻlga kiritgan. Bogusevich „Yoshlar oʻrtasidagi Eurovision“ tarixida gʻalaba qozongan ikkinchi rossiyalik ishtirokchi hisoblanadi.
U avvalroq „The Voice Kids Russia“ loyihasining birinchi mavsumida qatnashgan hamda chorak final bosqichigacha yetib borgan.
Hayoti va karyerasi
Yoshlik yillari
Polina Bogusevich 2003-yil 4-iyulda Moskvada Yuliya va Sergey Bogusevich oilasida tugʻilgan[1][2]. U rus va koreys millatiga mansub ajdodlarga ega boʻlib, oilasi asli Omsk shahridan hisoblanadi[3]. Bogusevich „Academy of Popular Music“ taʼlim muassasasida tahsil olgan. U professional qoʻshiqchilik faoliyatini 2012-yilda Shimoliy Makedoniyada oʻtkazilgan xalqaro sanʼat festivalida ishtirok etish orqali boshlagan hamda keyinchalik „Okno v Parizh“ va „Shkola muzyki“ teleloyihalarida koʻrinish bergan[4].
2014-yildan hozirgacha
2014-yilda Bogusevich „Golos deti“ loyihasining birinchi mavsumida ishtirok etish uchun saralashdan oʻtgan. Dastlabki bosqichidan soʻng u Dima Bilan jamoasiga qoʻshilgan. Bogusevich soʻnggi saralash bosqichigacha yetib borgan, biroq shu bosqichda tanlovni tark etgan. „Golos deti“ loyihasidan keyin u Rossiyaning ikki vakilidan biri sifatida „New Wave Junior 2014“ tanlovida qatnashgan hamda musobaqani ikkinchi oʻrinda yakunlagan[5][6].
2017-yil aprel oyida Bogusevich „Krylya“ qoʻshigʻi bilan „Yoshlar oʻrtasidagi Eurovision — 2017“ qoʻshiq tanlovi uchun Rossiya milliy saralashi bosqichida ishtirok etishi tasdiqlangan[7]. Keyinchalik u milliy tanlovda gʻolib chiqqan hamda Tbilisi shahrida oʻtkazilgan „Yoshlar oʻrtasidagi Eurovision — 2017“ qoʻshiq tanlovida Rossiya vakili sifatida qatnashish huquqini qoʻlga kiritgan[8]. Soʻngra qoʻshiq tanlov uchun inglizcha „Wings“ nomi bilan taqdim etilgan. 2017-yil 26-noyabr kuni boʻlib oʻtgan finalda Bogusevich musobaqa gʻolibi deb eʼlon qilingan. U „Yoshlar oʻrtasidagi Eurovision“ tarixida gʻalaba qozongan ikkinchi rossiyalik ishtirokchi hamda Tolmachevy Sistersning 2006-yildagi gʻalabasidan keyingi ilk rossiyalik gʻolibga aylangan[9][10].
Keyinchalik Bogusevich Kaliforniya shtatining Los-Anjeles shahriga koʻchib oʻtgan.
Manbalar
- ↑ Herbert, Emily „Russia: Who Is Polina Bogusevich?“. Eurovoix (2017-yil 13-oktyabr).
- ↑ „Детское Евровидение 2017 Россия Полина Богусевич pre-party в Москве“ (ru). DG News (2017-yil 13-noyabr).
- ↑ „Полина Богусевич: биография“ (ru). Qaraldi: 2017-yil 29-noyabr.
- ↑ „Кто такая Полина Богусевич, которая представит РФ на детском "Евровидении"?“ (ru). Аргументы и Факты (2017-yil 4-iyun).
- ↑ „Детская Новая Волна 2014: Стали известны имена победителей“ (ru). kidsmusic.info (2014-yil 19-avgust).
- ↑ „10-yo Kazakh singer succeeds at Junior New Wave 2014“. en.tengrinews.kz. Tengri News (2014-yil 19-avgust).
- ↑ Granger, Anthony „Russia: Nineteen Singers Selected For Junior Eurovision Selection“. Eurovoix (2017-yil 21-aprel).
- ↑ Davies, Megan „Russia: JESC 2017 Representative Chosen“. Eurovoix (2017-yil 3-iyun).
- ↑ Herbert, Emily „Russia: Polina Bogusevich Wins The Junior Eurovision Song Contest 2017“. Eurovoix (2017-yil 26-noyabr).
- ↑ Weaver, Jessica „Russia wins the Junior Eurovision Song Contest 2017!“. ESCToday (2017-yil 26-noyabr).
Havolalar
Vikiomborda „Polina Bogusevich“ mavzusi boʻyicha mediafayllar bor.