Podgoritsa

Podgoritsa (Podgorica, 1952-1992-yillarda Titograd) — Chernogoriya Respublikasi poytaxti. Skadar koʻli soyligida joylashgan. Aholisi 136 ming kishi (2003). Transport yoʻllarining yirik chorrahasi. Aeroporti xalqaro ahamiyatga ega. Aluminiy kombinati, metallsozlik, mebel, toʻqimachilik, tamaki, oziq-ovqat sanoati korxonalari mavjud. Chernogoriya fan va sanʼat akademiyasi, universitet bor.

Qad.da P. oʻrnida rimliklarning Virziminium qishlogʻi boʻlgan. VII asrda Chernogoriyani slavyan qabilalari egallagach, qishloq Ribnitsa deb ataldi. XII asr 80-yillari — 1360-yilda P. deb nomlangan. 1427-yildan P. Zet knyazligi marka-zi. XV asrning oxirlaridan Usmonli turk imperiyasi tarkibida, 1878-yilda Chernogoriyaga qaytarilgan.

P.da meʼmoriy yodgorliklardan turklar qurgan qalʼa qoldiqlari (XV asr), XVII—XIX asrlarda qurilgan binolar hamda shahar yaqinida antik Dokley shahri xaro-balari, cherkov va boshqa saqlangan.