Plata
| Turi | fintex-startap |
|---|---|
| Tarmogʻi | moliyaviy xizmatlar |
| Qachon asos solingan | 2023-yil aprel |
| Joylashuvi | Meksika |
| Rahbariyat | Neri Tollardo (Bosh direktor) |
| Mahsulot(lar)i | kredit kartasi, raqamli bank xizmatlari |
| Daromadi | oyiga $25 mln (2025-yil iyun oyi)[1] |
| Ishchilar soni | taxminan 2000 kishi |
| Vebsayti | platacard.mx |
Plata – isteʼmol krediti va raqamli bank xizmatlariga ixtisoslashgan Meksikaning fintex-startapi. Kompaniya 2023-yil aprel oyida Rossiyaning Tinkoff bankining sobiq top-menejerlari tomonidan tashkil etilgan[2].
2025-yil mart oyida kompaniya 160 million dollar mablagʻ toʻpladi va qiymati 1,5 milliard dollarga teng boʻlgan yakkashoxga aylandi[2].
Tarixi
Kompaniya 2023-yil aprel oyida Tinkoff bankning uchta sobiq top-menejerlari: Neri Tollardo, Aleksandr Bro va Danil Anisimov tomonidan tashkil etilgan[1]. Neri Tollardo kompaniyaning bosh direktori hisoblanadi[2].
2024-yil dekabr oyida Plata Meksika regulyatorlaridan bank litsenziyasini oldi[2]. 2025-yil boshida kompaniya allaqachon bir million faol kredit karta foydalanuvchilariga ega edi[2][1].
Mahsulotlari
Kompaniyaning asosiy mahsuloti – keshbek berish dasturiga ega Plata Card kredit kartasi hisoblanadi[1]. Kompaniya mijozlarga kartalarni shaxsan yetkazib beruvchi va mobil ilovani sozlashda yordam beradigan „elchi“ kuryerlar tizimidan foydalanadi[2][1].
Investitsiyalar
Tashkil etilganidan buyon kompaniya oʻz kapitali va qarz mablagʻlari hisobidan jami 750 million dollar toʻpladi[2]. Startapning dastlabki xususiy investorlari orasida rossiyalik tadbirkorlar Oleg Tinkov va Maykl Kalvining oilalari, shuningdek, kompaniyaning 20 ga yaqin top-menejerlari birgalikda 300 million dollar sarmoya kiritgan[1]. Tinkovning soʻzlariga koʻra, Plata investorlarining umumiy soni 100 kishidan va jalb qilingan mablagʻlarning umumiy miqdori 800 million dollardan oshadi[1].
Xususiy moliyalashtirishdan tashqari, kompaniya Londonda joylashgan Fasanara Capitaldan 200 million dollarlik kredit liniyasini ham oldi[2].
2025-yil mart oyida startap Moore Strategic Ventures hamda boshqa Amerika va Yevropa investorlari ishtirokida Kora investitsiya firmasi boshchiligidagi A seriyali raundda 160 million dollar yigʻdi[2]. Bu kelishuv kompaniyaga 1,5 milliard dollarga baholanishiga va sakkizta meksikalik yakkashoxlardan biriga va 2022-yildan beri birinchi boʻlishiga imkon berdi[2].
Xodimlari
Kompaniyada 2000 ga yaqin kishi ishlaydi, ulardan 700 ga yaqini Rossiyadan[1]. Rossiyalik mutaxassislardan 100 ga yaqin kishi bevosita Meksikada, qolganlari kompaniyaning Kipr, Serbiya va Barselonadagi ofislarida ishlaydi[1].
Manbalar
- ↑ 1,0 1,1 1,2 1,3 1,4 1,5 1,6 1,7 1,8 Валерия Позычанюк. „Олег Тиньков и Майкл Калви оказались инвесторами финтех-стартапа Plata. Вместе с топ-менеджерами и партнерами они вложили $300 млн“. The Bell (2025-yil 26-iyun). Qaraldi: 2025-yil 27-iyun.
- ↑ 2,00 2,01 2,02 2,03 2,04 2,05 2,06 2,07 2,08 2,09 Valentine Hilaire. „Mexico Fintech Plata Hits Unicorn Status in $160 Million Round“ (en). Bloomberg (2025-yil 11-mart). Qaraldi: 2025-yil 27-iyun.