Pirouzum kislota

Pirouzum kislota, a-ketopropion kislota, CH3COCOOH — oʻtkir hidli rangsiz suyuqlik. Suyuqlanish temperaturasi 13,6°, qaynash temperaturasi 165° (ajralishb-n), zichligi 1,27 g/sm3. Suvda, efirda, spirtda eriydi. Pirouzum kislota vino kislotani (KHSO4 ustidan), atse-tilxloriddan yoki 2,2-dixlorpropion kislotadan haydash yoʻli bilan olinadi. SO2 yoki SO ajratib chiqarib (H2SO4 ishtirokida) parchalanadi. Vodorod peroksid taʼsirida oksidlanib, sirka kislotaga aylanadi. Uglevodlar, oksidlar, lipidlar hosil boʻlishida muhim bogʻlovchi oraliq mahsulot hisoblanadi. Dorivor moddalar, mas, sinxofen (atrofan) ishlab chiqarishda qoʻllanadi.