Pierre Balmain
| Pierre Balmain | |
|---|---|
 Balmainning Carl Van Vechten tomonidan olingan surati, 1947-yil | |
| Tavalludi |
Pierre Alexandre Claudius Balmain 18-may 1914-yil |
| Vafoti |
29-iyun 1982-yil (68 yoshda) Parij, Fransiya |
| Kasbi | moda dizayneri |
Pierre Alexandre Claudius Balmain (1914-yil 18-mayda tugʻilgan – 1982-yil 29-iyunda vafot etgan) – fransuz moda dizayneri, urushdan keyingi davrning yetakchi moda uylardan biri Balmain brendining asoschisi. Nafislik va jozibadorlik bilan tanilgan Balmain tikuvchilik sanʼatini „harakat arxitekturasi“ deya taʼriflagan[1].
Yoshlik davri
Balmainning otasi ulgurji mato savdosi bilan shugʻullangan, biroq oʻgʻli hali yetti yoshda boʻlgan vaqtida vafot etgan. Onasi Françoise esa singillari bilan birgalikda Galeries Parisiennes nomli moda butigini boshqargan. Balmain Chambéryda tahsil olgan va dam olish kunlarini amakisi bilan Aix-les-Bains nomli kurort shaharchasida oʻtkazar, u yerda uchrashgan jamiyat ayollari orqali Balmainning yuqori modaga boʻlgan qiziqishi shakllangan.
Balmain 1933-yilda École des Beaux-Arts oliy maktabida arxitektura yoʻnalishida oʻqishni boshlagan, shu bilan birga dizayner Robert Piguet uchun chizmalar chizib bergan.
Karyerasi
1934-yilda Balmain Edward Molyneuxning studiyasiga tashrif buyurgan va u yerda Balmainnga ish taklif etilgan. Shundan soʻng Balmain oʻqishini tashlab, keyingi besh yil davomida dizaynerning qoʻl ostida ishladi[2]. Ikkinchi jahon urushi davrida esa u Lucien Lelong modalar uyida faoliyat yuritdi, aynan oʻsha yerda u yosh dizayner Christian Dior bilan tanishgan[1][2].
Oʻlimi
Pierre Balmain 68 yoshida Parijdagi Amerika kasalxonasida jigar saratoni tufayli vafot etgan. U oʻlimidan biroz avval kuzgi kolleksiyasi uchun chizmalarni endigina yakunlagan edi[3].
Manbalar
- ↑ 1,0 1,1 „Balmain“. Elle. 2011-yil 12-avgustda asl nusxadan arxivlangan. Qaraldi: 2011-yil 26-mart.
- ↑ 2,0 2,1 „Balmain Biography“. stylesequel.com. Style Sequel. Qaraldi: 2014-yil 27-iyul.
- ↑ Morris, Bernadine. „PIERRE BALMAIN IS DEAD AT 68; DESIGNER OF WOMEN'S CLOTHES“. The New York Times (1982-yil 30-iyun). Qaraldi: 2017-yil 30-sentyabr.