Petrotektonika
Petrotektonika — togʻ jinslarining mikrostrukturali tahlili — petrografiyaning dinamometamorfizmlashgan jinslar — tektonitlarni oʻrganadigan boʻlimi. Petrotektonikaga nemis olimi B.Zander asos solgan (1930). Bunda geologik kesimdagi oʻrganilayotgan jismdan namunalar olinadi va shliflari mikroskopda oʻrganiladi, hamda natijalari stereografik jadvalga tushiriladi. Olingan grafiklar tahlili togʻ jinslarining deformatsiya boʻlganligi va metamorfizmlanish jarayonlarining sabablarini oʻrganishga imkon beradi. Diagrammalarni toʻliq deshifrovka qilish (oʻqish) uchun turli minerallar va togʻ jinslarining plastik deformatsiyalanishini oʻrganish maqsadida yuqori bosim va temperatura sharoitlarida kerakli qoʻshimcha eksperimentlar bajariladi[1].
Manbalar
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Ushbu maqola chaladir. Siz uni boyitib, ZiyoSferaga yordam berishingiz mumkin. Bu andozani aniqrogʻiga almashtirish kerak. |