Kontent qismiga oʻtish

Paulo Bento

ZiyoSfera, erkin ensiklopediya
Paulo Bento
Bento Janubiy Koreya murabbiyi sifatida
2019-yilgi Osiyo kubogida
Shaxsiy maʼlumot
Toʻliq ismi Paulo Jorge Gomes Bento[1]
Tavallud sanasi 1969-yil 20-iyun (1969-06-20) (57 yosh)[1]
Tavallud joyi Lissabon, Portugaliya[1]
Boʻyi 1.74 m (5 ft 9 in)[1]
Ampluasi Tayanch yarim himoyachi
Yoshligida aʼzo boʻlgan klublar
1982—1987 Académico Alvalade
1987—1988 Palmense
Professional faoliyati*
Yillar Jamoa Isht. (Gol.)
1988—1989 Futebol Benfica 20 (2)
1989—1991 Estrela Amadora 37 (0)
1991—1994 Vitória Guimarães 95 (13)
1994—1996 Benfica 49 (2)
1996—2000 Oviedo 136 (4)
2000—2004 Sporting CP 92 (2)
Total 429 (23)
Milliy terma jamoa
1992—2002 Portugaliya 35 (0)
Boshqargan klublari
2004—2005 Sporting CP (oʻsmirlar)
2005—2009 Sporting CP
2010—2014 Portugaliya
2016 Cruzeiro
2016—2017 Olympiacos
2017—2018 Chongqing Lifan
2018—2022 Janubiy Koreya
2023—2025 Birlashgan Arab Amirliklari
*Professional klublardagi gollari (ichki chempionat)

Paulo Jorge Gomes Bento (1969-yil 20-iyunda tugʻilgan) – portugaliyalik futbol murabbiyi va sobiq futbolchi.

Futbolchilik faoliyati davrida asosiy fazilati toʻp tortib olish va oʻyin jarayonini boshqarish boʻlgan tayanch yarim himoyachi sifatida[2] oʻynagan. Paulo oʻz mamlakatidagi uchta asosiy jamoadan ikkitasida oʻynagan, 11 mavsum davomida Primeira Liga turnirida jami 284 ta oʻyin oʻtkazib, 16 ta gol urgan, shuningdek, Ispaniyada „Real Oviedo“ safida toʻrt yil toʻp surgan. U Portugaliya terma jamoasi tarkibida 2002-yilgi Jahon chempionati va 2000-yilgi Yevropa chempionatida ishtirok etgan.

Bento 2005-yilda murabbiylik faoliyatini boshlagan. U toʻrt yil-u toʻrt oy davomida nisbatan muvaffaqiyatli tarzda Sporting CP jamoasini boshqargan va Gretsiyaning „Olimpiakos“ klubi bilan Gretsiya Superligasi gʻolibligini qoʻlga kiritgan. Bento oʻz vatani hamda Janubiy Koreya milliy terma jamoalarini toʻrt yildan boshqarib, har ikki jamoani ham jahon chempionati va qitʼa musobaqalariga olib chiqishga erishgan. 2023-yilda u Birlashgan Arab Amirliklari milliy terma jamoasiga bosh murabbiy etib tayinlangan.

Futbolchilik faoliyati

Lissabonda tugʻilgan Bento oʻz vatanida Estrela da Amadora, Vitoriya de Gimarayns va Benfika jamoalarida professional futbolchi sifatida oʻynagan. Shuningdek, u toʻrt yil davomida Ispaniyaning „Real Oviedo“[3] klubida ham faoliyat yuritgan boʻlib, ushbu jamoaning La Liga turnirida oʻz oʻrnini saqlab qolishiga katta hissa qoʻshgan. Keyinchalik u oʻz faoliyatini Sporting CP jamoasida davom ettirgan va shu klubda futbolchilik darini yakunlagan[4]. Paulo Sporting CP tarkibida 2002-yilda László Bölöni rahbarligida oltin dublga erishgan mashhur jamoaning bir qismi boʻlgan[5]. Bento Primeira Liga musobaqasida 31 ta oʻyin oʻtkazib, 1 ta gol urgan hamda Mario Jardel va Joau Pintu kabi futbolchilar bilan birga maydonga tushgan[6].

Bento Portugaliya milliy terma jamoasi safida 35 ta oʻyin oʻtkazgan[7]. U 1992-yil 15-yanvarda Ispaniyaga qarshi 0:0 hisobidagi durang qayd etilgan oʻyinda debyut oʻyini oʻtkazgan va soʻnggi bor 2002-yil 14-iyunda, 2002-yilgi FIFA Jahon chempionatida Janubiy Koreyaga 0:1 hisobida magʻlub boʻlgan uchrashuvda maydonga tushgan[8]. Bento shuningdek 2000-yilgi Yevropa chempionatida ham ishtirok etgan. Bu turnirda u, Oviedoda ikki mavsumni birga oʻtkazgan jamoadoshi Abel Xavier hamda Nuno Gomes bilan birgalikda, Fransiyaga qarshi yarim final magʻlubiyatidan soʻng nomunosib xulq-atvori uchun jazo olgan (Bentoning holati besh oylik muddatga toʻgʻri kelgan)[9].

Murabbiylik statistikasi

Natijalar 2025-yil 25-mart kuniga oid
Jamoa va lavozim boʻyicha murabbiylik natijalari
Jamoa Mamlakat Yildan Yilgacha Natijalar
Oʻ Gʻ D M UG OʻG GF Gʻal %
Sporting CP Portugaliya 2005-yil 21-oktyabr 2009-yil 5-noyabr 194 117 46 31 311 152 +159 060,31
Portugaliya Portugaliya 2010-yil 21-sentyabr 2014-yil 11-sentyabr 47 26 12 9 91 49 +42 055,32
Cruzeiro Braziliya 2016-yil 11-may 2016-yil 25-iyul 17 6 3 8 23 28 −5 035,29
Olympiacos Gretsiya 2016-yil 11-avgust 2017-yil 6-mart 40 26 8 6 69 22 +47 065,00
Chongqing Lifan Xitoy 2017-yil 11-dekabr 2018-yil 22-iyul 15 5 2 8 20 20 +0 033,33
Janubiy Koreya Janubiy Koreya 2018-yil 17-avgust 2022-yil 5-dekabr 57 35 13 9 100 46 +54 061,40
Birlashgan Arab Amirliklari Birlashgan Arab Amirliklari 2023-yil 9-iyul 2025-yil 26-mart 26 14 6 6 48 22 +26 053,85
Umumiy 396 229 90 77 662 339 +323 057,83

Yutuqlari

Oʻyinchi sifatida

Estrela Amadora
  • Portugaliya Kubogi: 1989–90[10]
Benfika
  • Portugaliya Kubogi: 1995–96[11]
Sporting CP
  • Portugaliya Oliy Ligasi: 2001–02
  • Portugaliya Kubogi: 2001–02
  • Kandido de Oliveyra Superkubogi: 2000, 2002[12]

Murabbiy sifatida

Sporting CP
  • Portugaliya Kubogi: 2006–07, 2007–08
  • Kandido de Oliveyra Superkubogi: 2007, 2008
  • Liga Kubogi ikkinchi oʻrini: 2007–08, 2008–09
Olimpiakos
  • Gretsiya Superligasi: 2016–17
Janubiy Koreya

EAFF E-1 Futbol Chempionati: 2019

Shaxsiy mukofotlar

  • CNID Yil murabbiyi: 2005–06[13]

Manbalar

  1. ↑ 1,0 1,1 1,2 1,3 „Paulo Bento“ (pt). Portuguese Football Federation. Qaraldi: 2019-yil 12-avgust.
  2. ↑ „Paulo Bento“. BBC Sport. Qaraldi: 2009-yil 24-sentyabr.
  3. ↑ Lorca, Antonio. „La familia ovetense de Paulo Bento“ (es) (2010-yil 18-noyabr). Qaraldi: 2017-yil 23-iyun.
  4. ↑ „Bento to join Sporting Lisbon“. BBC Sport (2000-yil 30-may). Qaraldi: 2009-yil 24-sentyabr.
  5. ↑ „Bölöni mexe na equipa e aposta em Rui Bento“ (pt) (2002-yil 8-mart). 2018-yil 24-iyulda asl nusxadan arxivlangan. Qaraldi: 2017-yil 23-iyun.
  6. ↑ Almeida, Isaura. „A última vez que o Sporting foi campeão foi há 18 anos“ (pt) (2020-yil 28-aprel). Qaraldi: 2021-yil 22-sentyabr.
  7. ↑ „Lista completa dos internacionais portugueses“ [Complete list of Portuguese internationals] (pt). Mais Futebol (2004-yil 18-fevral). Qaraldi: 2021-yil 22-sentyabr.
  8. ↑ „Paulo Bento destaca coincidência: "É incrível que se repita o meu último jogo por Portugal"“ [Paulo Bento highlights coincidence: "It's incredible that my last match for Portugal is happening again"] (pt). SAPO (2022-yil 22-noyabr). Qaraldi: 2025-yil 26-mart.
  9. ↑ „Uefa suspends Portuguese trio“. BBC Sport (2000-yil 2-iyul). Qaraldi: 2009-yil 24-sentyabr.
  10. ↑ Marques, Sara „O dia em que o Estrela da Amadora venceu a Taça de Portugal“ [The day Estrela da Amadora won the Portuguese Cup] (pt). Mais Futebol (2015-yil 1-iyun). Qaraldi: 2017-yil 25-iyun.
  11. ↑ „100 anos: 1995–96“ (pt) (2003-yil 12-avgust). Qaraldi: 2024-yil 10-may.
  12. ↑ „Histórico da Supertaça Cândido de Oliveira“ [Supercup Cândido de Oliveira all-time record] (pt). Portuguese Football Federation (2012-yil 11-avgust). Qaraldi: 2024-yil 16-aprel.
  13. ↑ „CNID entrega prémios anuais“ (pt) (2006-yil 16-may). Qaraldi: 2021-yil 22-sentyabr.

Havolalar

Vikiomborda „Paulo Bento“ mavzusi boʻyicha mediafayllar bor. 
"https://ziyosfera.uz/index.php?title=Paulo_Bento&oldid=695195" dan olindi