Paprika (2006 film)
| Paprika | |
|---|---|
| パプリカ | |
|
Fayl:Paprikaposter.jpg Film posteri | |
| Rejissyor(lar) | Satoshi Kon |
| Prodyuser(lar) | Jungo Maruta, Masao Takiyama |
| Ssenariy muallif(lar)i |
Seishi Minakami, Satoshi Kon |
| Qaysi asarga asoslangan |
Paprika — Yasutaka Tsutsui |
| Rollarda | Megumi Hayashibara, Tōru Emori, Katsunosuke Hori, Tōru Furuya, Akio Otsuka, Koichi Yamadera, Hideyuki Tanaka |
| Bastakor(lar) | Susumu Hirasawa |
| Operator(lar) | Michiya Katou |
| Montajyor(lar) | Takeshi Seyama |
| Studiya | Madhouse |
| Distribyutor | Sony Pictures Entertainment Japan |
| Premyera sanasi |
2-sentabr 2006 (Venetsiya) 25-noyabr 2006 (Yaponiya) |
| Davomiylik | 90 daqiqa |
| Mamlakat |
 Yaponiya |
| Til | yaponcha |
| Byudjet | 300 million ¥ (taxminan 2,6 million AQSh dollari) |
| Daromad | 944 915 $ (xorijiy bozorlarda) |
Paprika (inglizcha: パプリカ, Papurika) – 2006-yilda yaratilgan, kattalar uchun moʻljallangan syurrealistik ilmiy-fantastik anime filmi boʻlib, unga Satoshi Kon rejissyorlik qilgan va Seishi Minakami bilan hamkorlikda ssenariysini yozgan[1]. Film Yasutaka Tsutsuining 1993-yilda yozilgan shu nomli romaniga asoslangan[2][3]. Filmga Megumi Hayashibara, Tōru Emori, Katsunosuke Hori, Tōru Furuya, Akio Otsuka, Koichi Yamadera va Hideyuki Tanaka ovoz bergan. Syujet nomaʼlum „tush terrorchisi“ atrofida aylanadi. U boshqalarning tushlariga kirishga imkon beruvchi maxsus qurilmani oʻgʻirlab, insonlarda dahshatli tushlar uygʻotadi. Shu bilan birga, filmda psixolog olim Dr. Atsuko Chiba va uning ongida yashovchi „tush detektivi“ Paprika obrazi oʻrtasidagi qarama-qarshilik tasvirlanadi.
Paprika Satoshi Konning 2010-yildagi vafotidan avval suratga olgan soʻnggi toʻliq metrajli filmi hisoblanadi[4][5]. Ssenariy muallifi Seishi Minakami avval Konning mashhur seriali Paranoia Agent (2004) uchun ham ishlagan[6]. Personajlar dizayneri va animatsiya rejissyori Masashi Ando[7]. Musiqa Konning doimiy hamkori Susumu Hirasawa tomonidan yaratilgan, badiiy rahbar esa Konning barcha loyihalarida ishlagan Nobutaka Ike boʻlgan[7][8]. Film Madhouse studiyasi tomonidan animatsiya qilingan va ishlab chiqilgan.
Film ilk bor 63-Venetsiya xalqaro kinofestivalida namoyish etilib, Golden Lion („Oltin sher“) mukofoti uchun nomzod boʻlgan. U Yaponiyada 2006-yil 25-noyabr kuni chiqqan va tanqidchilar tomonidan yuksak eʼtirof etilgan[9].
Syujeti
Yaqin kelajakda yaratilgan DC Mini nomli yangi qurilma yordamida odamlarning tushlarini koʻrish imkoniyati paydo boʻladi. Ushbu davolash texnologiyasi ustida ishlayotgan guruh rahbari Dr. Atsuko Chiba qurilmadan ruxsatsiz foydalanib, tadqiqot markazidan tashqarida ruhiy muammolarga duchor bemorlarga yordam bera boshlaydi. Buning uchun u oʻzining tushlardagi boshqa „men“i — Paprika nomli detektiv qiyofasiga kiradi. Atsukoning eng yaqin hamkasblari – boʻlim boshligʻi Dr. Toratarō Shima va DC Mini qurilmasining ixtirochisi Dr. Kōsaku Tokita hisoblanadi.
Paprika oʻzining mijozlaridan biri detektiv Toshimi Konakawaga yordam beradi. U har kecha bir xil takrorlanadigan tushdan aziyat chekadi. Bu tushi oʻzining sobiq hamkasbi va hozirda u tergov qilayotgan qotillik ishidagi jabrlanuvchibilan bogʻliq. Paprika unga ustida veb-sayt manzili yozilgan tashrif qogʻozi beradi; sayt orqali Toshimi bir bar sahifasiga kiradi va u yerda yana Paprika bilan uchrashadi. U Paprika bilan suhbatda internetni tushlar olamiga oʻxshash hodisa sifatida tasvirlaydi. Bu orada kompaniya rahbari Dr. Seijirō Inui bilan uchrashuv chogʻida uchta DC Mini prototipi oʻgʻirlanishi masalasi muhokama qilinadi. Kutilmaganda, Dr. Toratarō Shima gʻalati, mantiqsiz soʻzlarni ayta boshlaydi va oʻzini derazadan tashlab yuboradi va oʻlishiga bir bahya qoladi. Keyinchalik Shimaning tushini tahlil qilganlarida, unda turli-tuman, mantiqsiz buyumlar ishtirok etgan parad sahnasi namoyon boʻladi. Shu tahlil paytida Dr. Kōsaku Tokita tushda oʻz yordamchisi Kei Himuroni tanib qoladi, bu esa ularning oʻgʻirlik ichkaridan amalga oshirilganiga boʻlgan gumonini tasdiqlaydi.
Filmdagi mavzular
Konning boshqa asarlari singari, bu film ham „xayolot va haqiqat“ motividan foydalanadi. Unda bir-biriga uzviy bogʻlangan tushlar va voqelik shafqatsizlarcha almashtirilgan, natijada xayolot va haqiqat oʻrtasidagi chegara noaniq boʻlib qolgan dunyo oʻziga xos realistik tarzda tasvirlanadi[10][11]. Kon uchun „xayolot“ va „haqiqat“ qarama-qarshi tushunchalar emas, balki ikkalasi ham „chizilgan narsalar“ boʻlib, ularni faqat „nima tasvirlangani“ ajratib turadi. Kon hech qachon haqiqiy manzaralarni kuzatib chizmagan va u oʻz rasmlarini realistik emas, balki mavhumroq boʻlishini xohlagan. Boshqacha aytganda, tomoshabinlarga haqiqatdek tuyulgan ekrandagi voqelik Kon uchun shunchaki bir „rasm“ boʻlib, animatsiya boʻlgani uchun uning ifodasida voqelik va xayolot oʻrtasida aslida hech qanday farq yoʻq. Bu tafovut Satoshi Konning asarlarini qoʻllab-quvvatlaydigan „hiylalar“ni vujudga keltiradi[12].
Manbalar
- ↑ Burger, Mark „'Perfect Blue' shines on the big screen“. Yes! Weekly (2018-yil 30-avgust). 2020-yil 4-yanvarda asl nusxadan arxivlangan. Qaraldi: 2020-yil 4-yanvar.
- ↑ „『パプリカ』今敏監督、爆弾発言?「白人に認められればいいって考え気持ちが悪い」“ (ja). シネマトゥデイ. 株式会社シネマトゥデイ (2006-yil 24-noyabr). 2020-yil 20-oktyabrda asl nusxadan arxivlangan. Qaraldi: 2021-yil 11-oktyabr.
- ↑ Macdonald, Christopher „Next Satoshi Kon Project Announced“. Anime News Network (2005-yil 9-dekabr). 2020-yil 4-yanvarda asl nusxadan arxivlangan. Qaraldi: 2020-yil 4-yanvar.
- ↑ のざわよしのり. „没後10年、世界中のクリエイターに影響を与えた今敏監督の功績 未発表作はどう決着する? (1/2)“ (ja). Real Sound. blueprint (2020-yil 4-oktyabr). 2021-yil 11-oktyabrda asl nusxadan arxivlangan. Qaraldi: 2021-yil 11-oktyabr.
- ↑ 藤津亮太. „「虚構と現実」の狭間で…"没後10年"今敏監督はアニメで何を描き続けていたのか? (5/5)“ (ja). Bunshun Online. Bungeishunjū (2020-yil 18-dekabr). 2021-yil 10-oktyabrda asl nusxadan arxivlangan. Qaraldi: 2021-yil 10-oktyabr.
- ↑ タニグチリウイチ. „アニメだから表現できた現実と虚構のミックス――没後10年を迎える今敏監督作品を観よう“ (ja). IGN Japan. SANKEI DIGITAL INC. (2020-yil 10-may). 2021-yil 19-dekabrda asl nusxadan arxivlangan. Qaraldi: 2021-yil 11-oktyabr.
- ↑ 7,0 7,1 „監督・今敏、原作・筒井康隆による"夢探偵パプリカ"の活躍を描いたサイコ・サスペンス“. Famitsu (yapon). Kadokawa. 2021-02-07. Qaraldi: 2021-10-11.
- ↑ „細田守監督最新作『竜とそばかすの姫』新ビジュアル公開 竜のデザインは秋屋蜻一が担当“ (ja). Real Sound. blueprint (2021-yil 21-may). 2021-yil 10-oktyabrda asl nusxadan arxivlangan. Qaraldi: 2021-yil 11-oktyabr.
- ↑ „パプリカ PAPRIKA“ (ja). Sony Pictures Entertainment Japan. 2020-yil 16-noyabrda asl nusxadan arxivlangan. Qaraldi: 2021-yil 10-oktyabr.
- ↑ 数土直志. „『千年女優』の今 敏監督作品が世界で「千年生き続ける」理由――没後10年に捧ぐ (6/7)“ (ja). ITmedia ビジネスオンライン. アイティメディア株式会社 (2020-yil 24-avgust). 2021-yil 10-oktyabrda asl nusxadan arxivlangan. Qaraldi: 2021-yil 11-oktyabr.
- ↑ タニグチリウイチ. „アニメだから表現できた現実と虚構のミックス――没後10年を迎える今敏監督作品を観よう“. IGN Japan. 産経デジタル (2020-yil 10-may). 2021-yil 19-dekabrda asl nusxadan arxivlangan. Qaraldi: 2021-yil 10-oktyabr.
- ↑ 藤津亮太. „今敏作品における「虚構と現実」の関係性とは？ 「千年女優」ほか劇場作から探る【藤津亮太のアニメの門V 第62回】“ (ja). アニメ!アニメ!. 株式会社イード (2020-yil 4-sentyabr). 2021-yil 8-oktyabrda asl nusxadan arxivlangan. Qaraldi: 2021-yil 11-oktyabr.