Pallavlar

Pallavlar — Janubiy Hindistondagi Shimoliy Tamilnad hududida qadimda mavjud boʻlgan P. davlati (milodiy III—IX asrlar) ni boshqargan sulola. P.ning 3 sulolasi maʼlum (3—6asrlar; VI asr oxiri —VIII asr oʻrtalari; VIII asr oʻrtalari — IX asrlar). P. Narasimxa I davrida (VII asr) ravnaq topgan, u Vatapidagi Gʻarbiy Chalukyalarni tormor qilgan va Seylon (hozirgi Shri Lanka)ga zafarli yurish uyushtirgan. Poytaxti — Kanchi shahri boʻlgan. 893 yil P. davlati Chola davlati tomonidan tugatilgan. P. xonadoniga mansub vassal hokimlar X—XIII asrlarda ham boʻlgan.