Ozarbayjon qizil yarim oy jamiyati
 | |
| Turi | NNT |
|---|---|
| Maqomi | Xayriya jamgʻarmasi |
| Maqsadi | Insoniylik |
| Ishga tushgan sanasi | 10-mart, 1920 |
| Joylashuvi | Boku |
| Hududiy xizmati |
 Ozarbayjon |
| Vebsayti | redcrescent.org.az |
Ozarbayjon qizil yarim oy jamiyati (ozarbayjoncha: Azərbaycan Qızıl Aypara Cəmiyyəti) — Ozarbayjondagi eng yirik gumanitar tashkilot boʻlib, Xalqaro Qizil Xoch va Qizil Yarim Oy harakatining bir qismidir[1].
Vazifasi
Ozarbayjon qizil yarim oy jamiyati notijorat, koʻngillilar asosidagi ijtimoiy xizmat muassasasi boʻlib, shartsiz yordam va xizmat koʻrsatadi hamda davlat qonunlari bilan tartibga solinadigan yuridik shaxs hisoblanadi. Ularning vazifasi — „Ozarbayjon qizil yarim oy jamiyatining salohiyati va insonparvarlik kuchini safarbar etgan holda, nochor aholi qatlamlariga xizmat qilishdir.“[2]. Uning bosh qarorgohi Boku shahrida joylashgan[2].
Tarixi
Tashkilot 1920-yil 10-mart kuni Ozarbayjon Demokratik Respublikasi davrida, oʻsha paytdagi mudofaa vaziri oʻrinbosari, general-leytenant Aliağa Shixlinskiy va tashqi ishlar vaziri Fotali Xon Xoʻyskiy tashabbusi bilan tashkil etilgan[3]. Oʻsha yil 28-aprelda Ozarbayjon Sovet Rossiyasi tomonidan bosib olinib, anneksiya qilingach, Ozarbayjon qizil yarim oy jamiyati vaqtincha faoliyatini toʻxtatib, Rossiya qizil xoch jamiyatining Ozarbayjon boʻlimi sifatida faoliyat yurita boshladi. 1922-yil oktyabr oyida Ozarbayjon qizil yarim oy jamiyati (Hilol Ahmar) Ozarbayjon Sovet Sotsialistik Respublikasi Xalq Komissarlari Kengashi qarori bilan qayta tashkil etildi. U Qizil Xoch va Qizil Yarim Oy jamiyatlarining Sovet ligasi tarkibida faoliyat koʻrsatdi[4].
1991-yilda Sovet Ittifoqining parchalanishidan soʻng, Ozarbayjon Respublikasi oʻz mustaqilligini tikladi va xalqaro standartlarga muvofiq oʻz milliy qizil yarim oy jamiyati ham faoliyatini boshladi[4].
Yana qarang
Manbalar
- ↑ „Azerbaijan Red Crescent Society“. James Madison University. Qaraldi: 2016-yil 12-dekabr.
- ↑ 2,0 2,1 „Azerbaijan Red Crescent Society“. International Federation of Red Cross and Red Crescent Societies (IFRC). Qaraldi: 2016-yil 12-dekabr.
- ↑ „Azerbaijan Red Crescent Society“. Global Hand/Crossroads Foundation Ltd.. Qaraldi: 2016-yil 12-dekabr.
- ↑ 4,0 4,1 „About Us“. Azerbaijan Red Crescent Society. 2022-yil 15-iyunda asl nusxadan arxivlangan. Qaraldi: 2016-yil 12-dekabr.
Havolalar
- Ozarbayjon qizil yarim oy jamiyatining rasmiy sayti (Wayback Machine saytida 2016-12-20 sanasida arxivlangan) (ozarbayjoncha va inglizcha)