Oyna yuvish

Oyna yuvish – bino va inshootlarning konstruktiv, yoritish yoki dekorativ maqsadlarda ishlatiladigan tashqi oynali yuzalarini tozalash jarayoni. Ushbu jarayon turli xil tozalash va balandlikka koʻtarilish uskunalaridan foydalangan holda qoʻlda bajarilishi mumkin. Hozirgi kunda ushbu sohada texnologiyalar, xususan, avtomatlashtirilgan tizimlar tobora keng qoʻllanilmoqda^[1].

Tijorat yoʻnalishidagi ishlar turli shakllarda – naqd pul yoki barter asosidagi bevosita kelishuvlardan tortib, rasmiy tender jarayonlarigacha boʻlgan tartibda shartnoma qilinadi. Sohadagi qoidalar, litsenziyalash, ish uslublari, jihozlar va ish haqi miqdori mamlakatlar hamda hududlarga qarab farq qiladi.

Ish qurollari

Zamsh mato va Special:Contributions/gazlama — Zamsh matosi kirni yumshatish va olib tashlash uchun ishlatiladi, soʻngra gazlama yoki doka bilan artiladi.
Suv va rezina shvabra – Odatda suvga kimyoviy moddalar qoʻshiladi va choʻtka yoki mato bilan qoplangan dasta yordamida hosil boʻlgan eritmaga botirib, oyna ishqalanadi. Keyin oyna yuzasidagi kir va suv aralashmasini tushirib yuborish uchun rezina shvabradan foydalaniladi. Eritmaga qoʻshiladigan kimyoviy moddalar idish yuvish vositalaridan tortib, trinatriy fosfat va oyna oʻyuvchi tuzlargacha boʻlishi mumkin. Havo harorati noldan past boʻlganda, eritma oynada kristallanib qolmasligi uchun unga muzlashga qarshi moddalar qoʻshiladi.
Suv uzatuvchi dastalar – Bu turli xil teleskopik dastalardan iborat boʻlib, ularning yuqori qismiga choʻtka va suv purkagichlar oʻrnatilgan boʻladi. Suv transport vositasidagi deionizatsiyalangan suv baki orqali yoki joyning oʻzida suv tarmogʻiga ulanib, maxsus moslama yordamida tozalanib yetkazib beriladi. Suv ikki yoki uch bosqichli filtrlash tizimidan (uglerod filtri, teskari osmos membranasi va deionizatsiyalovchi smola filtri) oʻtadi. Oynada dogʻ qolmasligi uchun filtrdan oʻtgan suv tarkibidagi TDS (suvda erigan qattiq moddalar miqdori) koʻrsatkichi 0 ppm boʻlishi lozim. Agar bu koʻrsatkich 0 ppmdan yuqori boʻlsa, oyna quriganidan soʻng unda mineral dogʻlar paydo boʻlishi mumkin. Tozalash jarayonida choʻtka kirni yumshatadi, soʻngra choʻtka oynadan bir necha dyuym masofaga koʻtarilib, toza suv oqimi bilan yuvib yuboriladi. Suvni qaytaruvchi oynalar uchun yelpogʻichsimon, suvni tortuvchi oynalar uchun esa ingichka purkagichlardan foydalaniladi. Deionizatsiyalangan suvda ionlar boʻlmagani uchun u oyna sirtidagi qattiq zarrachalarni oʻziga tortib, ularni eritib yuboradi. Natijada oyna dogʻlarsiz quriydi. Bunday dastalarning uzunligi 70 futgacha (taxminan 21 metr) yetishi va 6-qavatgacha boʻlgan balandlikda ishlash imkonini berishi mumkin. Ushbu usul Buyuk Britaniyada keng tarqalgan va AQSHda ham ommalashib bormoqda.

2012-yilda John Kimmel suv uzatuvchi rezina shvabra qurilmasini ixtiro qildi. Ushbu moslama tozalangan suv bilan oyna yuvish usulini va ishqalash uchun mikrofibrali yostiqchani oʻzida birlashtiradi. U xuddi suv uzatuvchi choʻtkalar kabi yuqori qismida yuvish panjarasiga ega, biroq u choʻtkadan farqli oʻlaroq, oyna yuzasida qolib ketishi mumkin boʻlgan qoldiqlarni rezina shvabra yordamida sidirib tushirish imkonini beradi.

Balandlikka chiqish

Balandlikka chiqish usullari va tozalash jihozlari mamlakat hamda hududga qarab farq qiladi. Agar oynani bir turdagi uskuna bilan tozalash qiyin boʻlsa, bir necha xil vositalarni kombinatsiya qilish tavsiya etiladi.

Narvonlar
Tayanchli havozalar – Muallaq havozalardan farqli oʻlaroq, bu vaqtinchalik platforma yuqoridan osilmaydi, balki pastki sirtga tayanib turadi.
Havo ishchi platformalari – Ishchilar ustida turishi mumkin boʻlgan koʻtariladigan platformalar, masalan, qaychisimon koʻtargich yoki gilos teruvchi (savatchali koʻtargich).
Muallaq kirish uskunalari – Bular pastki sirtga mahkamlanmaydi, balki yuqoridan poʻlat simlar yordamida osib qoʻyiladi. Ular ishchini qoʻlda yoki motor yordamida yuqoriga va pastga harakatlantiradi.

Manbalar

↑ Bell, Fred A. (September 1934). "How a Skyscraper Window Washer Faces Death". Modern Mechanix: 36–37, 128, 148. Archived from the original on 2016-05-01. https://web.archive.org/web/20160501165305/http://blog.modernmechanix.com/how-a-skyscraper-window-washer-faces-death/. Qaraldi: 2015-03-17. Oyna yuvish]]

Havolalar

Window Cleaners on The Empire State Building – 1938 British Pathe newsreel

[modernmechanix1934-1] Bell, Fred A. (September 1934). "How a Skyscraper Window Washer Faces Death". Modern Mechanix: 36–37, 128, 148. Archived from the original on 2016-05-01. https://web.archive.org/web/20160501165305/http://blog.modernmechanix.com/how-a-skyscraper-window-washer-faces-death/. Qaraldi: 2015-03-17. Oyna yuvish]]

[1]