Ovidiu Cernăuțeanu
Ovi | |
|---|---|
.jpg) Ovi 2014-yilda | |
| Umumiy maʼlumot | |
| Tavalludi |
Ovidiu Cernăuţeanu 1974-yil 23-avgust |
| Kelib chiqishi | Norvegiya |
| Janrlar | Pop |
| Kasbi |
|
| Faoliyat yillari | 1994–hozirgacha |
| Leybllar | daWorks |
Ovidiu Cernăuțeanu (ro; 1974-yil 23-avgust) ruminiya-norvegiyalik qoʻshiqchi va qoʻshiq muallifidir[1]. Ovi Martin, Ovi Jacobsen va Ovi taxalluslari bilan tanilgan. U Botoșani shahrida voyaga yetgan va 1995-yilda Norvegiyaga koʻchib oʻtgan[2][3].
U 2006-yilda Norvegiyada mashhurlikka erishgan. Oʻsha yili u „Melodi Grand Prix 2006“ tanlovida „The Better Side of Me“ qoʻshigʻi bilan ishtirok etgan, biroq final bosqichiga chiqa olmagan. Keyingi safar u „Melodi Grand Prix 2009“ tanlovida „Seven Seconds“ qoʻshigʻi bilan finalchi boʻlgan, ammo gʻoliblikni Alexander Rybakga boy bergan.
2010-yilda u duetdosh hamkori Paula Seling bilan birgalikda Ruminiyaning Ruminyaning milliy saralashida qatnashgan. Ular „Playing with Fire“ qoʻshigʻi bilan gʻolib chiqib, Ruminiya nomidan „Eurovision–2010“ tanlovida ishtirok etish huquqini qoʻlga kiritgan. Ular katta finalga yoʻl olib, Germaniya va Turkiyadan keyin uchinchi oʻrinni egallagan. Eurovision tanlovidan soʻng Ovi va Paula Seling „We Got Something“ nomli yangi duet qoʻshigʻini chiqargan.
2012-yilda u „Melodi Grand Prix 2012“ tanloviga qoʻshiq muallifi sifatida qaytgan. U Thomas G:son va Tommy Berre bilan hamkorlikda Reidun Sæther ijro etgan „High on Love“ qoʻshigʻini yozgan. Mazkur qoʻshiq final bosqichiga chiqqan. Yevropa miqyosidagi eʼtirofdan tashqari, Ovi „Seven Seconds“ (2009), „Playing with Fire“ (2010) va „We Got Something“ (2011) kabi qoʻshiqlari bilan bir qator musiqiy chartlarga kirgan. Soʻnggi ikki qoʻshiq Paula Seling ishtirokida ijro etilgan. Shuningdek, u Ruminiyada oʻtkazilgan 2009-yilgi Golden Stag Festivalning Ommaboplik mukofoti sovrindori hisoblanadi. 2014-yilda xonanda yana „Eurovision–2010“ tanloviga Paula Seling bilan birga qaytgan va Ruminiya nomidan „Miracle“ qoʻshigʻini ijro etgan. Oʻsha yilning oʻzida Ovi 2 Fabiola guruhi uchun Belgiyaning „Eurovision–2014“ milliy saralashida ishtirok etgan „Sheʼs After My Piano“ qoʻshigʻining hammuallifi boʻlgan. Qoʻshiq Belgiyada gʻolib boʻlmagan boʻlsa-da, 2 Fabiola uchun katta hitga aylangan. Keyinchalik Ovi va Paula Seling ushbu qoʻshiqning oʻz talqinlarini yozib olib, uni Ovining 2014-yil 5-mayda daWorks tomonidan chiqarilgan A Bit of Pop Wonʼt Hurt Anyone albomiga kiritgan.
Melodi Grand Prix
Ovidiu Cernăuțeanu 2000-yillarning oxirlarida „Melodi Grand Prix“ tanloviga oʻzi yozgan va ijro etgan bir nechta qoʻshiqlarni taqdim etgan, biroq faqat ikki marta yarim final bosqichiga saralangan. 2008-yildagi ishtiroki muvaffaqiyat qozonmagan. „Melodi Grand Prix 2009“ tanlovida esa u 21-fevral kuni boʻlib oʻtgan final bosqichiga „Seven Seconds“ qoʻshigʻi bilan yoʻl olgan, ammo Golden Final bosqichiga chiqa olmagan. Shunga qaramay, ushbu qoʻshiq chartlarda maʼlum darajada muvaffaqiyat qozonib, VG-lista reytingida 12-oʻringa qadar koʻtarilgan[4].
Manbalar
- ↑ Carmen Stanciu.. „Ovidiu Jacobsen – Artistul care i-a cucerit pe străini“ (2010-yil 14-yanvar).
- ↑ „- Jeg er ikke Jahn Teigen altså. Men langt på vei“ (no). Dagbladet.no (2014-yil 30-mart).
- ↑ „Ovi şi Paula Seling, la un pas de Eurovision“ (ro). Click mobile (2010-yil 28-yanvar). Qaraldi: 2017-yil 26-fevral.
- ↑ „Seven Seconds by Ovi – Music Charts“. αCharts.