Otabek Sobitov

Otabek Sobitov
Oʻzbekiston Respublikasi Oliy Majlisi huzuridagi Yoshlar parlamenti raisi
Shaxsiy maʼlumotlari
Tavalludi	1997-yil 15-iyul (1997-07-15) Yunusobod tumani, Toshkent shahri
Millati	oʻzbek
Siyosiy partiyasi	Oʻzbekiston Liberal-demokratik partiyasi
Taʼlim	Oʻzbekiston milliy pedagogika universiteti
Kasbi	psixolog
Faoliyati	siyosatchi
Mukofotlari	Mehr-saxovat Oʻzbekiston belgisi

Sobitov Otabek Yuldashovich, 1997-yil 15-iyul kuni Toshkent shahrida tavallud topgan – Oliy Majlis Qonunchilik palatasi huzuridagi Yoshlar parlamenti raisi,
Tadbirkorlar va ishbilarmonlar harakati – Oʻzbekiston Liberal demokratik partiyasi Siyosiy Kengashi a’zosi. '“Mehr-saxovat”' ko‘krak nishoni, “'Oʻzbekiston belgisi” ko‘krak nishoni, “'За самоотверженную борбу с коронавирусом” ko‘krak nishoni bilan taqdirlangan. Oilali.

Otabek Sobitov - jamoat siyosati va yoshlar rivoji sohasida 10-yildan ortiq tajribaga ega mutaxassis bo‘lib, fuqarolik faolligi, yoshlar еtakchiligi, siyosiy jarayonlarda yoshlar ishtiroki va ta’limiy tashabbuslar yo‘nalishida faoliyat yuritadi. Yoshlarni qo‘llab-quvvatlash va fuqarolik qadriyatlarini targ‘ib etishga qaratilgan qator milliy dasturlarga rahbarlik qilib kelmoqda.

Uning kasbiy faoliyati huquqiy psixologiya, siyosiy ta’lim, yoshlar uchun ijtimoiy platformalarni rivojlantirish, yoshlarning huquqiy ongi va qonunchilik jarayonlarida ishtirokini oshirish kabi yo‘nalishlarni qamrab oladi.

Ilmiy faoliyati

2024-yil Nizomiy nomidagi Toshkent davlat pedagogika universiteti (O‘zbekiston milliy pedagogika universiteti) amaliy psixologiya yo‘nalishini imtiyozli tamomlagan. O‘zbekiston milliy pedagogika universitetida magistratura bosqichda ta’lim olib kelmoqda. Milliy va xalqaro ilmiy jurnallar hamda konferensiya to‘plamlarida chop etilgan 30 dan ortiq ilmiy maqola va tezislar muallifi

• “Yoshlar tarbiyasida mehnatning o‘rni”, Milliy psixologiya konferensiyasi, 2020

• “Yoshlar va zamonaviy kasblar”, Pedagog gazetasi, 2020

• “Huquqiy psixologiya: asosiy vazifalar”, Academicia jurnali (Hindiston), 2020

• “Post-COVID migratsiyasi va yoshlar”, Xalqaro migratsiya konferensiyasi, 2020

• Sobitov, O. (2022). “Liderlik ko‘nikmalari” (o‘zbek tilida). Toshkent: Famus Press, 76 bet. Yetakchilik uslublari, nizolarni hal etish va liderlik psixologiyasiga bag‘ishlangan amaliy qo‘llanma. TDPU Pedagogika va psixologiya fakulteti Ilmiy kengashi tomonidan nashrga tavsiya etilgan.

Mehnat faoliyati

2016-yilda Toshkent aloqa kasb-hunar kolleji EXM texnigi lavozimidan boshlagan. 2017-2023-yillar davomida Yoshlar ishlari agentligi, O‘zbekiston yoshlar ittifoqining turli rahbarlik lavozimlarida samarali faoliyat yuritgan bo’lib, 2023-yilning 6-mart kunidan boshlab, Tadbirkorlar va ishbilarmonlar harakati – O‘zbekiston liberal demokratik partiyasi Siyosiy Kengashi Ijroiya qo‘mitasi Yoshlarni qo‘llab-quvvatlash va muammolarini o‘rganish bo‘limi mudiri lavozimida samarali faoliyat yuritib kelmoqda. U O‘zbekiston Respublikasi Oliy Majlisi Qonunchilik palatasi Yoshlar masalalari bo‘yicha komissiyasining 2025 yil 28 maydagi yig‘ilishi bayoniga asosan O‘zbekiston Respublikasi Oliy Majlisi Qonunchilik palatasi huzuridagi Yoshlar parlamenti raisi etib saylangan. 2025 yil 30 iyunda esa Tadbirkorlar va ishbilarmonlar harakati – O‘zbekiston Liberal demokratik partiyasi Siyosiy Kengashi a’zosi etib saylangan.

Mukofotlari

• “Abdulla Avloniy” nomidagi stipendiyati. (Toshkent davlat pedagogika universiteti rektorining 2021-yil 14-oktyabrdagi 407-U-sonli buyrug‘iga asosan)

• Navoiy nomidagi Davlat stipendiyati (O‘zbekiston Respublikasi Oliy va o‘rta maxsus ta’lim vazirining 2022-yil 19-dekabrdagi 413-sonli buyrug‘iga asosan)

• 2021-yilda “Mehr sahovat” ko‘krak nishoni bilan taqdirlangan.

• 2022-yilda Rossiya Federatsiyasining O‘zbekiston Respublikasidagi favqulodda va muhtor elchisi V.Tyurdenev tomonidan “За самоотверженную борбу с коронавирусом” ko‘krak nishoni bilan taqdirlangan.

• 2024-yilda “O‘zbekiston belgisi” ko‘krak nishoni bilan taqdirlangan.

Yana qarang

Oʻzbekiston Respublikasi Oliy Majlisi Yoshlar parlamenti Aktam Hayitov Alisher Saʼdullayev Dilnozaxon Kattaxonova