Osmaniye masjidi
| Masjid | |
 | |
| Mamlakat |  Gretsiya
|
| Hudud | Shimoliy Egey |
| Shahar | Xios |
| Meʼmoriy uslub | Usmonli meʼmorchiligi |
| Asoschi | Sulton Abdulhamid II |
| Binokorlik | 1891—1892 |
| Asosiy sana: 1983-yil 21-yanvar (madaniy yodgorlik sifatida roʻyxatga olingan)
| |
| Maqomi | Masjid (tax. 1892–1912) |
| Minoralar soni | 1 ta |
| Minoralar soni | 1 ta |
| Qurilish materiallari | tosh, marmar, gʻisht |
Osmaniye masjidi (yunoncha: Τζαμί Οσμανιγιέ, turkcha: Osmaniye Camii), mahalliy darajada yana Frangomaxala masjidi (yunoncha: Τζαμί του Φραγκομαχαλά) nomi bilan ham tanilgan, sobiq masjid boʻlib, u Gretsiyaga qarashli Shimoliy Egey mintaqasidagi, nomdosh orol Xiosdagi Xios shahri qadimiy qal’a hududi ichida joylashgan[1]. Masjid 1892-yilda Usmonlilar davrida qurilgan, 1912-yilda tashlab qoʻyilgan va undan keyin bino madaniy maqsadlarda foydalanish uchun moslashtirilgan.
Tarixi
Masjid qurilishi 1891-yilda Arxipelag viloyati poytaxti boʻlib xizmat qilgan davrda, Sulton Abdulhamid II farmoyishi bilan Xios shahrida boshlangan. Qurilish 1892-yilda yakunlangan. Masjid eshigi ustidagi marmar yozuv (kitâbe)da shu maʼlumotlar keltirilgan. Uni turk rassomi Feyziy tayyorlagan[1][2].
Masjid 1983-yil 21-yanvarda Gretsiya madaniyat vazirligi tomonidan madaniy yodgorlik sifatida rasmiy roʻyxatdan oʻtkazilgan[1]. 1997-yilda masjid Gretsiya hukumati tomonidan taʼmirlanib, qayta tiklangan va koʻrgazmalar hamda turli madaniy tadbirlarni oʻtkazish uchun foydalanishga topshirilgan[2].
Arxitekturasi
Masjid toʻrtburchak rejaga ega boʻlib, pol rejasi 8 by 10 metr (26 by 33 ft) va asosiy namozxona 8 by 8 metr (26 by 26 ft) oʻlchamlarida. Unda tom-qavat, kirish ayvoni va gʻarbiy tomonida minoraga chiqish uchun xizmat qiladigan galereya mavjud. Minora sakkiz qirrali boʻlib, masjidning shimoliy-sharqiy burchagida joylashgan. Bundan tashqari, minoraga tutashgan tarixiy turk binosi bor boʻlib, masjidga qarashli xoʻjalik imorati boʻlgan va turk hukmronligi davrida xizmat xonalari joylashgan[2].
Osmaniye masjidi Xiosdagi hozirgacha saqlanib qolgan yana bir turk masjidi — Hamidiye masjidi bilan bir davrda qurilgan boʻlib, u bilan meʼmoriy uslub jihatidan oʻxshashliklarga ega[1].
Yana qarang
Manbalar
- ↑ 1,0 1,1 1,2 1,3 „Sakız - Osmaniye Camii“ (tr). Osmanlı İzleri. Turkish Ministry of Foreign Affairs. 2016-yil 19-avgustda asl nusxadan arxivlangan. Qaraldi: 2016-yil 7-iyul.
- ↑ 2,0 2,1 2,2 „Osmaniye Mosque: Description“. Hellenic Ministry of Culture. Qaraldi: 2016-yil 7-iyul.
Havolalar
Vikiomborda „Osmaniye masjidi“ mavzusi boʻyicha mediafayllar bor.
 | Masjid haqidagi ushbu maqola chaladir. Siz uni boyitib, ZiyoSferaga yordam berishingiz mumkin. |