Oruç Güvenç

Oruç Güvenç (1948 – 2017-yil 5-iyul) turk soʻfiy ustozi, musiqachi, musiqaterapevt, etnomusiqashunos va shoir edi. Turk musiqasidagi eng taʼsirchan shaxslardan biri sifatida keng tan olingan Oruç Güvenç turk klassik va soʻfiy musiqasiga oid koʻplab asarlar yaratgan^[1].

Hayoti

Oruç Güvenç 1948-yilda Kyutahyaning Tavshanli tumanida tugʻilgan. U Ahmet Kamil Güvenç va Urkiye Güvençning ikkinchi farzandi edi.

Kyutahya oʻrta maktabini tamomlagach, Oruç Güvenç falsafa boʻyicha tahsil olib, Istanbul universitetini bitirdi.

Oruç Güvenç musiqiy hayotini oʻrta maktabda oʻqib yurgan chogʻida Fethi Beydan skripka darslari olish bilan boshlagan. Universitet yillarida u ud, rabob, nay va doira chalishni oʻrgandi. 1975-yilda u turk musiqasini oʻrganish va targʻib qilish maqsadida TÜMATA tashkilotiga asos soldi. Oruç Güvenç Istanbul universitetida dars berdi va 1991–1996-yillarda universitetning Musiqa etnologiyasi, tadqiqot va musiqaterapiya boʻlimiga rahbarlik qildi. 1992-yilda u Fargʻona universiteti tomonidan faxriy professor unvoniga sazovor boʻldi. Oʻsha yili u Argentina „Academia de las Naciones“i tomonidan ham taqdirlandi.

Oruç Güvenç 2017-yil 5-iyul kuni Istanbulda vafot etdi. U Karajaahmet qabristoniga dafn qilingan^[2].

Asarlari

Qiziqarli tasvir. — Oruç Güvenç ketayotganda.

Oruç Güvenç ikki kitob va koʻplab kuylar muallifi hisoblanadi.

Albomlari

Xotiralar okeani (1995)
Yakkalik daryolari (1997)

Kitoblari

Musiqaterapiya: Husayn maqomi
Alloh Mahbubi – Hazrati Mevlana

Treninglar va seminarlar

Rahmi Oruç Güvenç turk musiqasi va harakat terapiyasi hamda turk islom soʻfizm anʼanalari boʻyicha trening va seminarlar oʻtkazgan. U bu seminarlarni avvalo Turkiya, Avstriya, Germaniya, Ispaniya, Shveysariya kabi turli mamlakatlarda oʻtkazgan. Uning turk tilidagi ayrim maʼruzalari yozib olingan. Ushbu yozuvlar maxsus veb-saytda podkast^[3] va transkripsiyalar^[4] koʻrinishida eʼlon qilingan.

Manbalar

↑ „Honoring Oruç Güvenç's contributions to Turkish classical music“ (en). DailySabah. Qaraldi: 2019-yil 1-dekabr.
↑ Gzt „Rahmi Oruç Güvenç son yolculuğuna uğurlandı“ (tr-TR). Gzt (2017-yil 5-iyul). Qaraldi: 2019-yil 1-dekabr.
↑ „Rahmi Oruç Güvenç'ten Sohbetler • A podcast on Spotify for Podcasters“ (en). Spotify for Podcasters. Qaraldi: 2024-yil 14-avgust.
↑ oruchoca.com „Sohbetler“ (tr). oruchoca.com (2022-yil 28-fevral). Qaraldi: 2024-yil 14-avgust.

[1] „Honoring Oruç Güvenç's contributions to Turkish classical music“ (en). DailySabah. Qaraldi: 2019-yil 1-dekabr.

[2] Gzt „Rahmi Oruç Güvenç son yolculuğuna uğurlandı“ (tr-TR). Gzt (2017-yil 5-iyul). Qaraldi: 2019-yil 1-dekabr.

[3] „Rahmi Oruç Güvenç'ten Sohbetler • A podcast on Spotify for Podcasters“ (en). Spotify for Podcasters. Qaraldi: 2024-yil 14-avgust.

[4] oruchoca.com „Sohbetler“ (tr). oruchoca.com (2022-yil 28-fevral). Qaraldi: 2024-yil 14-avgust.

[1]

[2]

[3]

[4]