Orhan Chelebiy
Orhan Chelebiy (1412-yilda tugʻilgan — 1453-yil 29-mayda vafot etgan) — Usmoniylar sulolasi shahzodasi, Boyazid I ning o'g'li Qosim chalabiyning oʻgʻli[1].
Orhan Konstantinopolda surgunda va garov sifatida yashagan. Mehmed II dan boshqa Usmoniylar sulolasining tirik qolgan yagona erkak aʼzosi sifatida Orhan taxt uchun ehtimoliy daʼvogar edi. Usmoniylar imperiyasi uni garovda ushlab turish va Mehmed II ga raqib sifatida maydonga chiqib qolmasligi uchun vizantiyaliklarga oʻlpon toʻlagan. Imperator Konstantin XI ning oʻlpon puli oshirilmasa Orhanni daʼvogar sifatida ozod qilish bilan tahdid qilishi Usmoniylarni gʻazablantirgan va Konstantinopolni qamal qilish uchun bahona boʻlgan[2]. 1453-yilda u Konstantinopolning fath etilishi paytida Vizantiya imperiyasi mudofaasiga oʻziga sodiq boʻlgan taxminan 600 nafar Usmoniylar asiri bilan qoʻshilgan[3][4]. Ular dengiz devorlarining bir qismini, jumladan, Eptaskalio bandargohini himoya qilishga mas’ul etib tayinlangan.
Bu voqeaning aniq tafsilotlari haqida bir nechta rivoyatlar mavjud, biroq shahar qulaganidan soʻng Orhan niqoblanib rohib qiyofasida qochishga urinayotganda qoʻlga olinib, Sulton Mehmed II ning buyrugʻi bilan qatl etilgan[5].
Manbalar
- ↑ „An Ottoman Volunteer Defends Besieged Constantinople (1453)“. pemptousia.com. 2019-yil 10-aprelda asl nusxadan arxivlangan.
- ↑ Finkel, Caroline. Osman's dream: the story of the Ottoman Empire, 1300-1923. New York: Basic Books, 2007. ISBN 978-0-465-02397-4.
- ↑ Araştırmaları, Osmanlı „Osmanlı Araştırmaları - İstanbul'un fethinde 600 Türk askeri, Fatih'e karşı savaştı“. www.os-ar.com. 2015-yil 15-aprelda asl nusxadan arxivlangan. Qaraldi: 2017-yil 14-mart.
- ↑ Bilge., Umar. Bizans'ın son yüzyılları, 1261-1453. Türkiye Ekonomik ve Toplumsal Tarih Vakfı, 2003-01-01. ISBN 9753330960. OCLC 255351080.
- ↑ Dost., Körpe. Fatih Sultan Mehmed ve zamanı. Oğlak, 2003-01-01. ISBN 9753294174. OCLC 59087145.
.png) | Usmonlilar imperiyasiga oid shaxslar haqidagi ushbu maqola chaladir. Siz uni boyitib, ZiyoSferaga yordam berishingiz mumkin. |
 | Qirol oila aʼzosi haqidagi ushbu maqola chaladir. Siz uni boyitib, ZiyoSferaga yordam berishingiz mumkin. |